پاکستان تحریک انصاف کے چیئرمین عمران خان نے مینار پاکستان پر لاہور کی تاریخ کا دوسرا بڑا جلسہ کرکے آنے والے الیکشن کیلئے اپنے گیارہ نکاتی منشورکا اعلان کیا ہے جس کو مینارپاکستان کا ایجنڈا کہا جاتا ہے کپتان نے 2013 ؁ء کے الیکشن سے پہلے بھی مینار پاکستان پر تاریخ کا سب سے بڑا جلسہ کرکے اپنی پارٹی کو سونامی(Tsunami)کا نام دیا تھا جس طرح زرداری کا’’پاکستان کھپے‘‘مشہور ہوابالکل اسی طرح کپتان کا سونامی بھی مشہور ہوا تھا خیبر پختونخوا میں پی ٹی آئی واحد اکثریتی پارٹی بن کر سامنے آئی تو غلام احمد بلور نے اس پر فقرہ چُست کیا تھا کہ ’’ سونامی خیبر کے پہاڑوں سے ٹکرا گئی‘‘ پہاڑوں سے ٹکرانے کے بعد سونامی کا جو حال ہوا سو ہوا نئی انتخابی مہم کی ابتدا سونامی کی جگہ 11نکاتی منشور سے ہوئی ہے عمران خان کی تقریر کو سن کر اندازہ ہوتا ہے کہ یہ ایجنڈا طویل مطالعے کا نتیجہ ہے اس میں گیارہ شعبوں کے کتابی علم کا نچوڑ دیا گیا ہے 2013ء کے الیکشن سے پہلے پاکستان تحریک انصاف کی کور کمیٹی نے مختلف شعبوں کے لئے ٹاسک فورس قائم کیا تھا ہر ٹاسک فورس نے اُس شعبے کے بارے میں تفصیلی سفارشات مرتب کر کے دیدیے تھے خیبر پختونخوا کا بلدیاتی نظام دیگر صوبوں سے الگ ہے تو اس کی بنیادی وجہ ٹاسک فورس کی سفارشات پر عمل کرنے کی کوشش تھی اگر ایک جملے میں گیارہ نکاتی ایجنڈے کا تعارف کرایا جائے تو اس کو ’’ کتابی ایجنڈا ‘‘ قرار دیا جاسکتا ہے اس گیارہ نکاتی پروگرام میں حسب سابق تعلیم کوپہلی تعلیم کا درجہ دیا گیا ہے اس کے بعد صحت کے شعبے کا ذکر ہے پھر بلدیات کا نمبر آتا ہے پھر ماحولیات ، سرمایہ کاری،بیروزگاری کا خاتمہ، سیاحت ، قرضوں سے نجات، کرپشن کا خاتمہ ، نئے صوبوں کا قیام اور فاٹا کا انضمام اس ایجنڈے کے اہم نکات ہیں تعجب کی بات یہ ہے کہ خارجہ پالیسی کا ذکر اس میں نہیںآیا پاکستان کا مسئلہ نمبر ایک یعنی بد امنی اور دہشت گردی کا اس میں کوئی ذکر نہیں مسئلہ نمبر دو یعنی توانائی کے ذرائع پر کام کرنے کے حوالے سے کوئی پالیسی اس میں نظر نہیں آتی یہ بات سچ ہے کہ ملکی سیاست نے عمران خان کو گذشتہ 5سالوں کے اندر خیبر پختونخوا میں حکومتی اصلاحات پرتوجہ دینے کی مہلت نہیں دی بہترین بلدیاتی نظام کا خاکہ دیا گیا تھا جو صوبے میں کامیابی سے ہمکنار نہ ہوسکا ایک ستم ظریف نے دلچسپ مکالمہ سوشل میڈیا پر دیا ہے ایک شخص پوچھتا ہے ہمارے صوبے کا مثالی بلدیاتی نظام کدھر ہے ؟ دوسرا جواب دیتا ہے بلین ٹری سونامی کے جنگل میں ہے پہلا شخص پوچھتا ہے یہ جنگل کہاں ہے ؟ دوسرا شخص کہتا ہے 350ڈیموں کے آس پاس موجود ہے ، پہلا شخص کہتا ہے 350ڈیم کدھر ہیں ؟ دوسرا شخص کہتا ہے اس پر غور کرنے کی ضرورت ہے مینار پاکستان پر عمران خان نے جس 11نکاتی ایجنڈے کا اعلان کیا ہے اس پر غور کرنے کی ضرورت ہے جب عمران خان نے مینار پاکستان پر جلسے کی تاریخ دی اور جلسے میں اہم اعلان کرنے کا عندیہ دیا تو خان صاحب کے مداحوں نے اپنی توقعات کا شیش محل تیا ر کیا تھا اس شیش محل کے چار ستون تھے خارجہ محاذ پر امریکہ کے ساتھ دوستی کی جگہ روس اور چین کے ساتھ تعلقات کی نئی پالیسی دی جائے گی کیونکہ پاکستان کی 98فیصد آبادی امریکہ کو پسند نہیں کرتی داخلی محاذ پر بدامنی اور دہشت گردی سے نمٹنے کے لئے سرسری سماعت کی عدالتیں ، روزانہ سینکڑوں دہشت گردوں کو پھانسی دینے کے ساتھ پر امن شہری بننے کے خواہشمند دہشت گردوں کے لئے انڈونیشیا کے طرز پر معاشی مراعات کی فراہمی پر زوردینے کی پالیسی چاہیئے توانائی کے بحران کو ختم کرنے کے لئے پن بجلی کے چار بڑے منصوبے لانے اور کالا باغ ڈیم بنانے کا دو ٹوک اعلان ہونا چاہیئے تھا صرف کالا باغ ڈیم کی شہ سرخی اخبارات میں آجاتی تو پورے ملک میں ہلچل مچ جاتی بڑے سرکاری اداروں مثلاََ پی آئی اے، واپڈا ، ریلوے ، سٹیل ملز، اوجی ڈی سی وغیرہ کی فوری نجکاری کا نکتہ اس نوعیت کے شیش محل کا چوتھا ستون تھا اگر عمران خان نجکاری کی پالیسی کا اعلان کرتے تو اس کا خوشگوار تاثر ابھرتا اوراس کو انقلابی منشور کا درجہ مل جاتا اگرچہ ہمارے توقعات کا شیش محل مسمار ہوا تاہم گیارہ نکاتی ایجنڈا پاکستان کی تاریخ کے اہم نکات میں جگہ پاچکا ہے شیخ مجیب نے 6نکات دیئے تھے محمد خان جونیجو نے قوم کو 7نکاتی ایجنڈا دیا تھا عمران خان نے گیارہ نکات پیش کر کے ’’ نکات ‘‘ کا سابقہ ریکارڈ توڑ دیا ہے ایک دوست کا کہنا ہے عمران خان کا گیارہ نکاتی فارمولا احسن اقبال کے وژن 2025ء کا موثر جواب ہے وہ بھی کتابی منصوبہ تھا یہ بھی کتابوں کے مطالعے کا نچوڑ ہے زمینی حقائق اور قومی تقاضوں سے نہ اُس کا تعلق تھا نہ اِس کا تعلق ہے کتابوں میں ہمیشہ اچھی باتیں لکھی جاتی ہیں مگر ضروری نہیں کہ ہر ’’ اچھی بات ‘‘ زمین پر بھی موجو د ہو مجھے رہ رہ کر ناصر کاظمی کا شعر یاد آرہا ہے ؂
وہ دل نواز ہے لیکن نظر شناس نہیں
میرا علاج میرے چارہ گر کے پاس نہیں

