بی ایل ایس او کے زیراہتمام موسمیاتی تبدیلی کے حوالے سے آگاہی پروگرامز کا انعقاد

بی ایل ایس او کے زیراہتمام موسمیاتی تبدیلی کے حوالے سے آگاہی پروگرامز کا انعقاد

اپر چترال (چترال ٹائمز رپورٹ) بیار لوکل سپورٹ آرگنائزیشن (BLSO) کے زیر اہتمام آغاخان رورل سپورٹ پروگرام کے تعاؤن سے موسمیاتی تبدیلی کے سلسلے میں مختلف آگاہی پروگرامز کا اہتمام کیا گیا۔جس میں خواتین تنظیمات کے عہدیداروں کے ساتھ ساتھ مختلف کالجز و سکولزکے بچوں اور بچیوں نے شرکت کیں۔اگاہی پروگرام میں طلباء و طلبات کو موسمیاتی تبدیلی اور اس کی وجہ سے ہونے والے نقصانات اور اس کی شدد میں کمی لانے کے سلسلے میں تبادلہ خیال کیا گیا۔ان آگاہی سیشنز میں اس بات پر زور دیا گیا کہ بڑھتے ہوئے پلاسٹک کے استعمال کی جگہ کوئی متبادل چیز یا کپڑے کے تھیلے استعمال کئے جائیں۔اس کے علاوہ روٹیشن گریزنگ اورجنگلی حیات کی تحفظ کو یقینی بنایا جائے۔شجر کاری کا اہتمام کیا جائے،بجلی کی غیر ضروری استعمال سے اجتناب کیا جائے اور یہ سب کام ہمارے کرنے کے ہیں ان پر عمل کرکے ہم کافی حد تک موسمیاتی تبدیلی کے اثرات کو کم کرسکتے ہیں۔
منیجر بی ایل ایس او نے ان سرگرمیوں کے دوران تعاؤن کرنے پر اسسٹنٹ کمشنر مستوج، محکمہ جنگلات،وائلڈ لائف، ٹی ایم اے مستوج، ایس آئی ایف، آکاہ، مختلف کالجز وسکولوں کے پرنسپلز،تمام خواتین تنظیمات کا شکریہ ادا کرتے ہوئے اس امید کا اظہار کیا ہے کہ سرکاری ادارے علاقے میں کام کرنے والے این جی اوز اور کمیونٹی آرگنائزیشن ملکر کوشش کریں گے تو ہم موسمیاتی تبدیلی کے نقصانات کو کم کرسکتے ہیں ۔