امریکن شہری نے چترال توشی میں ایک لاکھ ساٹھ ہزار امریکن ڈالرکے عوض مارخورکا ٹرافی شکار کیا

چترال (نمائندہ چترال ٹائمز ) چترال شہر کے نواحی علاقہ اور گرم چشمہ روڈ پر واقع توشی شاشا کنزروینسی میں امریکن شہری Mr. Bryan Kinsel Harlanنے کشمیر مارخور کا ٹرافی شکار کیا ہے جو کہ اس سیزن کا سب سے بڑا شکار تھا۔ جس کیلئے تقریبا دو کروڑ پچاسی لاکھ روپے ادا کرکے پرمٹ لیا گیا تھا۔ محکمہ وائلڈ لائف کے مطابق ٹرافی شکار کشمیر مارخور کی عمر نوسال اور سینگوں کا سائز 45 انچ تھا۔جس کیلئے شکاری نے ایک لاکھ ساٹھ ہزار امریکن ڈالر ادا کرکے پرمٹ حاصل کیا تھا۔ یہ اس سیزن کا تیسرا اور اخری ٹرافی شکار تھا۔