ملک کی دو بڑی سیاسی جماعتوں کے درمیان ناراضگی بڑھتی جارہی ہے۔ پیپلز پارٹی کے شریک چیئرمین آصف زرداری کا کہنا ہے کہ وہ میاں نوا ز شریف کے ساتھ جنت میں بھی نہیں جائیں گے۔ دنیا میں ان کے ساتھ شراکت اقتدار یا مفاہمت کا تو سوال ہی پیدا نہیں ہوتا۔ یہ واضح نہیں کیا گیا کہ زرداری کو جنت میں جانے کا یقین ہے مگر وہ میاں صاحب کو اپنے ساتھ نہیں لے جانا چاہتے یا پھر وہ یہ سمجھتے ہیں کہ میاں جی نے جنت جانے کا اپنا راستہ صاف کردیا ہے۔ لیکن وہ لاکھ اصرار بھی کریں تو وہ اس کے ہمراہ جنت جانا پسند نہیں کریں گے۔سیاست بھی بہت عجیب چیز ہے۔ کل تک وہ بڑا بھائی اور یہ اس کا چھوٹا بھائی تھا۔ ان میں بڑا کون اور چھوٹا کون ہے یہ ان کے شناختی کارڈ چیک کرنے کے بعد ہی پتہ چلے گا۔ زرداری کو شکایت تھی کہ میاں برادران کو ہمیشہ مشکل وقت میں مفاہمت کا خیال آتا ہے جب مشکل وقت گذر جائے تو وہ شہنشاہ بن جاتے ہیں۔حالانکہ یہ انسان کی جبلت ہے کہ جب برا وقت آتا ہے تو اللہ کو یاد کرتا ہے اور مدد کا طلب گار ہوتا ہے ۔برا وقت ٹل جائے تو پھر اپنی اصلیت دکھانے لگتا ہے۔ آج کل میاں برادران واقعی مشکل میں ہیں۔ بڑے میاں صاحب کا تازہ بیان آیا ہے کہ نجانے دس بیس دنوں کے اندر ان کا کیا بنے گا؟ وہ کہاں ہوں گے۔ لیکن جہاں بھی ہوں گے اپنے موقف پر ڈٹے رہیں گے۔ ( اس پر بے ساختہ گانے کے وہ بول یاد آنے لگے کہ ’’جب ہم جواں ہوں گے جانے کہاں ہوں گے‘‘انہوں نے اپنے وزیراعظم شاہد خاقان عباسی اور چھوٹے میاں اور پنجاب کے وزیراعلیٰ میاں شہباز سے سوال کیا۔ کہ کیا وہ آزادانہ طور پر کام کرسکتے ہیں۔انہوں نے شکوہ کیا کہ جب ملک ترقی کی راہ پر گامزن ہونے لگتا ہے تو حکومت کے خلاف سازشیں شروع ہوتی ہیں اور ملک ترقی معکوس کی طرف چلا جاتا ہے۔ اب تک اس ملک میں یہی کچھ ہوتا رہا ہے جبکہ پڑوسی ملک میں کبھی سیاسی عدم استحکام پیدا نہیں ہوا۔انہوں نے سیاست دانوں کو مشورہ دیا کہ سب کو مل کر ملک کو جمہوریت کے راستے سے ہٹانے والوں کا مقابلہ کرنا چاہئے۔تحریک انصاف نے بڑے میاں کے موقف کا مذاق اڑاتے ہوئے کہا ہے کہ ان کے اقتدار کی کرسی جب بھی ہلنے لگتی ہے تو انہیں ملک اور جمہوریت خطرے میں نظر آتی ہے۔ جب اقتدار کے منہ زور گھوڑے پر سوار ہوتے ہیں تو ہواوں میں آڑنے لگ جاتے ہیں۔ہوش ٹھکانے آنے پر انہیں ملک اور قوم کی فکر دامن گیر ہوتی ہے۔اس میں دو رائے نہیں کہ مرکز میں برسراقتدار جماعت کو جو مشکلات درپیش ہیں وہ ان کا اپنا کیا دھرا ہے۔انہوں نے بیک وقت دو نئے محاذ کھول رکھے ہیں۔ ان کو پتہ ہے کہ ملک کی سیاسی قوتیں ان کے ساتھ نہیں ہیں۔ کیونکہ اپنے دور حکومت میں انہوں نے کسی کو بھی گھاس نہیں ڈالی۔ جب اولے پڑنے لگے تو سیاسی حلقوں سے گلے شکوے کرنے لگے۔ کہ ووٹ کو عزت دلانے کے لئے وہ ساتھ نہیں دے رہے۔ جو غیر جمہوری عمل ہے۔ ووٹ کو عزت دینے والی بات پر ایک دو نہیں۔ سینکڑوں سوالات اٹھائے جاسکتے ہیں لیکن اس سے انکار نہیں کہ جب تک سیاسی جماعتیں اور ملک کی مقتدر قوتیں ووٹ کو عزت نہیں دیں گی۔ ملک میں جمہوریت کی جڑیں مضبوط نہیں ہوسکتیں۔مزے کی بات یہ ہے کہ ساری جماعتیں جمہوریت کو مستحکم ، قومی معیشت کو مضبوط، دفاع کو ناقابل تسخیراور عوام کا معیار زندگی بہتر بنانے کو اپنے منشور کی ترجیحات قرار دیتی ہیں لیکن اقتدار میں آنے کے بعد ان کی ترجیحات بدل جاتی ہیں۔تحریک انصاف کے قائد عمران خان نے مینار پاکستان میں اپنی جماعت کے گیارہ نکاتی منشور کا اعلان کیا ہے۔ کم و بیش یہی نعرہ مسلم لیگ ن، پیپلز پارٹی، اے این پی، مسلم لیگ ق، ایم کیو ایم ، جماعت اسلامی اور جے یو آئی کا بھی ہے۔ سوچنے کی بات یہ ہے کہ جب منشور کے بیشتر نکات ایک جیسے ہیں تو سیاسی جماعتیں مل بیٹھ کر ملک کو ترقی دینے ، عوام کو خوشحال بنانے اور ووٹ کی عزت بحال کرنے کی منصوبہ بندی کیوں نہیں کرتیں۔عوام اپنے لیڈروں کے اعلانات، بیانات، وعدوں اور دعووں سے اکتا چکے ہیں یہی وجہ ہے کہ صرف تیس سے پنتیس فیصد لوگ ہی عام انتخابات میں ووٹ ڈالنے کے لئے گھروں سے باہر نکلتے یا نکالے جاتے ہیں۔ ستر فیصد عوام ووٹ ڈالنے پولنگ اسٹیشن جاتے ہی نہیں۔ اگر سیاسی اور جمہوری نظام پر عوام کا اعتماد بحال کرنے میں سیاسی قوتیں مخلص ہیں توپچاس فیصد رائے دہندگان کو ہی پولنگ اسٹیشن لے آئیں۔ تو ہم بھی مانیں گے کہ ہمارے لیڈر ووٹ کا احترام کرتے ہیں اور اس کی اہمیت کو تسلیم کرتے ہیں۔آپ نے اب تک عوام کو ووٹ کی اہمیت کا احساس ہی نہیں دلایا۔ووٹ ڈلوائیں اس کی عزت خود بخود بنے گی۔

آج لوگ خوش ہیں کہ چھٹٰی ہے سکول نہیں جائیں گے اور دفاتر بند ہوں گے ۔ لیکن ہم میں سے کسی نے یہ نہیں سوچا کہ چار مئی سن اٹھارہ سو چھیاسی میں امریکی شہر شکاگو میں جو لوگ اپنے حق کے لئے اپنی جانوں کے نذرانے پیش کئے تھے اس کی وجہ کیا تھی ؟ کیا اُن لوگوں نے پوری دنیا میں مزدوروں کے نام پر ایک دن کی چھٹی کے لئے اپنا سب کچھ لٹا دیا تھا یا اس کے پیچھے کسی اور سوچ اور فلسفے کا وجود کار فرما ہے ؟
اس سوال کے جواب کےلئے ہمیں مشہور جرمن مفکر کارل مارکس کے اُس شہرہ آفاق نظریے سے اتفاق کرنا ہوگا جس میں انہوں نے سرمایہ دارانہ نظام کو دنیا میں غربت کی جڑ قرار دیا تھا ۔ کارل مارکس نے اپنی تحاریر کے ذریعے غربت کے خلاف جنگ لڑٰ ی تھی ورنہ یہ احساس سب کو تھا اور سب کو ہے کہ مزدور ازل سے ظؒلم کی چکی میں پسا جا رہا ہے ۔ شکاگو میں مزدوروں کا اپنے حق کے لئے احتجاج اور اپنی جانوں تک کا نذرانہ پیش کرنا ایک معنی خیز بات ہے ۔ ورنہ ایک مزدور کی کیا مجال کہ وہ اپنے حق کے لئے بات کرے کیوں کہ وہ جانتا ہے کہ آج اپنے حق کےلئے بات تو ہوگی لیکن کل دانہ پانی کے لئے ترسنا پڑے گا لیکن ان لوگوںکے صبر کا پیمانہ لب ریز ہو چکا تھا ۔ اگرچہ دانشمندی اپنے اوپر بیٹھے ہوئے خونخوار بھیڑیئے کی ہاں میں ہاں ملانے میں تھی لیکن حدود عبور ہونے کے بعد او دیکھا جاتا ہے نہ تاؤ۔ اس ضمن میں شکاگو کے مزدور تحسین کے مستحق ہیں لیکن حقیت یہی ہے کہ شکاگو کے خون اشام احتجاج کے بعد بھی سرمایہ داروں کے کانوں میں جوں نہیں رینگی ۔ ظالم کے پنجے کل بھی بے رحم تھے آج بھی خونخوار اور دوندار ہیں ۔

آج ہمارے معاشرے میں دو طرح کے مزدور اپنی بقا کی جنگ میں مصروف ہیں۔ایک وہ جنہیں رسمی مزدور کہا جاتا ہے جو مروجہ تعلیم کے حصول کے بعد دوسروں کے لئے کام کرکے روزی کماتے ہیں یہ وہ لوگ ہیں جو مختلف اداروں میں عام عہدوں پر فائز ہیں۔ یہ لوگ بمشکل اپنی زندگی اور اپنے کنبے کو پال رہے ہوتے ہیں ۔ یہ لوگ شکران نعمت کے ساتھ زندگی گزار تے ہیں ۔ اُن کی سب سے بڑی پریشانی یہ ہے کہ کہیں اُن کی ملازمت ختم نہ ہو ، کہیں خاندان میں کوئی بڑی آزمائش نہ آئے ، بچوں کے پنپنے تک زندگی سلامت رہے خدا نا خواستہ کچھ ہوا تو ہمارے پیچھے کونسی دولت ہے کہ جس سے بچوں کی بہتر کفالت ہوسکے۔ ۔یہ مزدوروں کا وہ طبقہ ہے جو پریشانی ، سراسیمگی اور غیر مصمم انداز سے زندگی کے ڈرامے میں اپنا کردار ادا کر رہا ہے ۔

مزدوروں کا دوسرا طبقہ وہ ہے جسے غیر رسمی مزدور کہا جاتا ہے ۔یہ وہ لوگ ہیں جوکہ صرف اور صرف اپنے پیٹ کو پالنے کے پیچھے لگے ہوئے ہیں ۔ دن رات مشقت کرتے ہیں ۔دن کو دن اور رات کو رات نہیں سمجھتے ۔ اوراگر ان کا محرک جسم ایک پل کے لئے بھی رکے تو اُن کی زندگی میں قیامت آجاتی ہے ، اُن کے بچے بھوک سے مر جاتے ہیں اور اُن کا خاندان اُجڑ جاتا ہے ۔ یہ لوگ بچوں کی تربیت ، صحت اور تعلیم کے حوالے سے سوچنے سے قاصر ہیں ۔ میں کسی اور ملک میں مزدوروں کی حالت زار کے بارے میں بالکل نہیں جانتا لیکن پاکستان میں مزدور اپنے مالک کے ہاتھوں نیم بسمل کی کسم پرسی میں تڑپ تڑپ کر زندگی گزار رہا ہے ۔افسوس ناک بات یہ ہے کہ معاشرے کے اس طبقے یعنی غیر رسمی مزدور کی زندگی کے حوالے سے سوچنے والا کوئی نہیں ۔

ہم نے کبھی بھی یہ نہیں دیکھا ہے کہ کسی ٹٰیلی وژن پروگرام ، ریڈیو ، اخبار یا کسی اور نشست میں مزدور کے حقوق کی بات ہوئی ہو ۔ ہمارا میڈیا اور ہمارے اذہان ڈاکوؤں ، چوروں ، لٹیروں اور قاتلو کی داستانوں سے بھرے پڑے ہیں ۔ ہم نے ایک ایسا معاشرہ ترتیب دیا ہوا ہے جہاں انسانی عزت کو امارت اور ظاہری دولت کے ترازوپر ناپا جاتا ہے ۔ یعنی آسان لفظوں میں ہم یہ کہہ سکتے ہیں کہ جس کے پاس پیسہ ہے ( جائز یا نا جائز ) وہ قابل احترام ہے چاہے یہ دولت عزت بیچ کے ہی کیوں نہ آئی ہو ۔ ایسی دولت کی مثالوں سے ہمارا ملک ماشا الللہ مالا مال ہے ۔
زندگی کی بھاگ دوڑ میں ایک بے لگام اور باغی گھوڑے کی طرح نامعلوم منزل کی جانب سرپٹ دوڑنے والے اُن سفاک انسانوں جو دوسروں کو کچل کر ، روند کر اور مسل کر اپے لئے راستہ بنا رہے ہیں در اصل وہ راستہ تباہی ، بربادی اور جہنم کا راستہ ہے ۔ جا جا کے فطرت پر شک ہی گزر تا ہے کہ آخر ایسا کیوں ہے کہ تمام انسان برابر نہیں ، کیا یہ مزدور طبقے کا قصور ہے کہ وہ حلال کماتا ہے خون پسینہ ہوتا ہے اور حلال کی کمائی کھاتا ہے اور کھلاتا ہے ، کسی کا حق نہیں چھینتا ، اپنی عزت بیچ کے دولت مند بننے کو انسانی شان کے منافی سمجھتا ہے ۔یہ سب وہ سوالات ہیں جو کہ اس اقبال کی نظم ’’ لینن خدا کے حصور میں ‘‘ کے اس شعر میں سموئے گئے ہیں

