کورونا آپڈیٹ؛ چترال میں پازیٹیوکیسز کی تعداد 538ہوگئی، چوبیس گھنٹوں کے اندر۱۹کیسز رپورٹ
چترال (نمائندہ چترال ٹائمز)ملک کے دوسرے حصوں میں کورونا وائر س پر تقریبا قابو پالیا گیا ہے مگر چترال میں بے اختیاطی کے سبب اس مرض میں روزبہ روزاضافہ دیکھنے کو مل رہا ہے ۔ محکمہ صحت کی طرف سے جاری ڈیٹا کے مطابق چترال پشاور کے بعد صوبے میں دوسرے نمبر پر آگیا ہے جہاں گزشتہ چوبیس گھنٹوں کے اندر ۱۹پازیٹیوکیسز رپورٹ ہوئے۔
محکمہ صحت کے مطابق اپر چترال میں کل پازیٹیو کیسز۱۵۱جبکہ لوئرچترال میں کل پازیٹیوکیسز کی تعداد 387ہے جبکہ دونوں اضلاع کو ملاکر ٹوٹل پازیٹیوکیسز کی تعداد 538ہوگئی ہے ۔ اور لوئر چترال میں اب تک اس مرض سے مرنے والوں کی تعداد پانچ ہے ۔
محکمہ صحت کی طرف سے باربار یہ شکایات موصول ہورہی ہیں کہ چترال کے عوام اس سلسلے میں محکمہ صحت اور انتظامیہ کے ساتھ تعاون نہیں کررہی یہی وجہ ہے کہ ایس او پیز کی پاسداری نہ ہونےکی وجہ سے پازیٹیوکیسز کی تعداد تیزی سے اضافہ ہورہا ہے جوکہ تشویشناک ہے۔
