گورنر حاجی غلام علی کی نگران وفاقی وزیر خزانہ شمشاد اختر سے اسلام آباد میں ملاقات، وفاق صوبہ کے بڑھتے ہوئے مالی مشکلات کو مدنظر رکھتے ہوئے صوبے کے بقایاجات کی ادائیگی یقینی بنائیں۔۔گورنرحاجی غلام علی
گورنر حاجی غلام علی کی نگران وفاقی وزیر خزانہ شمشاد اختر سے اسلام آباد میں ملاقات، وفاق صوبہ کے بڑھتے ہوئے مالی مشکلات کو مدنظر رکھتے ہوئے صوبے کے بقایاجات کی ادائیگی یقینی بنائیں۔۔گورنرحاجی غلام علی
ملاقات میں صوبہ کو درپیش مالی بحران، صوبہ کو مالی طور پر مستحکم بنانے اور ریونیو بڑھانے سے متعلق امور پر گفتگو کی گئی
وزیر اعظم کی ہدایت پر سیکرٹری خزانہ خیبرپختونخوا کیساتھ مالی مشکلات سے متعلق اجلاس منعقد کر رہے ہیں، نگران وفاقی وزیرخزانہ
اسلام آباد ( چترال ٹائمز رپورٹ ) گورنر خیبر پختونخوا حاجی غلام علی نے جمعرات کے روز نگران وفاقی وزیر خزانہ شمشاد اختر سے وزارت خزانہ اسلام آباد میں ملاقات کی۔ملاقات میں صوبہ کو درپیش مالی بحران، صوبہ کو مالی طور پر مستحکم بنانے اور ریونیو بڑھانے سے متعلق امور پر گفتگو کی گئی۔گورنر نے وفاقی وزیر خزانہ کو ضم اضلاع کیلئے فنڈز کے عدم اجراء سے مشکلات سے بھی آگاہ کیا۔گورنرنے کہاکہ وفاق ضم اضلاع کیلئے فنڈز جاری کرے،ضم اضلاع کیلئے فنڈز جاری نہ ہونے سے ترقیاتی اقدامات نہیں ہو رہے ہیں۔ انہوں نے کہاکہ فنڈز کے عدم اجراء سے صوبہ بشمول ضم اضلاع کے عوام کو شدید مشکلات کا سامناہے۔خیبر پختونخوا اس وقت شدید مالی بحران سے دوچار ہے۔صوبہ کے پاس سرکاری ملازمین کو تنخواہیں دینے کیلئے پیسے نہیں ہیں۔گورنرنے کہاکہ صوبہ کی پبلک سیکٹرز یونیورسٹیاں بھی مالی خسارے سے دوچار ہیں، یونیورسٹی ملازمین کی تنخواہوں میں 35 فیصد اضافہ سے 5 ارب روپے کا مزید بوجھ بڑھے گا۔ انہوں نے کہاکہ وفاق صوبہ کے بڑھتے ہوئے مالی مشکلات کو مدنظر رکھتے ہوئے صوبے کے بقایاجات کی ادائیگی یقینی بنائیں۔ضم اضلاع کے بلدیاتی اداروں کو بھی فنڈزدیے جائیں تاکہ ترقیاتی عمل شروع ہوسکے۔ گورنرنے مزید بتایاکہ صوبے کے سستاآٹاسکیم میں وزیراعظم کی یقین دہانی پر رقم ادا کی تاہم صوبے کو ابھی تک وہ رقم بھی نہیں ملی۔ نگران وفاقی وزیر خزانہ شمشاد اختر نے کہاکہ وفاق صوبہ کے مالی مشکلات سے بخوبی واقف ہے۔وزیر اعظم کی ہدایت پر سیکرٹری خزانہ خیبرپختونخوا کیساتھ مالی مشکلات سے متعلق اجلاس منعقد کر رہے ہیں۔انہوں نے گورنر کویقین دلایا کہ ضم اضلاع سمیت خیبرپختونخوا کے مالی مشکلات کا حل نکالنے کی ہرممکن کوشش کریں گے۔