اے۔کے۔آر۔ایس۔پی نے ائسولیشن رومز درکارسہولیات سے آراستہ کرکےاپرانتظامیہ کے حوالہ کی
بونی (چترال ٹائمزرپورٹ) اے۔کے۔آر۔ایس۔پی اپر چترال کینڈین حکومت کی مالی تعاون سے گرلز ڈگری کالج بونی میں بارہ کمروں پر مشتل ائیسولیشن رومز ضروریات اور درکار سہولیات سے اراستہ کرکے آج انتظامیہ اپر چترال کو حوالہ کردی۔کمروں کے ساتھ واش روم کی سہولت،مریض کے لیے سنیٹائزر ضرورت کے مختلف سامان اور میڈیسن رکھے گئے ہیں۔ اور سٹاف کے رہنے کے لیے اسٹاف روم بھی بنائے گئے ہیں۔ائیسولیشن سنٹر ضلعی انتظامیہ کو حوالہ کرتے وقت ڈپٹی کمشنر اپر چترال شاہ سعود، ڈسٹرکٹ پولیس آفیسر اپر چترال ذوالفقار احمد تنولی،ایڈیشنل اسسٹنٹ کمشنر موڑکھو/ تورکھو مکرم خان،ایریا پروگرام منیجر اے۔کے۔آر۔ایس۔پی پیر سجاد حسین اور سٹاف، پریزیڈنٹ آغا خان ریجنیل کونسل اپرچترال امتیاز عالم اور ڈاکٹر سردار نوازبھی موجود تھے۔
اس موقع پر اپنے خیالات کا اظہار کرتے ہوئے ڈپٹی کمشنر اپر چترال شاہ سعود نے اے۔کے۔ڈی۔این کے جملہ ادارے بشمولِ اے۔کے۔آر۔ایس۔پی کا شکریہ اداکرتے ہوئے کہا کہ کرونا وائریس سے بچاو اور روک تھام کے سلسلے آغا خان ڈیویلپمنٹ نیٹ ورک انتظامیہ کے ساتھ کھڑی ہے۔اس سلسلے آج اپر چترال کے لیے بارہ کمروں / بیڈز پرمشتمل ائیسولیشن سنٹر مطلوب سہولت کے ساتھ انتظامیہ کو حوالہ کرنا احسن اقدام ہے۔ڈپٹی کمشنر نے مزید کہا کہ اے۔کے۔آر۔ایس۔پی اس کے علاوہ بھی مختلف امور میں بھر پور تعاون کر رہی ہے اور کرونا وائریس سے بچاو کے اگاہی مہم کے سلسلے ادارے کا کردار نمایاں ہے۔ اس لیے انتظامیہ اے۔کے۔ڈی۔این کے جملہ ادارے اور ریجنیل کونسل کا شکر گزار ہے۔ انھوں نے کہا کہ انتظامیہ اپنی محدود وسائل کے اندر رہتے ہوئے ہر ممکن سہولیات فراہم کرنے کی کوشش میں مصروف ہے۔ اس سے پہلے تحصیل ہیڈ کوارٹر ہسپتال بونی ائیسولیشن وارڈ قائم کی گئی ہے جس کے ایک وارڈ میں چھ بستروں کی گنجائش موجودہے۔ تا ہم اے۔ کے۔ آر۔ ایس۔ پی کی طرف سے فراہم کردہ ائیسولیشن سنٹر میں مریضوں کو علحیدہ علحیدہ رکھنے میں اسانی ہوگی۔