تو قادر و عادل ہے مگر تیرے جہاں میں ہیں تلخ بہت بندہ مزدور کے اوقات
کب ڈوبے گا سرمایہ پرستی کا سفینہ دُنیا تری منتظرِروزِمُکافات

پشاور ( چترال ٹائمز رپورٹ) چترال بازار ٹریفک پلان ناقابل عمل ہے جاری شدہ ٹریفک پلان سے پندہ ہزار تاجر متاثر ہوچکے ہیں اگر بروقت اس پر نظر ثانی نہ کی گئی تو پندرہ ہزار تاجر ہی نہیں بلکہ دوکانوں میں کام کرنے والے مزید ہزاروں افراد بے روز گار ہونگے جبکہ ضلع چترال میں بے روزگاری پہلے سے موجود ہے ۔ ڈپٹی کمیشنر چترال اور ڈسٹرکٹ پولیس آفیسر چترال اپنے فیصلے پر نظر ثانی کریں تاکہ تاجر طبقہ فاقہ کشی کی شکار نہ ہو ۔ ان خیالات کا اظہار جماعت اسلامی پاکستان کے رہنما سابق ممبر قو می اسمبلی مولانا عبدالاکبر چترالی نے ایک اخباری میں کیا ہے ۔ انہوں نے کہا کہ لواری ٹنل دن رات ٹریفک کیلئے نہ کھولنے اور مخصوص اوقات متعین کرنے کی وجہ سے کاروباری طبقہ پریشان ہے ۔ مزید ستم ظریفی یہ کی گئی ہے کہ تمام بازاروں جن میں اتالیق بازار ، شاہی بازار تا کڑوپ رشت ٹریفک یکطرفہ کرنے سے کاروباری طبقہ مزید مشکلات سے دو چار ہو چکا ہے ۔ لہذا ضلعی انتظامیہ اس مسئلے کو انا کا مسئلہ نہ بنائیں اور بلا تا خیر تا جر براداری کو ریلیف پہنچایئے ۔ انہوں نے مزید کہا کہ اس سلسلے میں اسٹیک ہولڈر کا روباری طبقے کو سرے سے اعتماد میں نہیں لیا گیا ہے ۔ جو کہ نیک شگون نہیں ۔

چترال ( محکم الدین ) ضلع ناظم چترال حاجی مغفرت شاہ نے تریچمیر ڈرائیور یونین کی حلف برداری تقریب سے خطاب کرتے ہوئے کہا ۔ کہ سی پیک منصوبے کی وجہ سے ایک طرف کاروبار کے مواقع میں اضافہ کی توقع ہے ۔ تو دوسری طرف یہ خطرہ بھی موجود ہے ۔ کہ دوسرے شہروں سے بڑے سرمایہ کے مالک چترال کے کاروبار پر قبضہ جمائیں گے ۔ اور چترال کے لوگ اُن کا مقابلہ نہیں کر سکیں گے ۔ اس لئے اس بات کی اشد ضرورت ہے ۔ کہ چترال میں کاروبار سے وابستہ لوگ خود کو الرٹ رکھیں اور حالات کا مقابلہ کرنے کیلئے ابھی سے تیاری کریں ۔ ورنہ چترال کے ٹرانسپورٹر ز ، تجار برادری اور دیگر شعبوں سے وابستہ افراد کو کف افسوس ملنا پڑے گا ۔ ان خیالات کا اظہار انہوں نے ضلع کونسل ہال چترال میں تریچمیر ڈرائیور یونین کی حلف برداری تقریب سے بطور صدر محفل خطاب کرتے ہوئے کیا۔ جس میں ایڈیشنل اسسٹنٹ کمشنر چترال گوہر علی مہمان خصوصی کے علاوہ صدر چترال چیمبر آف کامرس و صدر سی سی ڈی این سرتاج احمد خان اور نومنتخب کابینہ کے ارکان اور ڈرائیور یونین کے ممبران کی بڑی تعداد نے شرکت کی ۔ ضلع ناظم نے کہا ۔ کہ ڈرائیور برادری اور تجار یونین روایتی طریق کار کی بجائے وقت کے تقاضوں کے مطابق ڈاکومنٹیشن کریں ۔ تاکہ حکومت سے قرضوں کی وصولی اور کاروبار سے متعلق دیگر اداروں سے روابط کرکے فوائد حاصل کرنے میں آسانی ہو ۔ انہوں نے ڈرائیور یونین اور تجار یونین کو ہدایت کی ۔کہ وہ چترال چیمبر آف کامرس کے ساتھ قریبی روابط رکھیں ۔ اور اس فورم کے ذریعے اپنے کاروبار کو فروغ دینے اور نئی گاڑیوں کی خریداری کیلئے بزنس پلان تیار کریں ۔ ضلع ناظم نے لواری ٹنل شیڈول کے بارے میں کہا ۔ کہ اس حوالے سے جی او سی ملاکنڈ ڈویژن سے بات ہوئی ہے ۔ بہت جلد شیڈول میں تبدیلی لائی جائے گی ۔ انہوں نے نو منتخب عہدہ داروں کو مبارکباد دی ۔ ایڈیشنل اسسٹنٹ کمشنر نے کہا ۔ کہ انتظامیہ اور ڈرائیور یو نین کا چولی دامن کا ساتھ ہے ۔ گو کہ بعض عوامی شکایات کی بنیاد پر ڈرائیور برادی اور انتظامیہ کے مابین تناؤ بھی آجاتا ہے ۔ تاہم یہ ڈرائیور برادری کو تنگ کرنے کیلئے نہیں ۔ بلکہ عوام کے مسائل حل کرنے کیلئے کیا جا تا ہے ۔ صدر چترال چیمبر آف کامرس سرتاج احمد نے ڈرائیور برادری کے نئے عہدہ داروں کو مبارکباد دی ۔ اور کہا ۔کہ سی پیک کیلئے ڈرائیور برادری کو ذہنی طور پر تیار ہونے کی ضرورت ہے ۔ انہوں نے ضلع ناظم چترال سے ڈرائیوریونین کو مستحکم بنانے کیلئے اور غریب و حادثات سے دوچار ہونے والے ڈرائیوروں کی مدد کیلئے انڈومنٹ فنڈ فراہم کرنے کا مطالبہ کیا ۔ صدر ڈرائیور یونین صابر احمد نے کہا ۔ کہ ہم نے عوام کی خدمت کا بیڑا اُٹھایا ہے ۔ اور انشاء اللہ ہم حتی المقدور اس پر پورا اُترنے کی کوشش کریں گے ۔ اور یہی ہمارا سب سے بڑا سرمایہ ہے ۔ پاکستان مسلم لیگ ن کے جنرل سیکرٹری صفت زرین نے لواری ٹنل میں مسافروں کو روکنے سے متعلق پارٹی کے ہائی کمان کے نوٹس میں بات لانے کی یقین دہانی کی ، جبکہ صدر تجار یونین شبیر احمد نے کہا ۔ کہ چترال بازار کے مسائل کی تفصیل ضلع ناظم کی خدمت میں پیش کئے گئے ہیں ۔ اور توقع رکھتے ہیں ۔ کہ اُن پر ہمدردانہ غور کیا جائے گا ۔ سرپرست اعلی ڈرائیور یونین چترال مولانا ہدایت اللہ نے لواری ٹنل میں شیڈول کے نام پر چترالی مسافروں کے ساتھ اذیت ناک سلوک اور کٹ گاڑیوں کے حوالے سے حکومت سے مطالبہ کیا ۔ کہ چترال کے عوام کو بلا تاخیر ان پریشانیوں سے نکالا جائے ۔ انہوں نے کہا یہ افسوس کا مقام ہے ۔ کہ لواری ٹنل کے اندر تعمیری کام مکمل ہونے کے باوجود مسافروں کو 9گھنٹے انتظار کی صعوبتیں برداشت کرنی پڑتی ہیں ۔ قبل ازین نومنتخب کابینہ سے حلف لیا گیا ۔ جس میں مولانا ہدایت الرحمن سرپرست اعلی ، حاجی محمد یوسف چیرمین ، صابر احمد صدر ڈرائیور یونین چترال ، زاہد خلاق صو بیدار ( ر) سنئیر نائب صدر ، احمد سعید نائب صدر ، جاوید خان نائب صدر شیشی کو ہ ، غلام مرسلین نائب صدر تورکہو ، شفیق الرحمان نائب صدر ایون ، مہتاب خان نائب صدر گرم چشمہ ، فضل ناصر جنرل سیکرٹری ، خلیل الرحمن سیکرٹری ٹرانسپورٹ ، حاجی محمد رحیم سیکرٹری انفار میشن ، پرویز خان سیکرٹری فنانس ، محمد وزیر خان سیکرٹری کھیل و ثقافت ، محبوب الہی سیکرٹری چندہ کشی ،ظاہر خان سیکیورٹی انچارج شامل تھے۔ تقریب سے غلام محی الدین نے خطاب کرتے ہوئے چترال میں ڈرائیور یونین کے قیام اور عہدہ داروں پر تفصیل سے روشنی ڈالی ۔

چترال( نمائندہ چترال ٹائمز)مسلم لیک (ن) ضلع چترال کے سیکرٹری اطلاعات نیاز اے نیازی نے ایک اخباری بیاں میں کہا ہے کہ سابق وزیر اعظم محمد نواز شریف اور مریم نواز 4مئی کو چترال کا دورہ کریں گے ۔اور پولوگراؤنڈ چترال میں بڑے جلسے سے خطاب کریں گے۔ذرائع کے مطابق سابق وزیراعظم محمد نواز شریف کے چترال کیلئے گذشتہ چار سالوں کے دوران کئے گئے خدمات جن میں لواری ٹنل کی تکمیل، گولین گول ہائیڈرل پراجیکٹ سے چترال کو 36میگاواٹ بجلی کی فراہمی اور لوٹ شیڈنگ کے خاتمے، سیلاب اور زلزلہ متاثریں میں اربوں روپے کی نقد تقسیم شامل ہیں کے پیش نظر عوامی حلقے اس دورے کو بڑی اہمیت دے رہے ہیں۔ذرائع کے مطابق سابق وزیراعظم کے دور حکومت میں چترال کی تعمیرو ترقی کے لئے 65ارب روپے کے خطیر رقم خرچ ہوئے۔

