Chitral Times

اپرچترال میں بلین ٹری سونامی پروگرام کے تحت پودے لگائےگئے، ممبران اسمبلی کی شرکت

اپرچترال میں بلین ٹری سونامی پروگرام کے تحت پودے لگائےگئے، ممبران اسمبلی کی شرکت

اپر چترال ( نمائندہ چترال ٹائمز ) بلین ٹری سونامی پروگرام کے تحت اپر چترال ہیڈکوارٹر بونی میں شجر کاری کی گئی۔ اس پروگرام میں ممبر قومی اسمبلی عبدالاکبر چترالی ، ممبر صوبائی اسمبلی مولانا ہدایت الرحمان ، وزیر اعلی خیبرپختونخوا کے خصوصی مشیر برائے اقلیتی امور وزیر زادہ، ڈپٹی کمشنر اپر چترال محمد علی ، ڈی،پی،او اپر چترال ذوالفقار تنولی ، ایڈیشنل ڈپٹی کمشنر اپر چترال محمد عرفان الدین ، صفدر خان ایڈیشنل اسسٹنٹ کمشنر مستوج اور دیگر محکمہ جات کے سربراہان وسیاسی عمائدین نے شرکت کی۔

بلین ٹری سونامی پروگرام کے تحت تمام حضرات نے اپنے اپنے حصے کی نسبت صنوبر کے پودے لگائے۔ انہوں نے عہد کیا کہ وزیر اعظم پاکستان کے منشاء کو پائہ تکمیل تک پہنچانے کے لئے اور اپنے اپنے علاقوں کو سر سبز و شاداب رکھنے کے لئے پودے لگانے کو اپنا شعار بنائیں گے۔

chitraltimes upper chitral plantation campaign 1
chitraltimes upper chitral plantation campaign3
chitraltimes upper chitral plantation campaign hidayat mpa
Posted in تازہ ترین, چترال خبریںTagged , , , ,
50839

چترال ٹاون ، ایون بروز اور دروش میں گیس پلانٹوں کا افتتاح وزیر اعظم پاکستان کرینگے ۔ … ایم این اے

Posted on

چترال ( نمائندہ چترال ٹائمز ) ایم این اے چترال شہزادہ افتخار الدین نے کہا ہے کہ چترال ٹاون ، ایون بروز اور دروش کیلئے گیس پلانٹوں کی حتمی منظوری ہوچکی ہے۔جوں ہی ضلعی انتظامیہ زمین کی خریداری کا عمل مکمل کریگی پلانٹ لگ جائیں گے۔ اور اسی سال کے اخر تک وزیر اعظم پاکستان کے متوقع دورہ چترال کے موقع پر تینوں پلانٹوں کا افتتاح بھی کیا جائیگا۔ وہ جمعہ کے دن سوئی ناردرن گیس پرائیویٹ لمیٹڈ کی اعلیٰ حکام کے ہمراہ ڈپٹی کمشنر چترال ارشاد علی سدھر کے ساتھ میٹنگ میں بتایا کہ چترال میں ڈی فارسٹیشن کی وجہ سے ماحول کو انتہائی خطرہ لاحق ہے ۔ آئے روز سیلابوں کی وجہ سے چترال کے بہت سے حسین علاقے برباد ہوگئے ہیں۔ لہذا ہمیں جتنی جلدی ممکن ہوسکے ان پر قابو پانا ہے۔ جبکہ گیس پلانٹ بھی اسی سلسلے کی ایک کڑی ہے۔ ایم این اے نے بتایا کہ دروش ، بروز اور چترال ٹاون کے بعد چترال کے دیگر علاقوں کیلئے بھی گیس پلانٹ کی منظوری اخری مراحل میں ہیں۔ اس موقع پر ڈپٹی کمشنر نے ایم این اے اور سوئی ناردرن گیس کے حکام کو یقین دلایا کہ زمین کی خریداری آئندہ چند دنوں کے اندر مکمل کی جائییگی ۔ تاہم انھوں نے کہا کہ پبلک کی سیفٹی کو اولین ترجیح دی جائے۔ پلانٹ کیلئے زمین اُس جگہ پر لی جائے جہاں عام پبلک کیلئے کوئی مسائل یا خطرہ درپیش نہ ہو۔ سوئی ناردرن گیس پرائیویٹ لمیٹڈ کی ٹیم میں جمشید ناصر خان ڈپٹی چیف انجینئر (لینڈز) ، واحید احمد لینڈ ایکوزیشن کالیکٹر اور عبد الراؤف خان سپرنٹنڈنٹ لینڈز شامل تھے۔ جو تینوں پلانٹس کیلئے زمین کی خریداری کے سلسلے میں چترال آئے ہوئے ہیں۔

MNA chitral ifti

Posted in تازہ ترین, جنرل خبریں, چترال خبریںTagged
525