چترال کے طول عرضمیں برفباری جاری، لواری ٹنل اپروچ روڈزپرمسافروںکومشکلات کا سامنا
چترال (نمائند ہ چترال ٹائمز ) چترال کے طول وعرض میں گذشتہ رات سے برفباری کا سلسلہ جاری ہے ۔ سب سے زیادہ برفباری لواری ٹنل ایریا میں ہوئی ، جہاں تقریبا ڈھائی فٹ برف پڑی ۔جبکہ دیرسائیڈ میں تین فٹ سے زیادہ ہے. جس کی صفائی کا کام جاری ہے ۔ برف کی زیادتی کی وجہ سے گاڑیوں کو لواری ٹنل تک پہنچنے میں شدید مشکلات پیش آرہی ہیں ۔ جبکہ ڈرائیوروں کو ٹائروں پر سنو چین کے بغیر سفر نہ کرنے کی ہدایت کی گئی ہے ۔
.
گذشتہ رات سے برفباری کے نتیجے میں لواری ٹنل ایریے میں گاڑیوں کو کراس کرتے ہوئے پھسلن کا سامنا کرنا پڑ ا ۔ کیونکہ روڈ پر سے جو برف ہٹایا گیا ہے ۔ وہ دو گاڑیوں کے کراس کرنے کیلئے ناکافی ہے ۔ اس لئے ایک دوسرے کو راستہ دینے کیلئے گاڑیوں کو اکثر مقامات پر برف میں سے گذرنا پڑتاہے ۔ اور پھسلن کی وجہ سے وہ برف میں پھنس کر رہ جاتی ہیں ۔ اس لئے اس روٹ پر چلنے والے مسافر گاڑیوں کے ڈرائیوروں نے مطالبہ کیا ہے ۔ کہ روڈ پر سےبرف صحیح معنوں میں ہٹایا جائے ۔ تاکہ دو گاڑیاں ایک دوسرے کو کراس کر سکیں۔
.
حالیہ برفباری میں شیشی کوہ میں ایک فٹ مڈکلشٹ میں 14 انچ برف پڑی ہے ۔ بگوشٹ اور گبور میں ایک فٹ ، بمبوریت شیخاندہ میں 8انچ، گولین 5انچ،تورکہو موڑکہو خاص گرم چشمہ اور بونی میں 4انچ بتائی جاتی ہے ۔ تاہم چترال لوئر اور چترال اپر انتظامیہ کے مطابق کہیں سے بھی روڈ بلاک ہونے کی اطلاع نہیں ہے ۔
.
برفباری کے باعث چترال بھر میں ٹریفک محدود رہی ۔ جس کے باعث ملازمین کو دفاتر تک پہنچنے میں مشکلات کا سامنا کرنا پڑا ۔ دوسری طرف برفباری سے سرد اور یخ بستہ ہواوں نے سردی کو ناقابل برداشت بنا دیا ہے ۔ اور لوگ گھروں میں محصور ہو کر رہ گئے ہیں ۔ برفباری سے جلانے کی لکڑی کو بھی پر لگ گئے ۔ جبکہ گیس کی قیمت میں حکومتی اضافے اور ناقابل برداشت بجلی بلوں کی وجہ سے غریب لوگ بغیر ایندھن کے کسمپرسی کی زندگی گذارنے پر مجبور ہو گئے ہیں ۔ اور ان کا کہنا ہے ۔ کہ حکومت نے اشیا خوردونوش مہنگی کرکے صرف نوالہ نہیں چھینا ۔ بلکہ ایندھن مہنگی کرکے لوگوں کواس آزمائش میں ڈال دیا ہے ۔ کہ کب تک یہ لوگ بغیر لکڑی ، گیس، بجلی یخ بستہ ہواوں اور موت کا مقابلہ کر سکتے ہیں ۔
۔
دریں اثناحالیہ برف باری میں لواری ٹنل کے چترال سائیڈ پر چترال پولیس نے پھنسے ہوۓ گاڑیوں کو د ھکے دے کر نکالا اور مسافروں کی مدد کی ہے
ڈی پی اؤ چترال وسیم ریاض خان کی خصوصی ہدایت پر علاقہ عشیر یت تھانہ کی پولیس ہائی الرٹ ہے ۔ چترال پولیس اور چترال ٹریفک پولیس نے پھنسے ہوئے گاڑیوں کو نکالا اور مسافروں کو محفظ مقامات پر منتقل کر کے متبادل ذرائع کی فراہمی کو یقینی بنایا ۔ برف باری کا سلسلہ جاری ہے ۔علاقہ عشیر یت کے پولیس کو 24 گھنٹے الرٹ رہنے کی ھدایت کی گئی ہے، مزید نفر ی کی ضرورت پڑنے پر چترال پولیس لائن سے فراہمی کی یقین دہانی کی گئی ہے ۔ڈی پی او نے عوام کو غیر ضروری سفر سے اجتنا ب کا مشوره دیا ۔ ایمرجنسی کی صورت میں چترال پولیس کنٹرول روم کے نمبر 0943412959 پر رابط کی تاکید کی ہے ۔ تاہم لواری ٹنل فورویل گاڑیوں کیلئے کھلا ہے۔ اخری اطلاع تک امدورفت جاری ہے.
