چترال کے بارڈر ایریا میں دہشت گردوں کے ساتھ جھڑپ میں شہید ہونے والے چترال سکاوٹس کے چاروں جوانوں کو فوجی اعزاز کے ساتھ ان کے آبائی علاقوں میں سپردخا ک کردیا گیا
چترال کے بارڈر ایریا جنجیرت کوہ اور استوئی چیک پوسٹوں پر دہشت گردوں کے ساتھ جھڑپ میں شہید ہونے والے چترال سکاوٹس کے چاروں جوانوں کو فوجی اعزاز کے ساتھ ان کے آبائی علاقوں میں سپردخا ک کردیا گیا، شہدا کو شاندار الفاظ میں خراج تحسین پیش کیا گیا
چترال ( نمایندہ چترال ٹایمز ) گزشتہ دنوں چترال کے بارڈر ایریا میں جنجرت کوہ اور استوئی چیک پوسٹوں پر دہشت گردوں کے ساتھ جھڑپ میں شہید ہونے والے چترال سکاوٹس کے چاروں جوانوں کو فوجی اعزاز کے ساتھ ان کے آبائی علاقوں میں سپردخا ک کردیا گیا، نماز جنازہ میں فوجی افسران کے علاوہ ڈپٹی کمشنر اور مختلف مکاتب فکر نے کثیر تعداد میں شرکت کی، شہدا کے قبروں پر صدر پاکستان، چیف آف آرمی سٹاف، کورکمانڈر ، آجی ایف سی ، کمانڈنٹ چترال سکاوٹس، ڈپٹی کمشنر ودیگر کی طرف سے پھول چڑھائے گئے، چترال سکاوٹس کے چاق وچوبند دستے نے سلامی دی ۔
چترال سکاؤٹس کے جوان شہید شاکراللہ کو فوجی اعزاز کے ساتھ آبائی قبرستان جنجریت میں سپردِ خاک کردیا گیا جو جنجریت کوہ پوسٹ میں دہشتگردوں کے ساتھ مقابلہ میں جام شہادت نوش کیا تھا۔
اسی طرح شہید ذولفقار سکنہ بونی لشٹ کو ان کے ابائی گاوں بونی میں فوجی اعزاز کے ساتھ سپرد خاک کیا گیا ۔شہید ذولفقار ولد صوبیدار میجر قربان علی شاہ استوئی چیک پوسٹ بمبوریت میں دہشت گردوں کے خلاف لڑتے ہوئے جام شہادت نوش کیا تھا۔شہید ذولفقار کے تجہیز و تکفین میں ڈپٹی کمشنر اپر چترال محمد خالد زمان ، فوجی افسران اور سول سوسائٹی کے افراد کثیر تعداد میں شرکت کی۔ شہید کے قبر پر پھول چڑھائے۔شہید ذولفقار کے تجہیز و تکفین میں ڈسٹرکٹ پولیس آفیسر اپر چترال ، اسسٹنٹ کمشنر ہیڈ کوارٹر ، میجر 144ونگ مستوج اور مختلف طبقہ فکر سے تعلق رکھنے والے ہزاروں کی تعداد میں لوگ شریک ہوئے اور اشک بار انکھوں کے ساتھ شہید کو سپرد خاک کئے۔
دریں اثنا شہید شیر نواز ولد روزگار امان سکنہ کھوژ اور شہید شہزادہ اورنگ زیب ولد شہزادہ بلبل سکنہ پردان یارخون کو فوجی اعزاز کے ساتھ ان کے ابائی گاوں میں سپردِ خاک کیاگیا ۔ علاقے کے عوام نے شہدا کے جسد خاکی کو لے جانی والی ایمبولینس اور گاڑیوں پر پھولوں کی پتیاں نچھاور کی اور اپنے قابل فخرسپوتوں کو شاندار الفاظ میں خراج تحسین پیش کیا۔ ڈپٹی کمشنر اپر چترال محمد خالد زمان نے دونوں شہداء کے تجہیز و تکفین میں شرکت کی اور ان کے مقبروں میں پھول چڑھائے۔ جبکہ نمازِ جنازہ میں فوجی ودیگر افسران بھی شریک ہوئے ۔ ڈپٹی کمشنر نے دونوں شہداء کے لواحقین سے اظہار تعزیت کی اور ان کے ساتھ اظہار ہمدردی کی ۔دونوں شہداء 6/9/2023میں جنجرت کوہ اور استوئی میں دہشت گردوں کے حملے میں جام شہادت نوش کئے تھے.