چترال( نمائندہ چترال ٹائمز ) گاؤن سنگور کی رہائشی سلطان مراد نے چترال پریس کلب میں پریس کانفرنس سے خطاب کرتے ہوئے انصاف کی اپیل کی ہے۔اُنہوں نے کہا کہ میں واقع علاقہ سنگور میں اپنی پدری جائیداد میں رہ رہا ہوں۔ بہ مقدار تین چکورم جائیداد میرے والد مسمی ہجوم خان ولد خوش دولہ سکنہ برشگرام کریم آباد نے 15فروری1942کو علاقے کے مغزز شخصیت محمد سفید خان مرحوم سے بیع قطعی خریدا تھا ۔ زمین کے خریداری سند میں اُس وقت کے مغززین علاقہ میرزہ خان مرحوم ،بہرام خا ن مرحوم اور صاحب ظفر مرحوم گواہان تھے۔مذکورہ جائیدد میں موجودہ وقت میں ہم پسران ہجوم خان آباد ہیں۔ اُنہوں نے کہا کہ کچھ عرصے سے میرے ایک رشتہ دار جس کا تعلق گاؤن سنگور سے بھی نہیں ہے نے میری زمین کی خریداری کی اصل سند چوری کرکے اُس میں ردو بدل کرکے میری پدری زمین مجھ سے ہتھیانا چاہتا ہے۔چونکہ میں ایک ان پڑھ اور غریب بندہ ہوں اور میرے مخالف فریق اثر و رسوخ رکھتے ہیں جس کی بنیاد پر وہ میری زمین پر قبضہ کرنا چاہتے ہیں۔متعلقہ اداروں سے میری اپیل ہے کہ میرے ساتھ انصاف کی جائے۔

چترال ( نمائندہ چترال ٹائمز ) مدرسہ تحفیظ القران الکریم دنین چترال میں گزشتہ دن فارع التحصیل طلباء کی دستار بندی تقریب منعقد ہوئی ۔ جس کے مہمان علماء استاد الحدیت مولانا عبد الرحیم مہتمم جامعہ اشرافیہ لاہور اور قاضی حمید الرحمن اویرتھے . جبکہ اس روح پرورتقریب میں نامور علماء ، مختلف مساجد کے آئمہ کرام اور مختلف مکاتب فکر کے افراد کثیر تعداد میں شرکت کی۔تقریب کا آغاز قاری عبد الرحمن قریشی کی تلاوت قرآن پاک سے کی گئی.اوربہت سے طلباء نے حمد باری تعالیٰ‌اور نعت شریف پیش کی. اس بابرکت تقریب میں قرآن پاک حفظ کرنے والے دس حفاظ اور چار مختلف کورس مکمل کرنے والے طلبا کی دستار بندی کی گئی ۔ قرآن حفظ کرنے والے طلباء کا تعلق لاسپور، پرواک، تورکہو ، موڑکہو و دیگر علاقوں سے تھا ۔ تقریب سے خطاب کرتے ہوئے مولانا عبد الرحیم اور قاضی حمید نے مدرسہ ہذاکی دینی خدمات پر مہتمم قاری گل فراز، اساتذہ کرام اور مدرسہ کے دیگر منتظمین کو خراج تحسین پیش کیا ۔کہ انھوں نے انتہائی نامساعد حالات میں مدرسہ میں دینی تعلیم جاری رکھے ہوئے ہیں۔ علماء کرام نے حاضرین پر زور دیتے ہوئے کہا کہ دنیا کی زندگی عارضی ہے ہمیں اپنی دائمی زندگی کیلئے محنت کی انتہائی ضرورت ہے۔ انھوں نے کہاکہ علماء کبھی بھی عصری علوم کے خلاف نہیں مگر عصری علوم کے ساتھ دینی علوم بھی حاصل کرناہے ۔ اور اخری نبی حضرت محمد ﷺکے اسوہ حسنہ پر عمل کرکے ہی ہم دونوں جہانوں میں سروخرو ہوسکتے ہیں۔ انھوں نے مدارس سے خصوصی تعاون پر زور دیا ۔ اس موقع پر بتایا گیا کہ مدرسہ ہذا میں دینی تعلیم کے ساتھ طلباء کو عصری علوم کیلئے گورنمنٹ سکولوں یا پرائیویٹ تعلیمی اداروں میں بھی بھیجا جاتا ہے ۔ جو صبح کے وقت عصری علوم حاصل کرتے ہیں اور چھٹی کے بعدحفظ قرآن کی کلاسیں لیتے ہیں۔ جبکہ 60سے زیادہ طلباء مدرسہ میں رہائش اختیار کرکے دینی تعلیم حاصل کررہے ہیں اور ساتھ اسی مدرسہ کے الگ پورشن میں طالبات کیلئے بھی دینی تعلیم کا انتظام کیا گیا ہے ۔ جہاں آس پاس کے خواتین استفادہ کررہی ہیں۔اس بابرکت تقریب کے شرکاء نے رمضان المبارک کی آمد سے پہلے حفاظ کرام کی دستار بندی پر مدرسہ کے منتظمین کو خراج تحسین پیش کرتے ہوئے کہاکہ مختلف دور آفتادہ علاقوں کے حفاظ کرام اپنے اپنے علاقوں میں ختم قرآن کا اہتمام کریں گے ۔ جوان علاقوں کیلئے انتہائی خوشی اور مسرت کا مقام ہے۔

چترال ( نمائندہ چترال ٹائمز) متحدہ مجلس عمل ضلع چترال نے ضلعی ذمہ داروں کا باضابطہ اعلان کردیا جس کے مطابق جے یو آئی کے ضلعی امیر قاری عبدالرحمن قریشی صدر اور جماعت اسلامی ضلع چترال کے امیر مولانا جمشید احمد سیکرٹری جنرل مقرر ہوگئے ۔ اپنی تقرری کے فوراً بعد انہوں نے دونوں جماعتوں کے ذمہ داراں کا مشترکہ اجلاس طلب کیا جس میں ضلعی سطح پر ایم ایم اے تنظیم کے دیگر عہدیداروں کو حتمی شکل دینے اور دیگر امور زیر غور آئے ۔ اجلاس میں ضلع ناظم مغفرت شاہ اور نائب ضلع ناظم مولانا عبدالشکور کے علاوہ جے یو آئی کے قاری وزیر احمد، مفتی شفیق ، صوبیدار میجر عبدالصمد،نصرت الٰہی، مولانا ہدایت الرحمن اور جماعت اسلامی کے رہنما فضل ربی جان، قاضی سلامت اللہ ، قاری فدا محمد ، خان حیات اللہ خان شریک ہوئے۔ اندرونی ذرائع کے مطابق ایم ایم اے کے ضلعی قائدین کسی بھی وقت ضلعی کابینہ کے دیگر افراد کے ناموں کا اعلان کریں گے جبکہ قومی اور صوبائی اسمبلی کی نشستوں کی تقسیم بھی آخری مرحلے میں داخل ہوگئی ہے۔

دریں اثناء ا میر جماعت اسلامی ضلع چترال مولانا جمشید احمدنے سابق ایم این اے مولانا عبدالاکبر چترالی کا سوشل میڈیا میں اپنے آپ کو متحدہ مجلس عمل کا این اے ون چترال کا مشترکہ امیدوار قرار دینے کی وضاحت کرتے ہوئے کہا ہے کہ مولانا چترالی کا یہ دعویٰ قبل آز وقت ہے جس کا فیصلہ ابھی تک حلیف پارٹی جے یو آئی کے ساتھ ابھی ہونا ہے ۔ اجلاس کے موقع پر انہوں نے جے یو آئی رہنماؤں کے استفسار پر بتایاکہ ان کے اس دعوے سے جماعت اسلامی کی نظم کا کوئی تعلق نہیں ہے کیونکہ جماعت اسلامی نے انہیں صرف قومی اسمبلی کی نشست کے لئے نامزد کیا ہے نہ کہ متحدہ مجلس عمل کے لئے ۔

چترال ( محکم الدین ) سو سائٹی فار ہیومن رائٹس اینڈ پریزنرز ایڈ ( شارپ ) پاکستان کی طرف سے ایک روزہ ورکشاپ مقامی ہوٹل میں گذشتہ روز منعقد ہوا ۔ جس میں معروف قانون دان عبدالولی ایڈوکیٹ مہمان خصوصی تھے ۔ جبکہ ڈسٹرکٹ بار ایسوسی ایشن چترال کے صدر خورشید حسین مغل سمیت وکلاء کی بہت بڑی تعداد اس ورکشاپ میں شریک تھے ۔ ورکشاپ میں پاکستان میں گزشتہ کئی سالوں سے رہائش پذیر افغان مہاجرین کو درپیش مشکلات کم کرنے ، اُن کی قانونی مدد فراہم کرنے کے سلسلے میں کردار ادا کرنے ، انسانی حقوق ، بنیادی انسانی حقوق ، مہاجرین سے متعلق قوانین ، جنیوا کنونشن ، مہاجر اور ایزائلم میں فرق سمیت کئی موضوعات پر تفصیل سے روشنی ڈالی گئی ۔ اور اس امر کا اطہار کیا گیا ۔ کہ مہاجرین کو جب تک اُن کے ملک میں حالات سازگار نہیں ہوتے جبرا نکالنا قانون اور مسلم روایات کے خلاف ہے ۔ پراجیکٹ ڈائریکٹر شارپ خیبرپختونخوا میمونہ بتول نے خطاب کرتے ہوئے کہا ۔ کہ جن مہاجرین کے پاس قانونی دستاویزات ، پی او آر کارڈ موجود ہیں ، اور کسی منفی سرگرمی میں ملوث نہیں ہیں ، اُن کے لئے مسائل پیدا نہ کئے جانے چاہیں ۔ ہمارے ملک میں مسئلہ یہ ہے کہ چالیس سالوں سے یہاں افغان مہاجرین رہائش پذیر ہیں ۔ لیکن اب تک مہاجرین کے حوالے سے کوئی قانون سازی نہیں کی گئی ہے ۔ جس کی وجہ سے مہاجرین کو کئی مسائل کا سامنا کرنا پڑ رہا ہے ۔ انہوں نے کہا ۔ کہ ہماری کوشش ہے ۔ کہ پاکستان میں تمام لوگوں کو بنیادی انسانی حقوق ملیں ۔ قاضی سجاد احمد نے بنیادی انسانی حقوق ، عالمگیر انسانی اور پیدائشی حقوق پر تفصیل سے روشنی ڈالی جبکہ غیاث گیلانی نے انٹر نیشنل پروٹٰیکشن اور رفیوجی لاز سے متعلق حاضرین کو آگاہ کیا ۔ اس موقع پر صدر محفل عبد الولی ایڈوکیٹ اور صدر ڈسٹرکٹ بار ایسو سی ایشن چترال خورشید حسین مغل نے پروگرام میں شریک وکلاء میں سرٹفیکیٹس تقسیم کئے ۔ شارپ کی طرف سے میمونہ بتول نے عبدالولی خان ایڈوکیٹ اور خورشید حسین مغل کو پھولوں کا گلدستہ پیش کیا ۔ جبکہ غیاث گیلانی نے عبدالولی ایڈوکیٹ کو شیلڈ پیش کی ۔

