لیڈرشپ کوالٹیز کو مستقبل کے معماروں میں پیدا کرنا ۔ تحریر:اشتیاق چترالی
لیڈرشپ کوالٹیز کو مستقبل کے معماروں میں پیدا کرنا اور اس میں جدت اور وسعت پیدا کرنا ہیلپنگ ہینڈ کا بنیادی مشن ہے۔ تحریر:اشتیاق چترالی
مملکت خداداد پاکستان کو اللّٰہ رب العزت نے ایسے افراد سے نوازا ہے جن کے دلوں میں خدمت انسانی سے سرشار جذبات کوٹ کوٹ کے بھرے ہوئے ہیں اور ان ہی جذبات کی بدولت وہ دونوں جہانوں میں رب کے حضور سرخرو ٹھیرتے ہیں۔
عالمی سطح پہ خدمت انسانی، ریلیف اور ان ترقیاتی کاموں کے ذریعے ایمرجنسی اور قدرتی آفات میں خدمات انجام دینے والے افراد ہیلپنگ ہینڈ کے چھتری تلے ہر جگہ پھیلے ہوئے ہیں جنھوں نے اپنی زندگی ہی خدمت انسانی کے لئے وقف کیا ہوا ہوتا ہے۔
ہیلپنگ ہینڈ جہاں پسے ہوئے طبقات میں امداد نقد رقوم کی شکل میں،غریب نادار،یتیم اور غریب لوگوں کی خدمت میں سرگردان ہے وہیں پہ محدود پیمانے پہ بلا سود قرضہ اور پھر معماران قوم(طلباء) کو علم کے فروغ اور ان طلبہ کو معاشرے کا ایک ذمہ دار اور فرض شناس شہری بنانے میں بھی اپنا کرداد ادا کر رہی ہے۔اس کے ساتھ ساتھ طالب علموں میں آگے بڑھنے اور مقابلہ جات میں حصہ لے کر اپنی صلاحیتوں کا لوہا منوانے کا موقع بھی فراہم کرتی ہے۔
اس ضمن میں مختلف کلاسز کے طالب علموں میں مقابلہ جات کروائے جاتے ہیں اور پھر اس مقابلے میں پوزیشن ہولڈرز طلبہ میں قیمتی انعامات(سائیکل،آئی پیڈ اور دوسرے قیمتی اشیاء) کی تقسیم بھی اس پروگرام کا حصہ ہوتا ہے۔
لٹل سٹارز،شائننگ سٹارز اور رائزنگ سٹارز جیسے ناموں سے ان طلبہ کو مخاطب کیا جاتا ہے اور پھر ان کو مکمل فنانشل سپورٹ،چائلڈ ڈویلپمنٹ پروگرام اور پھر ہیلتھ کی تمام سہولیات ان طلبہ کو میسر آتے ہیں ۔اپنے ان سٹارز کے درمیان جمہوری روایات کو پروان چڑھانے اور لیڈر شپ کوالٹیز کو مزید مہمیز دینے کیلئے سال بھر کیلئے ان طلبہ کے درمیان ایک لیڈر کا انتخاب کر دیا جاتا ہے(جس کا انتخاب یہی سٹارز اپنے ووٹ کے ذریعے کرتے ہیں) جو اپنی ٹیم بنا کے ان سٹارز کے دمیان وقتاًفوقتاً مختلف پروگرامات کا انعقاد کرتی ہے اور ان کے درمیان چھپی ہوئی صلاحیتوں کو آشکار اور منظر عام پر لاکر اپنے آپ کو منوانے کا موقع بھی فراہم کرتی ہے تاکہ یہ اہم ذمہ دار شہری کے طور پر ابھر سکیں اور ملک و قوم کی وہ خدمت کرتے ہیں جو کسی بھی دوسرے ادارے اور معاشرے کے کسی اور طبقے سے تعلق رکھنے والے طالب علم سے آنے والے چیلنجز سے نبرد آزما ہونے کا فن اچھی طرح جانتے ہوتے ہیں اور ان کے لئے ذہنی،جسمانی اوع دماغی طور پر ہو دم تیار ہوتے ہیں۔
اس ادارے کے ذمہ داران خصوصآً ضلعی کواڈنیٹر محمد شجاع الحق،عرفان عزیز اور ان کی پوری ٹیم جس جوانمردی اور جانفشانی سے مستقبل کے ان ہیروں اور نگینوں کو مزید تراش کے سونا بنانے میں اپنی صلاحیتیں بروئے کار لارہے ہیں ان کے ساتھ قدم قدم اور کندھے سے کندھا ملا کے چلنے کی ضرورت ہے تاکہ اس کار خیر میں ہر ذی شعور اپنا حصہ ڈال سکے۔
الغرض یہی ادارے ہمارے آنکھ کا تارا ہوتے ہیں اور ان اداروں کی نگرانی اور دست شفقت تلے پروان چڑھنے والے بچے ہی اس قوم کے مستقبل ہیں اور ان اداروں اور ان کی منتظمین کو جہاں جہاں خدمت انسانی کیلئے افرادی قوت درکار ہوجائے ہم میں سے ہر کوئی اپنے آپ کو پیش کرے تاکہ ملت اسلامیہ اور مملکت خداداد پاکستان کو اس کیااصلی روح اور اس کے قیام کی راہیں اور منزلیں آسان ہو سکیں۔۔