پنجاب میں 10 کلوگرام آٹے کی قیمت میں 500 سے 600 روپے تک واضح کمی، راولپنڈی میں 900 روپے میں دستیاب ہے۔۔ وزیرخوراک

پنجاب میں 10 کلوگرام آٹے کی قیمت میں 500 سے 600 روپے تک واضح کمی، راولپنڈی میں 900 روپے میں دستیاب ہے۔۔ وزیرخوراک

لاہور(سی ایم لنکس)وزیر خوراک پنجاب بلال یاسین نے کہا کہ لاہور ڈویڑن میں 10 کلوگرام آٹے کی قیمت میں 500 سے 600 روپے تک واضح کمی ریکارڈ کی گئی ہے۔صوبائی وزیر خوراک کا کہنا تھا کہ لاہور ڈویڑن میں 10 کلو آٹے کا تھیلا 800 روپے میں دستیاب ہے، فیصل آباد ڈویڑن میں 10 کلو آٹے کا تھیلا 830، سرگودھا میں 800 روپے میں فروخت ہو رہا ہے۔پنجاب بھر میں آٹے کی قیمت میں نمایاں کمی دیکھنے میں آئی ہے، ساہیوال ڈویڑن میں 10 کلو آٹے کا تھیلا 820 روپے، گجرات میں 850 روپے، ڈی جی خان میں 10 کلو آٹے کا تھیلا 860 روپے اور بہاولپور میں 870 میں مل رہا ہے۔صوبائی وزیر کا کہنا تھا کہ دس کلو آٹے کا تھیلا گوجرانوالہ میں 900 روپے میں فروخت ہو رہا ہے، ملتان ڈویڑن میں 10 کلو گرام آٹے کا تھیلا 900، راولپنڈی میں 900 روپے میں دستیاب ہے۔