جامعہ چترال نے بی اے/بی ایس سی کے سالانہ امتحانات برائے سال 2021کے نتائج کا اعلان کردیا

Posted on December 31, 2021December 31, 2021

جامعہ چترال نے بی اے/بی ایس سی کے سالانہ امتحانات برائے سال 2021کے نتائج کا اعلان کردیا

چترال (چترال ٹائمز رپورٹ) کنٹرولر امتحانات یونیورسٹی آف چترال کے دفتر سے جاری شدہ اعلامیے کے مطابق بی اے / بی ایس سی سالانہ امتحانات برائے 2021 کے نتائج کا اعلان کردیا گیاہے۔ مذکورہ امتحانات میں کامیابی کی شرح تقریبا 83 فیصد رہی۔ اورامتحانات کے دوران کوئی یو ایف ایم کیس رپورٹ نہیں ہوا۔ اعلامیے میں مزید کہا گیا ہے کہ ریگولر طلبہ کے ڈی ایم سیز متعلقہ کالج سے وصول کی جاسکتی ہیں جبکہ پرائیویٹ امیدواروں کی ڈی ایم سیز ان کے مستقل پتے پر بذریعہ رجسٹرڈ ڈاک ارسال کی جارہی ہیں۔نتائج یونیورسٹی کے ویب سائٹ پر دیکھے جاسکتے ہیں

انٹرمیڈیٹ سالانہ امتحانات، چترال ماڈل کالج کے طلبہ نے تینوں پوزیشنین اپنے نام کرلی

Posted on September 18, 2021September 18, 2021

چترال ( چترال ٹائمز رپورٹ ) انٹرمیڈیٹ سالانہ امتحانات 2021 کے مطابق چترال ماڈل کالج چترال کے ہونہار طلبہ نے ایک دفعہ پھر تینوں پوزیشنیں اپنے نام کیے۔

جاری پریس ریلیز کے مطابق پری میڈیکل کے طالب علم رفیع حیات ولد حیات الدین سکنہ ریشن 1070 نمبروں کے ساتھ بورڈ آف انٹرمیڈیٹ اینڈ سیکنڈری ایجوکیشن پشاور میں آ ٹھویں اور ضلع بھر میں پہلی پوزیشن حاصل کی جبکہ رحیم الدین ولد محمد اشرف خان سکنہ سین اور مہرینہ گل ولد محمد علی سکنہ ہینجیل کریم آباد 1038 نمبروں کے ساتھ ضلع بھر میں دوسری پوزیشن ثانیہ بانو ولد سردار جان سکنہ مستوج اور مناہیل احمد ولد شیر احمد خان سکنہ مغلاندہ 1036 نمبروں کے ساتھ ضلع بھر میں تیسری پوزیشن حاصل کرنے میں کامیاب ہوئے ہیں۔

چترال یونیورسٹی نےبی اے/بی ایس سی کے سالانہ امتحانات کا شیڈول جاری کر دیا

Posted on August 23, 2021August 23, 2021

چترال یونیورسٹی نےبی اے/بی ایس سی کے سالانہ امتحانات کا شیڈول جاری کر دیا

چترال ( چترال ٹائمز رپورٹ ) کنٹرولر امتحانات یونیورسٹی آف چترال کے دفتر سے جاری کردہ اعلامیے کے مطابق بی اے/بی ایس سی کے سالانہ امتحانات برائے 2021 کا شیڈول جاری کر دیا گیا ہے ۔ جس کے مطابق مذکورہ امتحانات مورخہء 8 ستمبر2021 سے شروع ہونگے اعلامیے میں مزید کہا گیا ہے کہ امیدواروں کے رولنمبران کے فراہم کردہ مستقل پتے پر ارسال کر دئیے گئے ہیں ۔امیدوار اپنے رولنمبر سلپ یونیورسٹی کی ویب سائٹ سےڈاون لوڈ کر سکتے ہیں یا دفتری اوقات میں یونیورسٹی کے شعبہء امتحانات سےرولنمبر سلپ کی کاپی حاصل کر سکتے ہیں۔ مزید کسی بھی قسم کی معلومات/تصحیح یا ابہام دور کرنے کے لیے یونیورسٹی کے شعبہ امتحانات سے فون نمبر 0943415008 پررابطہ کیا جاسکتا ہے۔