چترال ( نمایندہ چترال ٹائمز ) گورنمنٹ گرلز پرائمری سکول اور گورنمنٹ پرائمری سکول صحن ایون و پرائیویٹ سکولوں کے طلباء اور اساتذہ نے پاکستان پاورٹی ریڈکشن کے زیر اہتمام حکومت اٹلی کے تعاون سے گذشتہ روز انرولمنٹ کمپین کے سلسلے میں ایک آگہی واک کا اہتمام کیا ۔ جس میں ممبر ڈسٹرکٹ کونسل ایون رحمت الہی ، چیرمین پی ٹی سی محمد نیاز خان دیگر ممبران اور اساتذہ و نے شرکت کی ۔ واک تقریبا ایک کلومیٹر ائریے تک جاری رہا ۔ جس کے بعد شرکاء واک سے خطاب کرتے ہوئے ممبر ضلع کونسل رحمت الہی ، چیرمین پی ٹی سی محمد نیاز، قربان زار ، محمد سیار نے خطاب کرتے ہوئے کہا ۔ کہ واک کا مقصد تعلیم کی اہمیت کو اُجاگر کرنے کے ساتھ اُن بچوں کو سکولوں میں داخل کرانا ہے ۔ جو ابھی تک سکولوں میں داخل نہیں کئے گئے ہیں یا داخل ہونے کے بعد کسی وجہ سے وہ سکول چھوڑ گئے ہیں ۔ انہوں نے کہا ۔ کہ یہ انتہائی افسوس کا مقام ہے ۔ کہ پی پی آر پراجیکٹ میں اے اکے آر ایس پی کے سروے کے مطابق ایون میں ڈراپ آوٹ کی شرح سب سے زیادہ ہے ۔ جو کہ علاقے کیلئے کوئی اچھی خبر نہیں ہے ۔ انہوں نے کہا ۔ کہ ہمیں اپنے بچوں اور بچیوں کی تعلیم کو اولیت دینی چاہیے ۔ اور اس سلسلے میں کسی بھی قسم کا کمپرومائز نہیں کرنا چاہیے ۔ مقررین نے علاقے میں تعلیمی سہولیات فراہم کرنے کے سلسلے میں حکومت اٹلی کا شکریہ ادا کیا ۔ کہ اُن کے تعاون سے پاکستان پاورٹی ریڈکشن پراجیکٹ کے تحت کئی سکولوں کی کارپٹ و فرنیچر مہیا کئے گئے ، کمپیوٹر لیب ، رنگ وروغن اور آرائش و زیبائش کی گئی ۔ اور ٹیچرز کیلئے سیلری و طلبہ کیلئے تعلیمی سامان وغیرہ فراہم کئے گئے ۔ اس سے غریب و نادار بچوں کی نا صرف حوصلہ افزائی ہوئی ہے ۔ بلکہ مدد بھی ملی ہے ۔ انہوں نے اس حوالے سے اے کے آر ایس پی کی کوششوں کو بھی سراہا ۔ مقررین نے اس موقع پر مطالبہ کیا ۔ کہ ایون کی تعلیمی ضروریات کو پیش نظر رکھ کر مزید سہولیات فراہم کئے جائیں ۔ واک کے دوران طلبہ نے بینرز اُٹھا رکھے تھے ۔ جس میں تعلیمی آگہی سے متعلق نعرے درج تھے ۔

چترال (نمائندہ چترال ٹائمز) ضلع کونسل چترال اور تحصیل میونسپل ایڈمنسٹریشن میں 1980ء کے عشرے سے ملازمت کرکے فارغ ہونے کے بعد چار ملازمین اب پنشن اور دوسرے مراعات کے لئے پاکستان تحریک انصاف کی حکومت سے انصاف کے تلاش میں در بدر ٹھوکر کھاتے پھرنے اور کوئی شنوائی نہ ہونے کے بعد اب بھوک ہڑتال پر مجبور ہوگئے ہیں جبکہ وہ گزشتہ پانچ دنوں سے ضلع کونسل کے سامنے سڑک پر دھرنا دئیے بیٹھے ہیں۔ مشین اپریٹر اور ہیلپرکی اسامیوں پر کام کرنے والے ان چار ریٹائرڈ ملازمین میں سے دو انتقال کرگئے ہیں اور ان کے بال بچے پنشن سے محروم ہیں۔ متاثرین کا کہنا ہے کہ حکومت کے قاعدہ وقانون کے تحت وہ پنشن اور دوسرے مراعات سے جب بغیر کسی وجہ کے محروم کردئیے گئے تو انہوں نے پشاور ہائی کورٹ سے رجوع کیا جس پر عدالت نے ان کے حق میں فیصلہ دیا اور ایک سال تک انہیں پنشن کی ادائیگی ہوتی رہی مگر اب ٹی ایم اے چترال بجٹ کی عدم دستیابی کی بنا پر ان کا پنشن بند کردیا ہے اور وہ ایک سال سے بھوک اور فاقے سے دوچار ہیں۔ انہوں نے کہاکہ اگر چوبیس گھنٹوں کے اندر ان کی شنوائی نہیں ہوئی تو وہ بال بچوں کے ساتھ اس روڈ پر تادم مرگ بھوک ہڑتال شروع کرنے پرمجبور ہوں گے۔

چترال (نمائندہ چترال ٹائمز ) تریچ میر ڈرائیور ز یونین کے صدر صابر احمد صابرنے یونین کے سرپرست حاجی غلام محی الدین اور دیگر عہدیداروں اسفندیار خان، حاجی شیر بہادر، زاہد خالق، فضل الرحمن تمنا، اخلاق حسین ، عبدالصمد کی معیت میں ایک پریس کانفرنس سے خطاب کرتے ہوئے کہاکہ لواری ٹنل کو بلاوجہ بند رکھا جارہا ہے جبکہ کام مکمل ہوکر افتتاح بھی ہوچکا ہے اور ٹنل کو ہر وقت ٹرانسپورٹ کے لئے کھلا رکھا جائے بصورت دیگر یونین راست قدم اٹھانے پر مجبور ہوگا۔ انہوں نے دیگر مطالبات پیش کرتے ہوئے پشاور سے چترال آنے والے مسافر انتہائی تکلیف میں ہیں اور قصہ خوانی کے ارد گرد ٹکٹ گھروں میں ڈرائیوروں کو لوٹ لئے جارہے ہیں جس کے لئے حاجی کیمپ کے اندر چترال کے لئے خصوصی اڈا کھولا جائے۔ انہوں نے لواری ٹاپ کو بھی فوری طور پر کھولنے کا مطالبہ کیا تاکہ عوام اور ٹرانسپورٹ بلا رکاوٹ جاری رہے کیونکہ عوام انتہائی تکلیف میں ہیں۔ ڈرائیور یونین کے رہنماؤں نے بائی پاس روڈ اور چترال دروش روڈ پر قائم کیٹ آئیز سے بنی اسپیڈ بریکروں کو ختم کرنے کا بھی مطالبہ کیا کیونکہ انتہائی مہنگی ٹائر ان لوہے کی بریکروں کی وجہ سے خراب ہوتے ہیں۔ ڈرائیور رہنماؤں نے دروش میں تمام غیر قانو نی اڈوں کو بند کرنے کا بھی مطالبہ کیا۔ ڈرائیور رہنماؤں نے عوام الناس کو مطلع کرتے ہوئے کہاکہ لاسپور کے لئے اتالیق بازار میں اڈے کے اندر اسٹینڈ دی گئی ہے جہاں الگ کاونٹر کا بھی بندوبست کیا گیا ہے تاکہ مسافر باعزت طور پر آسانی سے گاڑی میں سوار ہوکر سفر جاری رکھ سکیں۔ اس موقع پر تریچ میر ڈرائیورز یونین اور آل فلائنگ کوچ ایسوسی ایشن نے آپس میں یکجہتی کا اعلان کرتے ہوئے اس عزم کا اعادہ کیا کہ وہ ایک دوسرے کا احترام کرتے ہوئے ڈرائیور برادری کی خدمت کرتے رہیں گے۔ حاجی غلام محی الدین نے اسفندیار خان اور صابر احمد صابر کے درمیان اختلافات ختم ہونے اور عدالت میں راضی نامہ کے ذریعے کیس واپس لے کر آپس میں شیر وشکر ہونے پر دونوں کے جذبات کو سراہا اور معاہدے کے مطابق اسفندیار نے اپنی طرف سے اخلاق حسین کو سینئر نائب صدر مقرر کیا۔ڈرائیور یونین کے عہدیداروں نے ایک سوال کے جواب میں کہاکہ قاضی جلال کا اب یونین کوئی عہدہ نہیں ہے ۔

پشاور ( چترال ٹائمز رپورٹ ) الیکشن کمیشن آف پاکستان نے عوام کی سہولت کو مدنظر رکھتے ہوئے ڈسپلے سنٹرز کا دورانیہ 30اپریل تک بڑھا دیا ہے تاکہ کوئی بھی اہل ووٹر اندراج یاکوائف کی درستگی سے رہ نہ جائے۔ڈسٹرکٹ الیکشن کمشنر کوہاٹ حبیب الرحمن خٹک کی جانب سے جاری بیان میں کہاگیاہے کہ الیکشن کمیشن آف پاکستان نے ڈسپلے سنٹروں پر ووٹ کے اندراج ،اعتراض ،اخراج اور درستگی کوائف کے فارمزجمع کروانے کی آخری تاریخ میں 30اپریل 2018تک توسیع کردی ہے۔ان کا کہنا تھاکہ عوام اس سہولت سے فائدہ اٹھاتے ہوئے ڈسپلے سنٹروں سے اپنے ووٹ کے اندراج کے لئے فارم15،اعتراض یا ووٹ کے اخراج کے لئے فارم 16 اور کوائف کی درستگی کے لئے فارم 17 حاصل کرکے اپنے قریبی ڈسپلے سنٹروں پرہی یا ڈسٹرکٹ الیکشن کمشنر آفس اوٹی ایس روڈ کوہاٹ میں جمع کرائیں ۔ان کا مزید کہناتھاکہ لوگ مذکورہ دفتر کے ان نمبروں 0922860735/03121585752پررابطہ کرکے اپنے قریبی ڈسپلے سنٹروں کی معلومات حاصل کرسکتے ہیں۔

