سینیٹ کمیٹی برائے خزانہ کا اجلاس: نجی بینک منیجر کے 5 ارب لیکر کر بھاگنے کا انکشاف
سینیٹ کمیٹی برائے خزانہ کا اجلاس: نجی بینک منیجر کے 5 ارب لیکر کر بھاگنے کا انکشاف
اسلام آباد( چترال ٹائمزرپورٹ) سینیٹ قائمہ کمیٹی برائے خزانہ کے اجلاس میں نجی بینک منیجر کے بینک اکاؤنٹس سے 5 ارب لے کر بھاگنے کا انکشاف ہوا۔سینیٹ کی قائمہ کمیٹی برائے خزانہ کے اجلاس میں چیئرمین ایف بی آر نے کہا کہ گورنر سٹیٹ بینک جواب دیں، گورنر سٹیٹ بینک نے کہا رقم 254 ملین ہے، جس پر منیجر کے خلاف کارروائی کا آغاز کیا گیا ہے۔گورنر سٹیٹ بینک کے مطابق مجموعی طور پر رقم 350 ملین ہے، 270 ملین کی رقم 12 اکتوبر کو اکاؤنٹ میں آگئی ہے، یہ بینکنگ کے شعبے کا فراڈ ہے اور ذمہ داروں کے خلاف کارروائی کی جائے گی۔
انتخابات کیلئے غیر ملکی مبصرین کو دعوت نامہ جاری
اسلام آباد(چترال ٹائمزرپورٹ)الیکشن کمیشن آف پاکستان کی جانب سے پاکستان میں آئندہ سال ہونے والے عام انتخابات پر غیر ملکی مبصرین کے لیے دعوت نامے جاری کر دیے گئے۔الیکشن کمیشن کے مطابق انتخابات کی شفافیت کے لیے ملکی و غیر ملکی مبصرین کے لیے اوپن ڈور پالیسی ہے، غیر ملکی مبصرین کو الیکشن کمیشن میں ایکریڈیشن کرانا لازمی ہو گا۔الیکشن کمیشن نے اپنے دعوت نامے میں کہا ہے کہ غیر ملکی مبصرین ویزے کے جَلد حصول کے لیے وزارتِ خارجہ کے ’پاکستان آن لائن پورٹل‘ پر کوائف جمع کرائیں، ایکریڈیشن فارم الیکشن کمیشن کی ویب سائٹ سے ڈاؤن لوڈ کیے جا سکتے ہیں۔الیکشن کمیشن کے مطابق سیاسی وابستگی رکھنے والوں کو ایکریڈیشن جاری نہیں کیا جائے گا، غیر ملکی مبصرین کے لیے سیکیورٹی کلیئرنس لازمی قرار دیا گیا ہے۔الیکشن کمیشن کی جانب سے جاری کیے گئے دعوت نامے میں کہا گہا ہے کہ غیر ملکی مبصرین انتخابی بے قاعدگیوں کی رپورٹ جمع کرائیں گے، غیر ملکی مبصرین رپورٹ میں انتخابی عمل مزید بہتر بنانے کے لیے تجاویز بھی دے سکتے ہیں۔