اسلامی جمعیت طلبہ کے زیر اہتمام قراقرم انٹرنیشنل یونیورسٹی میں نئے آنے والے طلبہ کے اعزاز میں ویلکم پارٹی

گلگت ( چترال ٹائمز رپورٹ )اسلامی جمعیت طلبہ قراقرم انٹرنیشنل یونیورسٹی کی طرف سے یونیورسٹی میں نئے آنے والے طلبہ کے اعزاز میں ویلکم پارٹی کا اہتمام کیا گیا۔یہ پارٹی مقامی ہوٹل میں منعقد ہوئی۔جس میں قراقرم یونیورسٹی کے کثیر تعداد میں طلبہ نے شرکت کی۔دیگر طلبہ تنظیموں کے صدور بھی شریک ہوئے۔

ناظم اسلامی جمعیت طلبہ گلگت مقام برادر سید الرحمن نے طلبہ سے خطاب کیا۔نئے طلبہ کو خوش آمدید کہا اور یونیورسٹی کے ماحول کے اوپر بات کرتے ہوئے اس بات پر شدید تنقید کیا کہ یونیورسٹی میں سپورٹس ویک کے دوران طالبات کی موجودگی میں ڈانس پارٹیاں کی جاتی ہیں جو کہ افسوس ناک عمل ہے انھوں نے مزید کہا کہ یونیورسٹی انتظامیہ فی الفور اس حوالے سے ایکشن لے اور ماحول کو بہتر بنائے بصورت دیگر متحدہ طلبہ محاز کے ذریعے احتجاجی مظاہرے کئے جائیں گے۔