![Chitral Times - The voice of Chitral | اسسٹنٹ کمشنرمستوج کے زیر صدارت پرائز ریویو کمٹی کا اجلاس، سرکاری نرخنامہ جاری ac mastuj ijlash booni price review 3](https://chitraltimes.com/wp-content/uploads/2020/04/ac-mastuj-ijlash-booni-price-review-3.jpg)
اسسٹنٹ کمشنرمستوج کے زیر صدارت پرائز ریویو کمٹی کا اجلاس، سرکاری نرخنامہ جاری
بونی (ذاکر زخمی)رمضان کے مبارک مہینے اشیائے خوردونوش اور دوسرے روزمرہ کی استعمال کے ضروری اشیاء کے نرخ مقرر کرنے کے عرض اپر چترال بونی میں اسسٹنٹ کمشنر مستوج محمد ریاض خان کے زیر صدارت اجلاس منعقد ہوا۔ جس میں ایڈیشنل اسسٹنٹ کمشنر مستوج ایٹ بونی معظم خان،تحصیلدار رب نواز خان،اسسٹنٹ فوڈ کنٹرولراپر چترال ظفر عالم،صدر تجار یونین محمد شفیع،جنر ل سیکریٹری بازار ذاکر محمد زخمی اور اشیائے خوردونوش فراہم کرنے والے ڈیلرز نے شرکت کی۔
اجلاس کے آغاز میں اسسٹنٹ کمشنر مستوج نے کہا کہ رمضان کے مبارک مہینے اور کرونا وائیرس سے پریشان ِ حال لوگ اس وقت سب کے خصوصی توجہ کے مستحق ہیں اس لیے تاجر برادری رمضان کے مہینے خصوصی رعایت کا مظاہرہ کریں۔
![Chitral Times - The voice of Chitral | اسسٹنٹ کمشنرمستوج کے زیر صدارت پرائز ریویو کمٹی کا اجلاس، سرکاری نرخنامہ جاری ac mastuj ijlash booni price review 1](https://chitraltimes.com/wp-content/uploads/2020/04/ac-mastuj-ijlash-booni-price-review-1.jpg)
جس پر تجار یونین بونی اور ڈیلرز حضرات ایشائے خوردونوش کے اکثر چیزوں میں اپنے نفع بالکل صفر کرنے پر راضی ہوئے اس طرح ضلعی انتظامیہ اپر چترال اور تجار برادری کے مشترکہ رضامندی پر نرخ نامے مقرر کیے گئے
اس موقع پر انتظامیہ نے سختی سے ہدایت کی کہ مقررہ نرخنامے پر ہر حال عمل درامد کو یقینی بنایا جائے گا۔ اور کسی خلاف ورزی کرنے والے کے لیے کوئی نرمی نہیں کی جائیگی۔ اس موقع پر رمضان المبارک کے مہینے دوکانداروں کو صوبائی حکومت کے طرف سے جو ٹائم شیڈول دی گئی ہے اس سے تاجروں کو اگاہ کیا گیاکہ مخصوص دوکاندار جن کو صوبائی حکومت کے15 اپریل 2020 کے حکمنامے میں لاک ڈاون سے استثنا دی گئی ہے وہ صبح سے سپہر 4بجے تک دوکان کھول سکتے ہیں اس کے بعد بازار مکمل طور پر بند ہو گا۔ بعد میں ڈپٹی کمشنر اپر چترال شاہ سعود کی ہدایت پر ایڈیشنل اسسٹنٹ کمشنر مستوج ایٹ بونی معظم خان بہ ہمراہ تحصیلدار رب نواز اور صدر تاجر یونین بونی محمد شفیع بازار کا دورہ کیا۔ اور دوکانداروں کو نئے ٹائیمنگ شیڈول سے اگاہ کیا۔ اور جملہ دوکانداروں سے کہا گیا کہ حفاظتی اقدامات کے خاطر جو ہدایات دی گئی ہیں ان پر سختی سے عمل کی جائے اس میں دوکاندار کے لیے ماسک کا استعمال، سینٹائزر اور سماجی فاصلے سرِ فہرست ہیں۔ ایڈیشنل اسسٹنٹ کمشنر نے کہا کہ انہیں روزانہ کی بنیاد پر چیک کیا جائے گا۔غفلت کے مرتکب تاجرکے دوکان سیل کر دی جائیگی۔
![Chitral Times - The voice of Chitral | اسسٹنٹ کمشنرمستوج کے زیر صدارت پرائز ریویو کمٹی کا اجلاس، سرکاری نرخنامہ جاری ac mastuj booni bazar checking 1](https://chitraltimes.com/wp-content/uploads/2020/04/ac-mastuj-booni-bazar-checking-1.jpg)