چترال(نمائندہ چترال ٹائمز)ممبرصوبائی اسمبلی وچیئرمین ڈیڈک چترال سلیم خان نے گرم چشمہ کے دومختلف مقامات پر عوامی اجتما عات سے خطاب کرتے ہوئے کہاکہ گذشتہ دس سالوں میں اپنے حق نمائندگی کواحسن طریقے سے نبھاتے ہوئے ارندوسے لیکرگبوراوربرنس تک اپنے حلقے کے عوام کی دن رات بے لوث خدمت کی ہے۔جس کا ثبوت یہ ہے کہ میرے حلقے میں خاص کرتعلیم کے میدان میں نمایاں ترقی ہوئی۔اپنے حلقے کے اندران دس سالوں میں 10ہائیرسکینڈری،15ہائی،15مڈل اور25پرائمری سکولزقائم کرچکاہوں۔ایک گرلزڈگری کالج دروش اوریونیورسٹی اف چترال کے قیام میں بھی اپنابھرپورکرداراداکیا ہے۔انہوں نے گرلزہائی سکول مردان ،گرم چشمہ کے افتتاح کے موقع پرایک پرہجوم اجتماع سے خطا ب کرتے ہوئے کہاکہ تحصیل لٹکوہ کے عوام دومرتبہ مجھے اسمبلی فلور تک پہنچانے میں کردار ادا کرچکے ہیں۔اس دفعہ بھی اگرپارٹی کی طرف سے ٹکٹ ملی توانشاء اللہ چترال کے عوام خدمت کرنے کاموقع دیں گے۔انہوں نے کہاکہ 2018کاالیکشن بہت سخت ہوگاکیونکہ چترال میں ایک صوبائی اسمبلی کاسیٹ ختم ہوگیاصرف ایک قومی اسمبلی اورایک صوبائی اسمبلی کاسیٹ رھ گیاہے۔انہوں نے روئی کے مقام پرواٹرسپلائی اسیکم کاافتتاح کرتے ہوئے کہاکہ عوام کی خدمت کرکے مجھے ذہنی طورپرسکون ملتاہے۔انہوں نے پاکستان تحریک انصاف کی حکومت پرتنقیدکرتے ہوئے کہاکہ وزیراعلیٰ پرویزخٹک چترالی عوام کامجرم ہے کیونکہ انہوں نے اپرچترال کوالگ ضلع ہونے کااعلان کرکے بہت بڑاجھوٹ بولاہے اگراپرچترال آج الگ ضلع ہوتاتوہماراصوبائی اسمبلی کاایک سیٹ بھی بچ جاتا۔انہوں نے مذہبی جماعتوں کے اتحاد پرتنقیدکرتے ہوئے کہاکہ ایم ایم اے کی حکومت 2002میں بنی تھی صوبے کے عوام کونہ کہیں اسلامی نظام ملااورنہ ہی کہیں کوئی ترقیاتی کام ہوئے۔آج پھرسادہ لوح عوام کوایک مرتبہ پھردھوکہ دینے کی کوشش میں ہیں مگراس دفعہ عوام باشعورہوچکے ہیں وہ دوبارہ اسی دھوکے میں نہیںآئیں گے۔بلکہ خدمت کودیکھ کراپنافیصلہ دیں گے۔ اس موقع پر سینئرنائب صدرپاکستان پیپلزپارٹی انجینئرفضل ربی جان اوردیگرپارٹی جیالوں نے ایم پی اے سلیم خان کوخرج تحسین پیش کیا۔

چترال (عبدالغفار سے) پاکستان مسلم لیگ (ن) کا ایک اہم اجلاس جغور میں پارٹی لیڈر محمد وزیر خان کے رہائش گاہ کشم ہاؤس میں منعقد ہوا جس میں پارٹی کے ضلعی صدرمحمد نوید چغتائی ، سابق صدر اور ایم پی اے سید احمد خان، صفت زرین، محمد کوثر ایڈوکیٹ، ساجد اللہ ایڈوکیٹ ، زار عجم خان ، عبدالغفار، خورشید مغل،قاری عمران،شوکت الملک،راجہ،فضل رحیم ایڈوکیٹ ،حاجی ظفر،، غلام حضرت انقلابی ایڈوکیٹ اور دوسروں نے شرکت کی۔ اجلاس میں متعدد فیصلے کئے گئے جن میں محمد کوثر ایڈوکیٹ کو سب ڈویژ ن چترال کا صدر مقرر کرتے ہوئے انہیں ویلج کونسل لیول سطح پر تنظیم سازی کرنے کی ذمہ داری سونپی گئی جبکہ مستوج سب ڈویژن میں بھی اسی طرح صدر مقرر کرکے انہیں ذمہ داری سونپ دی جائے گی۔ اجلاس میں پارٹی کے قائد میاں نواز شریف کے دورہ چترال کے حوالے سے بھی سیر حاصل بحث ہوئی اور وزیر اعظم شاہد خاقان عباسی کا بھی دورہ چترال اور گیس سمیت روڈ منصوبہ جات کی افتتاح سے متعلق مختلف امور پر بحث ہوئی ۔ اس موقع پر پارٹی کے قائدین نے کہاکہ میاں نواز شریف کی چترال پر خصوصی مہربانیوں اور ریکارڈ تعداد میں ترقیاتی کاموں کی وجہ سے یہاں آنے والی الیکشن میں جیت صر ف اور صرف مسلم لیگ (ن) کی ہوگی اور یہ وقت ہے کہ پارٹی کے کارکن گھر گھر تک نواز شریف کا نظریہ ارندو سے بروغل تک گھر گھر پہنچانے کا فریضہ سرانجام دیں۔

پشاور ( چترال ٹائمز رپورٹ )خیبر پختونحوا پبلک سروس کمیشن نے محکمہ اعلی تعلیم میں خاتون لیکچر ار ہوم اکنامکس (بی پی ایس ۔17 ) کی دو آسامیوں، زراعت ، لائیوسٹاک اینڈ کو آپریٹو ڈیپارٹمنٹ کے سوئل(Soil) کنزویشن ونگ میں سوئل کنررویشن اسسٹنٹ (بی پی ایس ۔17 ) کی بارہ آسامیوں اور زرعی تحقیقی شعبہ میں ریسرچ آفیسر / فادم منیجر (بی پی ایس۔17 ) کی گیارہ آسامیوں پر اپنی سلیکشن کو حتمی شکل دیدی ہے اور اس سلسلے میں اپنی سفارشات بھی متعلقہ محکموں کو بھیج دی ہیں اس امر کا اعلان انچارج میڈیا سیل خیبر پختونحوا پبلک سروس کمیشن کی جانب سے کیا گیا۔

شمالی علاقہ جات اور چترال میں ثقافت اور سیاحت کے فروغ کے لیے گلگت ،بلتستان حکومت کے زیراہتمام پنجاب کے دارلحکومت لاہور میں سہ روزہ گلگت، بلتستان،چترال بزنس اینڈ کلچرل فسٹیول کا الفقاد کیا گیا ۔لاہور چیمبر آف کامرس اینڈ انڈسٹریز میں منقیدہ سہ روزہ فیسٹول کا افتتاح گلگت بلتستان کے وزیر سیاحت کلچر فدا خان نے کیا ۔جبکہ لاہور چیمبر آف کامرس کے سنیئر نائب صدر خواجہ خاور رشید سابق صدر سہل لاشاری لاہور چیمبر کے ممبران سمیت چترال یونیورسٹی کے پراجیکٹ ڈائریکٹر ڈاکٹر باچامنیر شندورویلفر ارگنازیشن کے چیئر مین محمد علی مجاہد گلگت اور چترال کے مختلف شعبوں سے تعلق رکھنے والے افراد اور صحافیوں کے نمائندوں نے بھی اس سہ روزہ فیسٹول میں شرکت کی ۔ فیسٹول کا بنیادی مقصد شمالی علاقہ جات اور چترال میں سیاحت سے متعلق ملک کے عوام کو اگاہی دینا تھا تاکہ ملک کے دیگر صوبوں کے بزنس مین اور چیمبر کے شعبے سے وابستہ افراد ان علاقوں میں سرمایہ کاری کر کے سیاحت اور مقامی ٹورازم کو فروغ دینے میں اپنا کردار ادا کریں اس میں کوئی شک نہیں کہ پاکستان کے شمالی علاقوں بشمول چترال کو خداوند تعالیٰ نے بڑی نعمتوں سے نوازا ہے ۔جہاں کے یہ جنت نظیر مقامات ،دریا ۔پہاڑ ،خوبصورت نظارے،تاریخی مقامات ذرخیز کلچر ،قیمتی پتہر،حسین دلکش وادیاں اپنی خوبصورتی میں سوئزرلینڈ سے کم نہیں مگر بدقسمتی سے حکمرانوں نے ٹورازم کیلئے ان علاقوں کو ترقی دینے پرسنجیدہ کوشیش نہیں کی جسکی وجہ سے ان علاقوں کی عوام ترقی کے اس دور میں بھی پسمندگی اور بے روزگاری کا شکار ہیں۔اگر حکومت ان علاقوں میں ٹورزم کی ترقی پر توجہ دے ہوٹلز اور دیگر شعبوں میں سرمایہ لگائیں تو یہ علاقے بھی کم عرصے میں ملکی ،ملکی معیشت کی بہتری کیلئے بنیاد فراہم کر سکتے ہیں ۔لاہور فیسٹول میں گلگت بلتستان کے مختلف علاقوں ہنزہ ،یاسین،نگر،غذر کے مقامی سطح پر تیار کئے گئے منصوعات کے خوبصورت سٹال بھی لگائے گئے تھے جس میں فیسٹول میں شریک لوگوں نے بہت زیادہ دلچسپی کا اظہار کیا۔ فیسٹول کے آخری روز لاہور چیمبر میں ثقافتی شو کا اہتمام کیا گیاجس میں زندہ دلان لاہور کے علاوہ گلگت ،بلوچستان اور چترال کے نوجوانوں اور خواتین کی ایک بڑی تعداد نے شرکت کی جبکہ گلگت اور چترال کے مقامی ناموار فنکاروں نے اپنے فن کاشاندار مظاہرہ کرتے ہوئے حاضرین نے زبردست داروصول کیں۔ ثقافتی شو کے موقع پر چترال گلگت کے یوتھ نے جسطرح پیار محبت اور امن کا پیغام دیا حاضرین کی جانب سے زبردست خراج تحسین پیش کیا گیا ۔فیسٹول کے موقع پر نہ صرف لاہور چیمبر کے ذمہ داران نے چترال گلگت کے مہمانوں کی جس انداز سے میزبانی کی اور اپنی محبت یکجہتی کا جو اظہار کیا وہ ایک عرصے تک یاد رکھا جائے گا اور یہ کریڈیٹ بھی گلگت بلوچستان کے وزیر سیاحت فدا خان کو جاتی ہے ۔جنہوں نے فیسٹول کے دوران اپنے صوبے اور بالخصوص چترال کی جس انداز میں نمائندگی کی وہ قابل دید تھیں۔ٹورزم کی ترقی ورثے اور کھیلوں کے حوالے سے جس دلیل کے ساتھ وزیر موصوف نے اپنی حکومت کی ترجیہات سامنے رکھ دی ہیں تو ایوان صنت تجارت کے ذمہ داران اور تاجروں کے نمائندہ ں نے نہ صرف بھرپور سراہا بلکہ مستقبل قریب میں سیاحت کے فروغ کے لیے بھرپور سرمایہ کیلئے مکمل اتفاق کیا ہے اور آنے والے دور میں فیسٹول کے نتیجے میں انکے تعاون کے اچھے اثرات ان علاقوں میں سامنے اجائنگے لیکن ضرورت اس بات کی ہے کہ وفاقی حکوت اور صوبائی حکومتیں بھی مقامی سطح پر ٹورزم کے فروغ کیلئے ایسے اقدامات کریں تاکہ ملکی سطح پر بھی سیاحوں کوزیادہ سے زیادہ شمالی علاقہ جات اور خیبر پختونخواہ کے سیاحتی مقامات کی جانب جانے کیلئے راغب کیاجاسکے اور قومی امید ہے ۔ لاہورفیسٹول کے کامیاب الفقاد کے نتیجے میں شندور فیسٹول کے موقع پر بھی ملکی اور غیرملکی سیاحوں کی بڑی تعداد کے آمد کے امکانات روشن ہورہے ہیں۔جو چترال اور گلگت کی معیشت اور لوگوں کی زندگیوں میں بہتر تبدیلی لانے میں سنگ مل ثابت ہوگی البتہ شرط یہ ہے کہ حکومت اس دوران شمالی علاقہ جات چترال اور دیگر سیاحتی مقامات پر سکیورٹی،کمیونیکیشن کے بہتر نظام اور دیگر سہولیات کی فراہمی کیلئے اپنا کردار ادا کرے.

