اپرچترال؛ سینیٹرمولانا عطاالرحمن کی موجودگی میں درجنوں افراد کا جے یوآئی میں شمولیت کااعلان
اپرچترال (چترال ٹائمز رپورٹ ) جمعیت علمائے اسلام (ف) کے صوبائی امیر سینیٹر مولانا عطاالرحمن ودیگر قائدین تنظیمی دورے پر اپر چترال پہنچ گئے ہییں جہاں ایک شمولیتی تقریب میں مختلف پارٹیوں سے درجنوں افراد اپنے خاندانوں سمیت جمیعت علماء اسلام اپرچترال میں شمولیت اختیار کی۔یہ بات جے یوآئی اپرچترال کی طرف سے جاری ایک پریس ریلیز میں کیا گیا۔
دورے میں صوبائی قیادت سینٹرمولانا عطاء الرحمن صوبائی امیرکے علاوہ مولانا عطا الحق درویش ناظم عمومی اور مفتی فضل غفور صوبائی نائب امیر بھی ان کے ہمراہ ہے ۔ اپرچترال آمد کے موقعے پر درجنوں افراد اپنے خاندانوں سمیت جمعیت کی قیادت پر اعتماد کا اظہار کرتے ہوئے ضلعی امیر مولانا شیر کریم شاہ اور ضلعی کابینہ تحصیل اور یو سی أمرا اور نظماء اور کارکنوں کی بڑی تعداد کے موجودگی میں اپنی اپنی پارٹیوں سے مستعفی ہوکر جمعیت علماء اسلام اپرچترال میں شمولیت اختیار کی ۔اس موقع پر صوبائی امیر نے ان کو علماء حق کے ساتھ شمولیت پر ان کا شکریہ ادا کیا۔
