چترال سٹوڈنٹس ایسوسی ایشن کی وفد کا گورنر خیبر پختونخوا حاجی غلام علی سے ملاقات، سیلاب سے متاثرہ طلبہ کی فیس معافی درخواست منظور،گورنرجلد جامعہ چترال کا دورہ کرینگے۔علی اکبر خان
چترال سٹوڈنٹس ایسوسی ایشن کی وفد کا گورنر خیبر پختونخوا حاجی غلام علی سے ملاقات، سیلاب سے متاثرہ طلبہ کی فیس معافی درخواست منظور،گورنرجلد جامعہ چترال کا دورہ کرینگے۔علی اکبر خان
پشاور ( چترال ٹائمز رپورٹ ) چترال سٹوڈنٹس ایسوسی ایشن کی 14 رکنی وفد صدر علی اکبر خان کی قیادت میں آج گورنر خیبر پختونخوا حاجی غلام علی سے گورنر ہاؤس پشاور میں ملاقات کی ۔ گورنر نے چترالی طلباء کی بہترین نمائندگی کرنے پر سی ایس اے کی بے لوث خدمات کو سراہا ۔ ملاقات میں صدر سی ایس اے نے چترالی طلباء کو در پیش اہم مسائل کے حوالے سے تفصیلی بریفنگ دی جن میں جامعہ پشاور میں چترال کی مخصوص نشستوں کی بحالی ، چترال میں نرسنگ کالج کا قیام ، جامعہ چترال کی انفراسٹرکچر اور فیکلٹیز کو بڑھانے کے حوالے سے حکومت وقت کی غیر سنجیدگی اور چترالی طلباء کو ترجیحی بنیادوں پر سکالرشپ کی فراہمی شامل ہیں۔ گورنر خیبر پختونخوا نے ان مسائل پر سنجیدگی اختیار کرنے اور متعلقہ اداروں کے اعتماد میں لانے کی یقین دھانی کی ۔ گورنر نے حالیہ سیلاب سے متاثرہ طلبہ کو ایچ ایس سی اسکالرشپ میں ترجیح دینے اور متاثرہ طلباء کے حوالے سے سی ایس اے کی جانب سے فیس معافی درخواست کو منظور کیا اور جلد از جلد عمل درآمد کرنے کی یقین دلائی ۔
آخر میں صدر علی اکبر خان نے گورنر حاجی غلام علی کو جامعہ چترال کے دورے کی دعوت دی جس کو گورنر نے قبول کی اور جلد از جلد سرکاری دورے میں دلچسپی ظاہر کی ۔ ملاقات میں چترال کے معروف سیاسی و سماجی شخصیت سرتاج احمد خان بھی شامل تھے ۔
