نیشنل پولیس اکیڈمی میں اے ایس پیز کے 49ویں سی ٹی پی پاسنگ آؤٹ تقریب، بیچ میں 8 خواتین سمیت 35 افسران شامل، جن میں چترال کی قابل فخر بیٹی شازیہ اسحاق بھی شامل تھی
نیشنل پولیس اکیڈمی میں اے ایس پیز کے 49ویں سی ٹی پی پاسنگ آؤٹ تقریب، بیچ میں 8 خواتین سمیت 35 افسران شامل، جن میں چترال کی قابل فخر بیٹی شازیہ اسحاق اے۔ایس۔پی بھی شامل تھی
پولیس شہدا کا خون پاکستان کی تاریخ کو نئے سرے سے لکھ رہا ہے، نگران وزیر داخلہ کا نیشنل پولیس اکیڈمی میں پاسنگ آؤٹ تقریب سے خطاب
اسلام آباد( چترال ٹائمزرپورٹ) نیشنل پولیس اکیڈمی اسلام آباد میں اے ایس پیز کی سی ٹی پی پاسنگ آؤٹ تقریب منعقد ہوئی، جس میں اے ایس پیز کا بیچ 35 افسران پر مشتمل تھا جن میں 8 خواتین افسران اور ایک پاکستان ائیر فورس افسر شامل تھے۔ ان آٹھ خواتین میں چترال کی قابل فخر بیٹی شازیہ اسحاق بھی شامل تھیں، شازیہ اسحاق چترال اور ملاکنڈ ڈویژن سے پہلی خاتون پی ایس پی آفیسر ہیں جنھوں نے آج ٹریننگ مکمل کرکے باقاعدہ طور پر پولیس سروس آف پاکستان میں شامل ہوگئی ہیں، شازیہ اسحاق کا تعلق اپر چترال کے گاوں جنالی کوچ مستوج سے ہے ، وہ اس سے پہلے بطور ایس ایس ٹی ٹیچر محکمہ ایجوکیشن میں خدمات انجام دے رہی تھی ،گزشتہ سال سی ایس ایس کا امتحان امتیازی نمبروں سے پاس کرکے پولیس سروس آف پاکستان میں شامل ہوگئی تھی جبکہ آج ٹریننگ مکمل کرکے بطور اے۔ ایس ۔ پی ۔پولیس سروس میں ملازمت کا آغاز کردیا ہے۔ وہ چترال اور ملاکنڈ ڈویژن سے پہلی جبکہ اپرچترال سے تیسری پی ایس پی آفیسر ہیں،
پولیس اکیڈمی میں پاسنگ آوٹ تقریب کے مہمان خصوصی نگران وفاقی وزیر داخلہ سرفرازاحمد بگٹی نے کہا ہے کہ پاکستان کو دہشت گردی جیسے سنگین خطرات کا سامنا ہے، ہمارے شہریوں، پولیس اور قانون نافذ کرنے والے اداروں نے دہشت گردی کی اس لہر کو روکنے کے لیے بے شمار قربانیاں ہیں، پولیس شہدا کا خون پاکستان کی تاریخ کو نئے سرے سے لکھ رہا ہے، ہمیں یہ کبھی نہیں بھولنا چاہیے کہ ہم نے پاکستان کی بقا اور روشن مستقبل کو یقینی بنانے کے لیے ہزاروں جانوں کا نذرانہ پیش کیا ہے۔
وہ پیر کو نیشنل پولیس اکیڈمی میں اے ایس پیز کے 49ویں سی ٹی پی پاسنگ آؤٹ تقریب سے خطاب کر رہے تھے۔آئی جی اسلام آباد پولیس، کمانڈنٹ نیشنل پولیس اکیڈمی کے علاوہ غیر ملکی سفارتکاروں اور پاس آؤٹ ہونے والے پولیس افسران کے اہلخانہ تقریب میں شریک تھے۔ نگران وفاقی وزیر داخلہ سرفراز احمد بگٹی نے تربیت کے دوران نمایاں کارکردگی کا مظاہرہ کرنے والے کیڈٹس کو مبارکباد پیش کرتے ہوئے کہا کہ 49ویں خصوصی تربیتی پروگرام کے اسسٹنٹ سپرنٹنڈنٹس آف پولیس کی پاسنگ آؤٹ تقریب میں آکر بے حد خوشی محسوس کر رہا ہوں۔ انہوں نے کہا کہ قانون نافذ کرنے والے اداروں کا کردار اور فرائض ہمارے ملک کے استحکام اور سماجی و اقتصادی ترقی کے لیے اہم ہیں۔