اپر چترال میں دس روزہ صفائی مہم کا آغاز کردیا گیا
اپر چترال ( چترال ٹائمز رپورٹ ) صفائی مہم ڈسٹرکٹ ایڈمنسٹریشن اپر چترال کی نگرانی میں شروع کریاگیا ہے۔ اس مہم میں تحصیل میونسپل انتظامیہ، لائن ڈیپارٹمنٹس اور دوسرے رفاعی ادارے حصہ لے رہے ہیں۔۔ صوبائی حکومت اور ڈپٹی کمشنر اپر چترال شاہ سعود کی ہدایات پر شاہ عدنان اسسٹنٹ کمشنر مستوج نے دیگراہلکاروں کے ہمراہ علاقہ موڑکہو کے حدود میں صفائی کے حوالے سے بھر پور مہم کا انعقاد کیا۔
اسسٹنٹ کمشنر مستوج نے عوام الناس کو صفائی مہم کے حوالے سے صوبائی حکومت اور ڈپٹی کمشنر اپر چترال کے پیغامات پہنچادئیے۔انہوں نے کہا کہ بطور مہذب شہری اپنے معاشرے کو صاف ستھرا رکھنا ہم سب کا احلاقی فرض ہے۔ لہذا اس دس روزہ مہم کے دوران آپنے اپنے گھروں کے اردگرد کوڑا کرکٹ کو ٹھکانہ لگائیں اور حکومت کے اس مشن کو اپنی منطقی انجام تک پہنچانے میں ڈسٹرکٹ ایڈمنسٹریشن اپر چترال کا ساتھ دیں۔کیونکہ صاف ستھرا ماحول احھی صحت کا ضامن ہے
