صوبے میں غیر قانونی طور پر مقیم غیر ملکی باشندے رواں مہینے کی 31 تاریخ سے پہلے اپنے ملک واپس چلے جائیں۔ نگران وزیراعلیِ اعظم خان

صوبے میں غیر قانونی طور پر مقیم غیر ملکی باشندے رواں مہینے کی 31 تاریخ سے پہلے اپنے ملک واپس چلے جائیں۔ نگران وزیراعلیِ اعظم خان

چترال (چترال ٹائمز رپورٹ) نگران وزیر اعلیٰ خیبر پختونخوا محمد اعظم خان نے صوبے میں غیر قانونی طور پر مقیم غیر ملکی باشندوں سے کہا کہ وہ رواں مہینے کی 31 تاریخ سے پہلے اپنے ملک واپس چلے جائیں اور حکومت رضا کارانہ طور پر اپنے ملک واپس جانے والے غیر ملکی باشندوں کو تمام درکار سہولیات اور معاونت فراہم کرے گی۔ خیبر پختونخوا میں غیر قانونی طور پر رہائش پذیر غیر ملکیوں کے انخلاءکے حوالے سے یہاں سے جاری اپنے ایک بیان میں وزیر اعلیٰ نے کہا ہے کہ رضا کارانہ طور پر واپس جانے والے غیر ملکیوں کو سہولیات کی فراہمی کے لئے ضلعی انتظامیہ اور متعلقہ اداروں کو ہدایات دی گئی ہیں تاکہ مقررہ مدت تک ان کی اپنے ملک واپسی کو یقینی بنایا جائے۔ انہوں نے کہا ہے کہ حکومت غیر قانونی طور پر مقیم غیر ملکیوں کی باعزت واپسی چاہتی ہے۔