چترال عوامی پارٹی اور حالیہ بلدیاتی انتخابات – شفیق الاسلام
۔ پاک سرزمین کے خطہ چترال میں گذشتہ سال سے منظر عام پر آنے والےنو تشکیل شدہ چترال عوامی پارٹی کے نوجوان مالی وسائل کی عدم دستیابی کے پیش نظر حالیہ انتخابات میں باقاعدہ امیدوار میدان میں نہ لا سکے تاہم بہبود چترال کی خاطر اپنے منشور،نظریہ اور اصول و ضوابط کی پاسداری کا خیال رکھ کر انتخابی مہم میں سرگرم تمام آزاد اراکین کی حمایت کو اپنے منشور کا لازمی جزو قرار دینے پر متفق ہوۓ ہیں کیونکہ یہی چترال عوامی پارٹی کا مشن اور منشور ہے کہ چترال بھر میں کسی صورت بہبود عامہ کو سیاسی ہونے سے بچایا جا سکے،یہی اندرونی سیاست ہی ہمارے نزدیک فلاح چترال کو تہس نہس کرنے کا اصل سبب ہے۔اس بنا چترال کی خدمت اور چترالی تہذیب و تمدن کی حفاظت و پاسداری کو نصب العین بنا کر غیرمشروط تمام آزاد اراکیں کی حمایت کو پارٹی پالیسی کا حصہ سمجھنا چترال عوامی پارٹی کی اولین ترجیحات میں شامل ہے، یوں ہم جنرل الیکشنز میں بھی ارض پاک کے اندر یک رکنی آزاد علاقائی پارٹی کے طور متحرک رہ کر صرف مملکت کی سالمیت اور چترال کی بہبودی کا علمبردار بن کر قومی و صوبائی اسمبلیوں میں قدم جمانے کی پالیسی پر گامزن ہیں۔اگر ایسی صورت حال بنتی ہے تو بغیر کسی سیاسی مزاحمت کے چترال کی صوابدیدی فنڈز سمیت چترال کی خاطر دور رس ترقیاتی منصوبوں پر مکمل عمل درآمد کو یقینی بناکر اکثر گذشتہ ادوار سے جمہوری دور میں محروم اور پیچھے رہنے والے اہم ترین جغرافیائی اہمیت کے حامل چترال کے باسیوں کو حقوق بہم پہچانے کے تسلسل کو برقرار رکھا جا سکتا ہے۔
چونکہ چترال کی پہچان سے متحرک پارٹی یقیناً فلاح چترال کو اپنا نصب العین قرار دینے کی بنا اس بات کا ادراک رکھتی ہے کہ چترال کے جس جس گاؤں کے لوگ جن ذمہ داروں اور نمائندگاں سے مطمئن ہیں/ہونگے چترال عوامی پارٹی بھی چترال کے گوشے گوشے کے خوشحالی کی خاطر نہ صرف اس عوامی راۓ کو قدر کی نگاہوں سے دیکھے گی بلکہ ان اہل اور عوامی توقعات پر پورا اترنے والے عمائدین کی مکمل حمایت کیساتھ ساتھ ان کے شانہ بشانہ فلاح چترال کو اہمیت دیکر انھیں مزید مستحکم کرے گی۔اس مثال کی ثبوت کے طور پارٹی پہلی بار چترال خاص کے ٹاؤن نمبر1کے اپنے بانی ممبر اور صدر لوئیرجناب مبشراحمد کی قربانی سے بھی دریغ نہیں کیا۔یہی چترال عوامی پارٹی کے ارکان کا چترال اور فلاح چترال کی خاطر تن من دہن قربان کرنے کے عزم مسلسل کا عملی ثبوت ہے۔واضح رہے چترال عوامی پارٹی احکامات الھیہ کی تکمیل کے بعد فلاح چترال کی فکر کو اپنا اولیں فریضہ اور عظیم عبادت سمجھتی ہے اس بنا اپنے نظریہ،منشور اور اصول و قواعد کی پاسداری کی خاطر حقوق کی فراہمی کے لحاظ سے مطمئن احباب کے حلقہ انتخاب کے علاؤہ دیگرچترال بھر میں آزاد امیدواروں کی حمایت ہمارا اخلاقی ذمہ داری ہے کیونکہ یہی عین ہمارے منشور کی عکاس ہے اور آنے والے دنوں میں ہمارے طرزفکر سے ہم آہنگ آزاد اراکین کو ساتھ لیکر ہی اپنے سوچ اور طرزفکر کو دوام بخشا جاسکتا ہے۔
مملکت کی سلامتی کے بعد روایات کی پاسداری اور چترال کی بہبودی ہی کو چترال عوامی پارٹی اپنا شناخت قرار دینے کی بنا علاقائی یکجہتی پر ہم یقین رکھتے ہیں اور خطہ چترال کے تمام سیاسی زغماء سے بھی توقع رکھتے ہیں کہ چترال کے بھلائی کی خاطر اپنے اندرونی خلفشار کو بالاۓ طاق رکھ کر سب ہاتھوں میں ہاتھ ڈال کے چترال کی بھلائی کا سوچیں گے۔ خاص کر آزاد امیدوار ہمارے نزدیک بہبود چترال کے ضامن تصور ہوتے ہیں کیونکہ ہمارے نزدیک واحد نشست والی چترال کی اندرونی سیاست ہر صورت چترال کی مفاد کے حق میں سودمند نہیں ہے۔
ارادے ہمارے ۔۔۔۔۔۔فیصلہ عوام کا