کالاش ویلی سمیت پانچ سیاحتی مقامات کیلئے دس ایمبولینسز ریسکیو 1122 کے حوالے کئے گئے

Posted on October 2, 2021October 2, 2021

پشاور ( چترال ٹائمز رپورٹ ) وزیر اعلی خیبر پختونخوا محمود خان نے صوبے کے پانچ سیاحتی مقامات میں قائم کئے جانے والے ریسکیو اسٹیشنز کے لئے 10 عدد جدید ایمبولینسز ریسکیو 1122 کے حوالے کئے۔ ان سیاحتی مقامات میں گبین جبہ، کیلاش ویلی، کیوال، کمراٹ، ایوبیہ اور ٹھنڈیانی شامل ہیں۔ خیبر پختونخوا اینٹگریٹڈ ٹوارزم پراجیکٹ کے تحت خصوصی طور تیار کئے گئے یہ 4×4 ایمبولینسز کسی بھی ہنگامی صورتحال سے نمٹنے کے لئے ہر قسم کے ضروری آلات سے لیس ہیں۔

ایمبولینسز کو ریسکیو 1122 کو حوالے کرنے کی ایک مختصر تقریب گزشتہ روز وزیر اعلی سیکرٹریٹ میں منعقد ہوئی۔ صوبائی وزیر برائے ریلیف اقبال وزیر ، سیکرٹری ٹوارزم عابد مجید، سیکریٹری ریلیف یوسف رحمان اور دیگر متعلقہ حکام بھی تقریب میں شریک تھے۔ اس موقع پر بتایا گیا کہ ان سیاحتی مقامات میں قائم کئے جانے والے ریسکیو اسٹیشنز میں دو دو ایمبولینسز کے علاوہ ایک فائر فائٹنگ وہیکل اور ایک سنوباولر وہیکل بھی فراہم کئے جائیں گے۔ اپنے گفتگو میں وزیر اعلی کا کہنا تھا کہ
سیاحتی مقامات پر ریسکیو اسٹیشنز کا قیام اور وہاں پر جدید ایمبولینسز کے علاوہ دیگر سہولیات کی فراہمی سے سیاحت کے فروع کے لئے صوبائی حکومت کے اقدامات کی ایک کڑی ہے اور ان ایمبولینسز کی فراہمی سے سیاحوں کو کسی بھی ہنگامی صورتحال میں بروقت طبی امداد کی فراہمی یقینی ہوگی۔ انہوں نے کہا کہ صوبائی حکومت صوبے میں سیاحت کے فروع کے لئے سیاحوں کو زیادہ سے زیادہ سہولیات کی فراہمی کو یقینی بنا رہی ہے۔
ََِِ<><><><><><>

دریں اثنا وزیر اعلی خیبر پختونخوا محمود خان نے معروف فنکار عمر شریف کے انتقال پر افسوس کا اظہار کرتے ہوئے لواحقین سے تعزیت کی ہے۔
یہاں سے جاری اپنے تعزیتی بیان میں وزیر اعلی کا اہل خانہ سے دلی ہمدردی کا اظہار کرتے ہوئے مرحوم کی مغفرت اور پسماندگان کے لئے صبر جمیل کی دعا کی ہے۔
انہوں نے کہا ہے کہ عمر شریف کے انتقال سے ملک اعلی پائے کے فنکار سے محروم ہوگیا، وہ اسٹیج اداکاری اور طنزو مزاح کے بے تاج بادشاہ ، ایک عظیم فنکار اور صحیح معنوں میں لیجنڈ تھے اور ان کے انتقال سے اداکاری اور کامیڈی کے شعبے میں پیدا ہونے والا خلا پر نہیں ہوسکے گا۔

اپر چترال میں ریسکیو 1122 کا قیام خوش آئند ہے ،تحریک حقوق عوام اپر چترال

Posted on September 18, 2021September 18, 2021

اپر چترال ( چترال ٹائمز رپورٹ ) وزیراعلیٰ کے معاون خصوصی وزیرزادہ اور اپر چترال انتظامیہ کی کوششوں سے تحریک حقوق عوام اپر چترال کا ایک دیرینہ مطالبہ منظورہوگیا ہے ۔ اور اپر چترال میں ریسکیو 1122 کا قیام عمل میں لایا گیا۔جو انتہائی خوش آئند ہے۔تحریک حقوق اپر چترال کی طرف سے جاری پریس ریلیز میں کہا گیا ہے کہ ریسکیو ٹیم کسی بھی حادثے کی صورت میں بروقت پہنچ کر امدادی کاروائیاں کرتی ہے ۔ اس ادارے کے قیام کے سلسلے میں خصوصی کاوشوں پر تحریک حقوق عوام اپر چترال کی طرف سے صوبائی گورنمنٹ،وزیرزادہ، ڈپٹی کمشنر ، اے۔ڈی۔سی ، اسسٹنٹ کمشنر مستوج اور ٹی ایم۔اے مستوج کا تہہ دل سے شکریہ ادا کرتی ہے ۔

یاد رہے کہ ریسکیو 1122 کا دفتر عارضی طور پر ٹی ایم اے آفس بونی میں قائم کیا گیا ہے۔ ڈپٹی کمشنر اپر چترال اور دوسرے مجاز افسران سے گزارش ہے کہ مذکورہ ادارے کے لئے مستقل عمارت کا بندوبست جلد از جلد کیا جائے تاکہ ادارہ اپنے تمام ضروری سامان اور اسٹاف کی تعیناتی کا کام مکمل کرسکے اور یہ ادارہ علاقے میں مکمل طور پر فعال ہو۔