پولیس اور قانون نافذ کرنے والے ادارے جدید ٹیکنالوجی کے استعمال کے ذریعے متاثرہ افراد کو انصاف فراہم اور سماج دشمن عناصر کو قانون کے کٹہرے میں لا رہے ہیں۔ ان چیلنجز سے نبردآزما ہونے کے لئے وقت ساتھ ساتھ ضرورت کے مطابق پولیس اور قانون نافذ کرنے والے ادارں کی استعداد کار میں اضافہ کر رہے ہیں جس سے ان کی فرائض کی ادائیگی میں مستعدی اور پیشہ وارانہ مہارت بہتر ہورہی ہے، مجھے قوی امید ہے کہ یہ پاس آؤٹ گریجویٹس باالخصوص خواتین افراد ہمارے معاشرے کو درپیش چیلنجوں کا مقابلہ کرنے کے لئے اپنا کلیدی کردار ادا کریں گے۔
انہوں نے امید ظاہر کی کہ پاس آؤٹ ہونے والے نوجوان افسران رنگ، ذات، مذہب اور نسل سے قطع نظر مظلوموں کے حقوق کے تحفظ کے لیے مشعل راہ بنیں گے۔افسران کو یہ سمجھنا چاہیے کہ وہ قانون کی حکمرانی اور بنیادی حقوق کو یقینی بنانے کے لیے مدد اور وسائل کو فعال کر کے معاشرے کی معاونت کر سکتے۔ کمیونٹی پولیسنگ، صنفی مساوات اور بچوں کے حقوق کو جدید پولیسنگ کا سنگ بنیاد ہونا چاہیے۔انہوں نے ں پاس آؤٹ ہونے والے افسران ک مخاطب کرتے ہوئے کہا کہ وہ قانون کی حکمرانی کو یقینی بنائیں اور پاکستان کے شہریوں کے حقوق کے محافظ کے طور پر اپنے اختیارات کو منصفانہ طریقے سے استعمال کریں۔آپ کو یہ اختیارات ایک مقدس امانت کے طور پر استعمال کرنا ہوگا۔ مجھے امید ہے کہ آپ ان کی توقعات پر پورا اتریں گے۔قبل ازیں خطبہ استقبالیہ پیش کرتے ہوئے کمانڈنٹ نیشنل پولیس اکیڈمی صلاح الدین نے کہا کہ آج پاس آؤنٹ ہونے والے اے ایس پیز کا بیچ 35 افسران پر مشتمل ہے جن میں 8 خواتین افسران اور ایک پاکستان ائیر فورس افسر شامل ہے۔انہوں نے تربیتی عمل پر روشنی ڈالتے ہوئے بتایا کہ یہ ایک 18 ماہ کی سخت تربیتی عمل ہے جس میں وسیع تعلیمی نصاب، پولیس مینجمنٹ، فوجداری انصافہ، قانون نافذ کرنے والے، کمیونٹی پولیسنگ، جرائم پر قابو پانے کے طریقہ کار، جسمانی تربیت شامل ہے۔انہوں نے کہا کہ نیشنل پولیس اکیڈمی کی یہ کوشش رہی ہے کہ وہ اپنے نصاب میں جدید ترین تحقیق کو شامل کرے تاکہ افسران تازہ ترین پولیسنگ کے رجحانات سے واقف ہوں۔ افسران کو عوامی لین دین، پولیس میڈیا تعلقات اور کمزور طبقات کی حفاظت کے موضوعات کے بارے میں بھی آگاہ کیا گیا ہے۔ اس کورس میں اسسٹنٹ سپرنٹنڈنٹس آف پولیس کے لیے انسداد دہشت گردی کی تربیت بھی شامل ہے۔ انہوں نے بتایا کہ نیشنل پولیس فاؤنڈیشن کا مشن نہ صرف اسسٹنٹ سپرنٹنڈنٹ آف پولیس بلکہ قانون نافذ کرنے والے تمام افسران کو بہترین ممکنہ تربیت فراہم کرنا ہے قطع نظر اس کے کہ وہ پولیس سے تعلق رکھتے ہیں یا کوئی بھی قانون نافذ کرنے والا اداہ ہو۔انہوں نے بتایا کہ نیشنل پولیس فاؤنڈیشن نے تمام قانون نافذ کرنے والے اداروں بشمول فرنٹیئر کانسٹیبلری، ایف آئی اے، انٹیلی جنس بیورو، پنجاب اور سندھ رینجرز وغیرہ کے لیے صلاحیت سازی کے کورسز تیار کیے ہیں۔