ریسکیو1122کی کاروائی چترال شہر میں جھاڑیوں میں لگی آگ پر قابو پالیاگیا،جراثم کش اسپرے کا سلسلہ بھی جاری
چترال(چترال ٹائمزرپورٹ )چترال گورنرکاٹیج کے قریب جھاڑیوں میں اچانک آگ بھڑک اُٹھی جو دیکھتےہی کافی ایریے کو اپنے لپیٹ میں لیا تاہم ریسکیوٹیم کی موقع پر کاروائی سے آگ پر جلد ہی قابوپالیا گیا۔ترجمان ریکسیوکے مطابق چترال شہر میں چیوڈوک گورنر کاٹج کے قریب نیچے کھائی میں جھاڑیوں کو آگ لگنے کی اطلاع ریسکیو 1122 چترال کو 12بجکر 45 منٹ پر ملی، اطلاع ملتے ہی ریسکیو 1122 چترال کے فائر فائٹرز کی ٹیم موقعے پر پہنچی اور اور ڈیڑھ گھنٹہ فائر فائٹگ کے بعد آگ پر قابو پالیا فائر فائٹگ میں تین فائر فائٹرز نے حصہ لیا اور 7000 لیٹر پانی استعمال ہوا.۔فلحال یہ معلوم نہ ہوسکاکہ آگ لگنے کی وجہ کیا تھی۔
ریسکیو 1122 چترال کی ٹیم اپنے روزمرہ ایمرجنسیز کو ڈیل کرنے کے ساتھ ساتھ موجودہ صورتحال میں کورونا کے خلاف بھی محاز میں ڈٹ کے کھڑی ہے۔
دریں اثنا ریسکیو1122چترال کے اہلکار موجودہ حالات میں کورونا وائرس کے مشتبہ مریضوں کی مختلف قرنطینہ سنٹرز اور ڈی ایچ کیو ہسپتال چترال منتقلی کے ساتھ ساتھ چترال ٹاون کے اندرڈی ایچ کیو ہسپتال سمیت مختلف قرنطینہ سنٹرز، عوامی مقامات، پرائیویٹ اور گورنمنٹ آفیسز میں روزانہ کی بنیاد پر جراثیم کش اسپرے کررہے ہیں، اس سلسلے میں آج قرنطینہ سنٹر کامرس کالج ہاسٹل نمبر 1میں جراثیم کش اسپرے کیا گیا.جہاں کورونا کے تین سے ذائد کیس پازیٹیوموصول ہوئے تھے۔
ریسکیو ٹیم نے عوام سے گذارش کی ہے کہ گھر میں رہیں محفوظ رہیں اور کسی بھی ایمرجنسی کی صورت میں ٹول فری نمبر 1122 ڈائل کریں.