چترال(چترال ٹائمز رپورٹ ) ڈی- پی- او چترال کپٹین (ر) منصور امان نے دروش میں دریا کے موجوں کی نذر ہونے والی 9 سالہ بچی کو اپنی جان پر کھیل کر دریا سے زندہ نکالنے والے ایلیٹ فورس کے جوان سیف اللہ کو شاباش, نقد انعام اور تعریفی سرٹیفکٹ سے نوازا ہے-جبکہ انسپکٹر جنرل آف پولیس خیبر پختونخوا صلاح الدین خان محسود نے بھی کنسٹیبل سیف اللہ کے لیے انعام کا اعلان کیا ہے-

چترال (نذیرحسین شاہ نذیر) عالمی ہفتہ امیونائزیشن کے سلسلے میں محکمہ صحت کے زیر اہتمام ایک اگہی واک کا انعقاد کیا گیا جس کی قیادت ڈسٹرکٹ ہیلتھ افیسر ڈاکٹر اسرار اللہ اور کوارڈینیٹر ای پی آئی ڈاکٹر فیاض رومی نے کی جبکہ ڈاکٹرز کمیونٹی کی بڑی تعداد نے شرکت کی جوکہ ڈسڑکٹ ہیلتھ آفس سے شروع ہوکر ٹاؤن ہال میں احتتام پذیر ہوا ۔ ٹاؤن ہال میں امیونائزیشن ویک کی افتتاحی تقریب میں ڈی سی چترال ارشاد سودھر ، ایڈیشنل ڈی سی منہاس الدین اور سول سوسائٹی کے نمائندے بھی موجود تھے ۔ جہاں اس ہفتے کی مناسبت اور اہمیت سے متعلق تفصیلی نشست ہوئی ۔

چترال(رپورٹ شہریار بیگ) ضلع چترال میں خواتین میں خودکشیوں کے واقعات پاکستان کے دوسرے ا ضلاع کے مقابلہ میں سب سے زیادہ ہے۔ چونکہ یہ سماجی اور نفسیاتی مسلہ ہے ۔بے روزگاری،غربت،شادی میں نا کامی،موبائل اور سوشل میڈیا کا غلط ستعمال اس کے بڑے اسباب ہیں۔ان خیالات کا اظہار DPOچترال کپٹن (ر) منصور آمان نے منگل کے روز اپنے دفتر میں عمائیدین شہر سے خطاب کرتے ہوئے کیا۔اُنہوں نے کہا کہ والدین ،علماء کرام اور اساتذہ اس سلسلے میں اہم کردار ادا کر سکتے ہیں۔آئمہ کرام مساجدکے منبر سے وعظ نصیحت کے زریعے نوجوانوں کو مثبت سرگرمیوں کی طرف لا سکتے ہیں۔اُنہوں نے کہا کہ چھوٹے چھوٹے مسائل کو اگر نظر انداز کیا گیا تو آگے جا کے بہت بڑے مسائل کو جنم دیتے ہیں۔آپس کے معمولی تناذعات بڑھ کر دشمنیوں تک جا پہنچتے ہیں۔ DRCچترال میں لڑائی جھگڑوں اور تناذعات کو حل کرنے میں اہم کردار ادا کر رہا ہے۔ عنقریب سکول اور کالجوں میں خاتون وکیل اور عالمہ آگہی مہم شروع کریں گے جس کے لئے چترال پولیس کوشش کر رہی ہے اور صوبائی حکومت سے چترال میں دارولامان کے قیام کے لئے بات چیت ہوئی ہے۔منشیات کے حوالے سے اُنہوں نے کہا کہ منشیات کے ڈیمانڈ کو ختم کرکے ہم منشیات کے سپلائی پر قابو پا سکتے ہیں۔چترال کے منشیات فروشوں کے خلاف وہ دفعات لگا دئیے گئے ہیں جن کی سزا عمر قید ہو سکتی ہے اور عادی منشیات فروشوں کو3MPOکے تحت چترال سے باہر جیلوں میں رکھا گیا ہے۔اُنہوں نے کہا کہ اصلاحی کمیٹیوں کو ایکٹیو کیا جائے گا اور ہر ماہ س کے ممبران کی میٹنگ ہوگی۔اُنہوں نے کہا کہ جنسی تشدد جیسے واقعات کی روک تھام کے لئے والدین پر لازم ہے کہ وہ اپنے بچوں اور بچیوں کے حرکات و سکنات پر کڑی نظر رکھیں ۔اس موقع پر نیاز اے نیازی یڈوکیٹ،وقاص احمد ایڈوکیٹ، سید احمد خان ،صفت زرین،سجاد احمد خان ، رحمت وزیر خان،مولانا شیر عزیز اورمولانا اسرار الدین الہلال نے تجاویز پیش کی۔

گذشتہ دو دونوں سے اخبارات میں پرائیویٹ سکولوں کے خلاف بیان بازی اور تجز یہ نگاری ہو رہی ہے تاثر ایسا مل رہا ہے کہ نجی تعلیمی ادارے ریگو لیٹری اتھارٹی کو تسلیم نہیں کرتے حکومت کی رِٹ کو نہیں مانتے دوسری طرف نجی تعلیمی اداروں کی طرف ہڑتال اور ریلیوں کے ذریعے جو پیغام دیا جا رہا ہے وہ یہ ہے کہ یہ لوگ اپنا سرمایہ تعلیم پر لگا نے کے بجائے کسی اور کام پر لگائینگے خیبر پختونخوا کی غیر یقینی صورت حال میں دیو اروں سے اپنا سر ٹکرانے کی جگہ صوبے سے باہر جاکر کاروبار کرینگے نجی شعبہ حکومت کا شراکت دار اور ساتھی ہے حکومت ہر شعبے میں نجی شعبے کی حوصلہ افزائی کرتی ہے ماضی کی حکومتوں نے تعلیم اور صحت کے شعبوں میں نجی شعبے کو مراعات دیکر اپنے پاؤں پر کھڑا ہونے کے قابل بنا یا تھا غیر جانبدار مبصر ین کی رائے یہ ہے کہ الیکشن سر پر آنے کی وجہ سے بعض لوگ جان بوجھ کر پرویز خٹک اور ان کی پارٹی کے خلاف نئے نئے محاذ کھلوار ہے ہیں پی ٹی آئی کا دشمن باہرسے نہیں آئے گا بلکہ دشمن اندر بیٹھا ہوا ہے یادش بخیر ! 2007 ؁ء میں چیف جسٹس افتخار محمد چوہدری کے ساتھ جنرل مشرف کا جھگڑا ہوا وکلا ء سڑکوں پر آگئے تو مشرف کا بینہ کے ایک وزیر شیخ رشید سے صحافیوں نے سوال کیا شیخ صاحب ! آپ کی حکومت کے خلاف کون وکلا ء کو سڑکوں پر لا رہا ہے ؟ شیخ رشید نے اپنے مخصوص انداز میں جواب دیا ہمیں دشمن کی ضرورت نہیں اپنے آپکو تباہ کر نے کے لئے ہم خود کافی ہیں یہ بات آج خیبر پختونخوا میں پی ٹی آئی کی حکومت پر بھی صادق آتی ہے حکومت کے لوگ خود اپنے لئے مخالفین تلاش کرتے ہیں اور مشکلات پیدا کرتے ہیں جہاں تک نجی تعلیمی اداروں کے خلاف یک طرفہ پروپیگینڈے کا تعلق ہے اس کی حقیقت یہ ہے کہ ریگو لیٹر ی اتھارٹی کی مخالفت کوئی نہیں کرتا قوانین کی پابند ی سے انکار کسی نے نہیں کیا چھٹیوں کے دوران ٹرانسپورٹ فیس لینے کی کوئی مثال نہیں ہے ایسا کوئی واقعہ نہیں ہوا چھٹیوں کے دوران اساتذہ کی تنخواہیں ادا کرنا اوراس کے لئے فیس لینا تعلیمی اداروں کا مسلمہ اصول ہے اور یہ استاذ کا حق بھی ہے ریگولیٹری اتھارٹی میں بورڈ حکام اور ڈسٹرکٹ ایجو کیشن افیسر کا کردار مسلمہ حقیقت ہے اس سے کسی کو انکار نہیں انڈی پنڈنٹ مانیٹرنگ یونٹ کا کردار بھتہ خوری اور بلیک میلنگ کے زمرے میں آتا ہے اور یہ حکو مت کا کام یا منصب نہیں ہے مہذب معاشرے میں اس طرح کے ہتھکنڈوں کو مہذب لوگ کہیں بھی تسلیم نہیں کرتے شیخ رشید کی بات یہاں غلط نہیں دہر ائی گئی حکومت کے اندر کوئی ہے جو حکومت کے لئے نِت نئے مسائل پیدا کر رہا ہے نِت نئے معاملات کو سامنے لا کر نئے نئے مخالفین پیدا کئے جا رہے ہیں یہ جو ڑنے کا وقت ہے تو ڑنے کا وقت نہیں ہے خبریںیہ بھی آرہی ہیں کہ کابینہ کے اندر ایک گروہ پیدا ہو ا ہے جو وزیر اعلیٰ کے لئے مشکلات پیدا کر رہا ہے سینیٹ الیکشن کا پھڈا بھی اس گروہ کا بنا یا ہوا شو شہ ہے 20 ایم پی ایز کو بد ظن کر کے نکالنے کا ا قدام بھی اس گروہ کی کارستانی ہے اس ماہ کے شروع میں خیبر پختونخوا ہ کے 8 امتحانی بورڈوں کے خلاف پھڈا ڈال دیا گیا 20 اپر یل کو ہونے والے امتحانات ملتو ی ہوئے میٹرک کے پر چوں کی چیکنگ کا عمل متاثر ہوا یہ بلا وجہ پھڈا تھا حکومت خود مختار بورڈوں کو ایلیمنٹری ایجو کیشن کی ماتحتی میں دیکر ان کا بیڑہ غرق کرنا چاہتی تھی 7 دنوں کی تالہ بندی کے بعد عارضی طور مسئلے کو حل کیا گیا خطرہ ابھی ٹلا نہیں ہے اس طرح نجی شعبے میں سرمایہ کاری کر کے تعلیمی ادارے کھولنے والوں کو ہر اسان کر نے اور سیکشن افیسر کی ماتحتی میں دے کر بھتہ خواری کا نیا طریقہ متعارف کر انے کے خلاف آواز اُٹھا نے والے پی ٹی آئی کے مخالف نہیں پی ٹی آئی کے ہمدرد ہیں مگر حکومت نے سرمایہ لگانے والوں سے بات کرنے کے بجائے بچوں کی تنظیم اور والدین کی تنظیموں کے نئے عہد یدارسامنے لاکر شاگرد کو استاد کے مقابلے میں لاکھڑا کیا ہے اب استاد کے ساتھ اس کا شاگرد لڑے گا شاگرد کے والدین لڑ ینگے حکومت کو مزا آئے گا لطف آئے گا مگر یہ مزے اور لطف کی بات نہیں حکومت کا یہ منصب نہیں کہ وہ لوگوں کو لڑائے ، حکومت کا منصب یہ ہے کہ وہ لوگوں میں صلح کر ائے صوبے کے اندر تعلیمی انقلاب لانے میں 45 فیصد حصہ نجی شعبے کا ہے اور نجی شعبے میں سر مایہ کاری سے تعلیمی سہو لیات میں اضافہ ہو گیا ہے والدین نے فیسوں کے ذریعے اور طلبہ و طا لبات نے اپنی محنت کے ذریعے اس میں حصہ ڈال دیا ہے یہ دونوں ایک ہی کشتی کے سوار ہیں وزیر اعلیٰ پرویز خٹک اپنی پارٹی کو اگر الیکشن جتوانا چاہتے ہیں تو اس کا تقاضا یہ ہے کہ نجی شعبے کے تعلیمی اداروں کو اعتماد میں لیکر آگے بڑھیں اس نازک موقع پر نیا پھڈا تلاش کر نے والوں سے ہو شیار رہیں سپیکر اسد قیصر نے ماضی میں ایسے کئی مسائل حل کر نے میں مد د دی ہے اس مسئلے کو حل کر نے میں سپیکر کا کردار اہمیت کا حامل ہوگا

