چترال شہراورضلع بھرمیں شٹرڈاون ہڑتال، تمام دکانیںبند رہیں
چترال (نمائندہ چترال ٹائمز) ملک کے دوسرے حصوںکی طرح چترال شہر اور اپر چترال کے ہیڈکوارٹرز بونی سمیت مختلف بڑے قصبات گرم چشمہ، دروش، ایون، مستوج، شاگرام، ارندو، لاسپور، تریچ اور دوسرے علاقوں میں ہفتے کے دن تاجروں نے ٹیکس لگانے کے خلاف مکمل شٹرڈاؤن ہڑتال کیا اور تمام کاروباری مراکز صبح سے بند رہے۔
چترال شہر میں تمام دکانیں اور ریسٹوران بند رہنے کی اور تاجربرادری کا اپنے آپ کو گھروں تک محدود رکھنے کی وجہ سے شہر میں کرفیو کاسماں پیدا ہوا تھا۔ دکانوں کی بندش کی وجہ سے مسافروں کو خوراک نہ ملنے کی وجہ سے سخت تکالیف کا سامنا کرنا پڑا۔