ے ان کورسز کو حتمی شکل دینے میں امریکہ، برطانوی ہائی کمیشن، آئی سی آر سی، یو این او ڈی سی، این سی اے، انٹرنیشنل کرمنل انویسٹی گیشن اینڈ ٹریننگ اسسٹنس پروگرام کے کردار کو بھی سراہا۔ انہوں نے کہا کہ فارغ التحصیل ہونے والے افسران کا انتخاب فیڈرل پبلک سروس کمیشن نے مکمل میرٹ پر کیا ہے اور یقیناً وہ تفویض کردہ ملازمت کے لیے بہترین افراد ہیں۔
چیئرمین پی ٹی آئی کو اڈیالہ جیل میں ایکسرسائز سائیکل فراہم
راولپنڈی(سی ایم لنکس)عدالت کے حکم پر چیئرمین پی ٹی آئی عمران خان کو اڈیالہ جیل میں ایکسرسائز سائیکل فراہم کردی گئی۔خصوصی عدالت کے جج ابوالحسنات ذوالقرنین نے سائفر گمشدگی کیس کی سماعت میں چیئرمین پی ٹی آئی کو جیل میں سائیکل فراہم کرنے کا حکم دیا تھا۔ایکسرسائز سائیکل عدالت کے تحریری حکم کے ساتھ جیل حکام کے حوالے کی جائے گی۔عمران خان نے عدالت سے اڈیالہ جیل میں ایکسرسائز سائیکل فراہم کرنے کی درخواست کی تھی۔
استحکام پاکستان پارٹی نے عقاب کا انتخابی نشان مانگ لیا، فیصلہ محفوظ
اسلام آباد( چترال ٹائمزرپورٹ)الیکشن کمیشن کی جانب سے استحکامِ پاکستان پارٹی کو انتخابی نشان الاٹ کرنے کے کیس میں فیصلہ محفوظ کر لیا گیا ہے۔دورانِ سماعت استحکامِ پاکستان پارٹی کے وکیل الیکشن کمیشن میں پیش ہوئے۔استحکامِ پاکستان پارٹی کے وکیل نے الیکشن کمیشن کے روبرو استدعا کی کہ ہمیں انتخابی نشان عقاب الاٹ کیا جائے۔جس پر چیف الیکشن کمشنر نے کہا کہ آپ اپنی اور بھی ترجیحات بتا دیں۔بعد ازاں الیکشن کمیشن نے ا?ئی پی پی کو انتخابی نشان الاٹ کرنے کے کیس کا فیصلہ محفوظ کر لیا۔
آمدن سے زائد اثاثہ جات کیس میں اسحاق ڈار بری
اسلام آباد(سی ایم لنکس) احتساب عدالت اسلام آباد نے ن لیگی رہنما اسحاق ڈار کو شریک ملزمان سمیت آمدن سے زائد اثاثہ جات کیس میں بری کردیا۔احتساب عدالت اسلام آباد میں اسحاق ڈار کے خلاف آمدن سے زائد اثاثہ جات کیس کی سماعت ہوئی۔نیب پراسکیوٹر نے کہا کہ اسحاق ڈار کیخلاف کرپشن ثبوت نہیں کیس مزید نہیں چلایا جاسکتا۔جج محمد بشیر نے ریمارکس دیے کہ نیب پراسکیوٹر جنرل اس نکتے پر تحریری طور پر وضاحت دیں، اسحاق ڈار سمیت دیگر ملزمان کی بریت پر اعتراض نہیں تو لکھ کر دیں، کل کو نیب کہے کہ ہم نے تو ایسا کچھ نہیں کہا تھا۔نیب پراسکیوٹر افضل قریشی نے کہا کہ ہم نے میرٹ پر دلائل دیے ہیں عدالت فیصلہ سنا دے۔ نیب پراسکیوٹر نے تحریری بیان عدالت میں جمع کروا دیا۔احتساب عدالت کے جج محمد بشیر نے کیس کا فیصلہ سناتے ہوئے اسحاق ڈار، انکے شریک ملزم سابق صدر نیشنل بینک سعید احمد، منصور رضا اور محمد نعیم کو بری کردیا۔احتساب عدالت نے فیصلہ سناتے ہوئے کہا کہ نیب بیان کی روشنی میں یہ ریفرنس ختم کیا جارہا ہے۔