ضلعی انتظامیہ اور محکمہ تعلیم اپر چترال کے زیر انتظام بونی میں رحمت اللعالمین کانفرنس کا اہتمام
اپر چترال ( نمائندہ چترال ٹائمز ) ربیع الاول کے سلسلے اپر چترال بونی میں روح پرور مجلس مقابلہ حسن قرات اور مقابلہ نعت خوانی زیرِ اہتمام ضلعی انتظامیہ اور محکمہ تعلیم اپر چترال منعقد ہوا۔ اس پروگرام میں اپر چترال کے سکولوں کے طلباء و طالبات نے شرکت کی۔پرگرام کو رونق بخشنے کے لیے مہمان خصوصی کے طور ڈپٹی کمشنر اپر چترال حسیب الرحمٰن خلیل موجود تھے ان کے علاوه ایڈیشنل ڈپٹی کمشنر جنرل معظم خان بنگش،ایڈیشنل اسسٹنٹ کمشنر موڑکھؤ تورکھو عسیٰ محمد،ڈی ڈی او مقدس خان ،تحصیل میونسپل آفیسر مستوج مصباح الدین،تحصیل میونسپل آفیسر موڑکھؤ امین الرحمٰن، ڈسٹرکٹ پلاننگ آفیسر شمشیر علی خان ،قاضی غلام ربانی ،تحصیل خطیب فصیح الرحمٰن ،محکمہ تعلیم کے دیگر آفیسر صاحباں ،لائن ڈیپارٹمنٹ کے نمائندہ گاں اور اساتذہ کرام کثیر تعداد میں موجود تھے۔مقابلہ حسنِ قرآت کے لیے 25 طلباء و طالبات ہال میں موجود تھے جبکہ نعت خوانی کے مقابلے کے لیے 45 طلباء و طالبات مد مقابل قسمت آزمائی کر رہے تھے ۔ مقابلے کی شفافیت کو برقرار رکھنے کے لیے ججز اور شریک ججز کے پینل بنائے گئے تھے۔نظامت کے فرائض شاندار انداز میں اے ڈی ای او سپورٹس اور انتہائی متحرک شخصیت ذولفقار علی یفتالی بہترین انداز میں نبھا رہے تھے۔
یہ روح پرور پروگرام دن بھر تحصیل میونسپل ہال بونی میں جاری رہا ۔مقابلہ قرآت اور نعت خوانی کے اختتام پر ججز نے اول دوم اور سوم پوزیشن حاصل کرنے والے طلباء و طالبات کے نتائج مرتب کرکے خوش نصیبوں کے ناموں کا باقاعدہ اعلان کیا ۔ اس کے رو سے مقابلہ حُسنِ قرآت میں بالترتیب محمد جنید گوارنمنٹ ہائی سکول مژگول اول،جواد الرحمٰن جامع مسجد بونی دوم جبکہ ذوہیئر احمد گوارنمنٹ مڈل سکول شونو موڑکھؤ نے تیسری پوزیشن حاصل کی اسی طرح نعت خوانی میں محمد سلمان گوارنمنٹ ہائی سکول وریجون اول ،محمد اویس جاوید گوارنمنٹ ہائی سکول اجنو تورکھو دوم اور ارینہ آمان گوارنمنٹ گرلز ڈگری کالج بونی نے سوم پوزیشن حاصل کرنے میں کامیاب ہو کر اعزاز کے حقدار ٹھرے۔مقابلہ حسنِ قرآت اور نعت خوانی میں اول،دوم اور سوم آنے والے خوش نصیبوں میں ڈپٹی کمشنر اپر چترال حسیب الرحمٰن خلیل نے بالترتیب 50000 پچاس ہزار ،35000 پینتیس ہزار اور 25000 پچیس ہزار حکومت خیبرپختونخوا محکمہ اوقاف،حج، مذہبی و اقلیتی امور کی طرف سے نقد انعامات کے طوپر دے دی ۔ججز اور کو ججز میں تعریفی اسناد تقسیم کیے گئے ۔ موجود شخصیات نے اس طرح کے شاندار پروگرامات منعقد کرانے پر ضلعی انتظامیہ اور محکمہ تعلیم، ساتھ حوصلہ افزائی کے طور پر نقد انعامات دے کر طلباء و طالبات کی حوصلے بڑھانے پر متعلقہ محکمے کی کردار کو سراہتے ہوئے قابل تعریف قرار دی۔پروگرام کا احتتام قاضی غلام ربانی کے دعائیہ کلمات سے ہوا۔بعد میں اول، دوم اور سوم آنے والے طلباء و طالبات اے ڈی ای او ذولفقار علی یفتالی کی سربراہی میں ریجنل سطح کے مقابلوں میں شرکت کے لیے سوات راونہ ہو گئے جو کل منعقد ہونا ہے۔
