وزیراعلیٰ کی خصوصی ہدایت پر صوبائی حکومت نے صحت کارڈ کیلئے دو ارب روپے جاری کر دئیے اوراس طرح صحت کارڈ سروس دوبارہ بحال کر دی گئی، ڈاکٹرریاض انور
وزیراعلیٰ کی خصوصی ہدایت پر صوبائی حکومت نے صحت کارڈ کیلئے دو ارب روپے جاری کر دئیے اوراس طرح صحت کارڈ سروس دوبارہ بحال کر دی گئی، ڈاکٹرریاض انور
پشاور (چترال ٹائمز رپورٹ) نگران وزیر اعلیٰ خیبر پختونحوا کے مشیر برائے صحت ڈاکٹر ریاض انور نے کہا ہے کہ صحت کارڈ سروس کی بحالی کیلئے وزیر اعلیٰ اعظم خان کی خصوصی ہدایت پر صوبائی حکومت نے صحت کارڈ کیلئے دو ارب روپے جاری کر دئیے ہیں اور اس طرح صحت کارڈ سروس دوبارہ بحال کر دی گئی ہے۔اپنے ایک بیان میں انہوں نے کہا کہ فنڈز کی کمی کی وجہ سے صحت کارڈ سروس بند تھی جسے اب دوبارہ بحال کر دیا گیا ہے تاہم صحت کارڈ سروس کو مزید فعال اور مستفید بنانے کیلئے اس میں مزید اصلاحات کی ضرورت ہے اور جلد ہی اصلاحات اور انتظامی کوتاہیوں کو دور کرتے ہوئے اسے عوام کیلئے زیادے سے زیادہ مستفید بنائیں گے۔ڈاکٹر ریاض انور نے کہا کہ ایم ٹی آئی ہسپتالوں میں غیر ضروری ترقیاتی کاموں پر پابندی عائد کردی ہے۔انہوں نے ایم ٹی آئی ہسپتالوں کی انتظامیہ کو ہدایت کی کہ وہ ہسپتالوں میں نئی بلڈنگز بنانے کی بجائے مریضوں کے علاج، دیکھ بھال اور انہیں فراہم کی جانے والی سہولیات پر زیادہ سے زیادہ توجہ دیں۔