چترال ( نمائندہ چترال ٹائمز ) الیکشن کمیشن آف پاکستان کے زیر انتظام آئندہ عام انتخابات 2018ء کیلئے پولنگ عملے کی تربیت کا باقاعدہ آغا ز گزشتہ دن گورنمنٹ پوسٹ گریجویٹ کالج آف منیجمنٹ سائنسز چترال میں ہوا ہے۔ اس سلسلے میں ڈسٹرکٹ الیکشن کمشنر چترال عنایت الرحمن نے چترال ٹائمزسے خصوصی گفتگو کرتے ہوئے بتایا کہ مذکورہ ٹریننگ 23اپریل سے 25اپریل تک چترال میں ، 26اپریل سے 28اپریل تک گورنمنٹ ہائی سکول بونی اور 30اپریل سے یکم مئی ریجنل انسٹی ٹیوت فار ٹیچرز ایجوکیشن (رائیٹ ) دروش میں ہوگا۔
انھوں نے مذید بتایا کہ اس دوران 1274مرد وخواتین اسسٹنٹ پریزائڈنگ آفیسرز اور 784مرد و خواتین پولنگ آفیسرز کو ان کے ذمہ داریوں سے متعلق تربیت دی جائیگی۔ اس موقع پر انھوں نے پولنگ عملے کو بروقت پہنچ کر متعلقہ سنٹرز میں تربیت لینے ک ہدایت کی ہے۔

چترال (نمائندہ چترال ٹائمز ) چترال کے تمام یوٹیلٹی سٹورز میں گزشتہ تین مہینوں سے کوکنگ آئل ، گھی اور چینی دستیاب نہیں۔ جس کی وجہ سے چترال کے عوام انتہائی مشکلات کا شکا رہیں۔گزشتہ سال سپریم کورٹ کی طرف سے غیر معیاری اور ناقص گھی اور آئل کی فروخت پر پابندی کے بعد یوٹیلٹی سٹورکارپوریشن کو مختلف کمپنیوں کی معیاری گھی اور آئل کے فروخت کی اجازت مل چکی تھی ۔ مگر تاحال یوٹیلٹی سٹور ز پر گھی ہے اور نہ آئل ۔ ذرائع کے مطابق یوٹیلٹی سٹور ز کارپوریشن آف پاکستان کے آربوں روپے حکومت پر قرض ہیں جو گزشتہ سالوں رمضان المبارک کے مہینے سبسیڈی کے مد میں عوام کو ریلیف دلوانے کے بعد کارپوریشن کو ادائیگی نہیں ہوئی ہے۔ جس کی وجہ سے کارپوریشن پر مختلف کمپنیوں کی خطیر رقم واجب الادا ہیں اور وہ مذید سامان کارپوریشن کو دینے سے گریزان ہیں۔ یہی وجہ ہے کہ چترال کے تمام یوٹیلٹی سٹوروں پر اہلکارہاتھوں پر ہاتھ دھرے بیٹھے ہوئے ہیں ۔ یہ تین بنیادی اشیاء ضروریہ دستیاب نہ ہونے کی وجہ سے سٹور وں پر باقی سامان کی فروخت بھی نہ ہونے کے برابر ہے ۔ جس کی وجہ سے کارپوریشن کو بھی ماہانہ لاکھوں روپے کا نقصان اُٹھانا پڑرہا ہے ۔ چند مہینے پہلے چترال ٹاون میں ایک سپر یوٹیلٹی سٹور کا افتتاح بدست ایم این اے چترال ہوا تھا اور لوگوں کو خوشخبری سنادی گئی تھی کہ ایک چھت کے نیچے تمام اشیاء ضروریہ دستیاب ہونگے مگر وہاں پر بھی وہی حال ہے جو باقی سٹوروں پر ہے۔
چترال کے مختلف مکاتب فکر نے ضلعی انتظامیہ ،وفاقی حکومت اور خصوصی طور پر ایم این اے چترال شہزادہ افتخار الدین سے مطالبہ کیاہے کہ چترال کے یوٹیلٹی سٹوروں پر گھی ، کوکنگ آئل اور چینی کی دسیتابی کو یقینی بنایا جائے ۔تاکہ ان سٹوروں کی افادیت میں اضافہ ہونے کے ساتھ عوام کو بھی ریلیف مل سکے ۔
انھوں نے مذید کہا ہے کہ چترال میں ناقص اور غیر معیاری اشیا ء خوردنی خصوصا آئل اور گھی کی بھر مار ہونے کی وجہ سے چترال کے عوام میں ہارٹ آٹیک ، کینسر اور دوسری بیماریوں کا شکار ہوکر روزانہ کئی افراد لقمہ اجل بن رہے ہیں۔ جبکہ سپریم کورٹ آف پاکستان کی طرف سے گزشتہ سال ناقص گھی اور آئل کی فروخت کا نوٹس لیکر باقاعدہ لیبارٹری سے ٹیسٹ کروانے کے بعد چند کمپنیوں کی پراڈکٹ فروخت کرنے کی اجازت یوٹیلٹی سٹورز کارپوریشن آف پاکستان کو دی تھی ۔ جس کے بعد عوام تاحال معیاری گھی اور آئل کی آمد کا انتظار کررہے ہیں ۔

چترال( چترال ٹائمز رپورٹ)میں محترمہ فوزیہ بی بی پر تحرک انصاف کے چیئرمین عمران خان کی طرف سے لگاۓ گے الزام کی سخت مذمت کرتاہون۔ میں یقین کے ساتھ کہہ سکتا ہوں کہ کوئی بھئ مسلمان اللہ پاک کے کلام کو اٹھاکر جھوٹ نہیں بول سکتا. عمران خان کو چاھۓ کہ وہ اس پر نظر ثانی کرے۔ ان خیالات کا اظہار تحریک تحفظ پاکستان کے ضلعی صدربدیع الرحمن نے ایک اخباری بیان میں‌کیا ہے. انھوں نے کہا ہے کہ پی پی پی کی طرف فوزیہ بی بی کوجو دعوت دی گئی ہے اگر اس دعوت قبول کر تی ہے تو یہ ان کی سب سے بڑی غلطی ہو گی۔اس طرح ان پر جو الزام یا شک ہے وہ مزید پختہ ہو جائے گی۔ انھوں نے بی بی فوزیہ کو دعوت دیتے ہوئے کہا ہے کہ ہم تحریک تحفظ پاکستان کے پلیٹ سے ایسے ہونہار دختر چترال کو خوش آمدید کہتے ہیں۔انشااللہ ہم ان کو وہ عزت دیئنگے جو ان کا حق ہے۔ انھوں نے مذید کہا ہے کہ اس سال پورے پاکستان سے الیکشن لڑنے کی تیاری ہے .ہمیں اپنے تمام چترال کے بہن بھائیوں سے گزارش ہے ۔کہ ہمیں سپورٹ کریں۔ انشااللہ اپنی بساط سے بڑھ کر ملک و قوم کی خدمت کریں گے۔

چترال ( محکم الدین ) ممتاز عالم دین اورشیخ الحدیث مولانا عبد الرحیم نے کہا ہے ۔ کہ مدارس دین اسلام اور زندگی کے محافظ ہیں ، اس لئے جہاں بھی مدرسہ قائم ہو ، علاقے کے لوگ اپنے لئے نیک بختی سمجھیں ، مدارس دین سیکھنے کیلئے ہیں ، یہ دُنیاوی مفادات حاصل کرنے کے لئے نہیں ہیں ۔ مدارس کی بنیاد رسول پاک صلی اللہ علیہ وآلہ وسلم نے رکھی ۔ اس لئے اسلام کے پیرو کار مدارس کے قیام میں بھر پور تعاون کریں ۔ ان خیالات کا اظہار انہوں نے گذشتہ روز مدرسہ جامعہ اسلامیہ ریحانکوٹ چترال میں حفاظ کرام کی دستار بندی اور وفاق المدارس کے امتحانات سے فارغ ہونے والے طلباء کی رخصتی کے موقع پر منعقد ہونے والے ایک بڑی تقریب سے خطاب کرتے ہوئے کیا ۔ جس میں امیر جمیعت العلماء اسلام قاری عبدالرحمن قریشی ، ضلع نائب ناظم چترال مولانا عبدالشکور ،علماء ، عمائدین علاقہ طلباء و اُن کے والدین اور دینی مدارس سے محبت کرنے والوں کی جم غفیر نے شرکت کی ۔ انہوں نے کہا ۔ کہ اسلام کی عمارت تعلیم و تعلم پر کھڑی ہے ۔ اور نبی پاک نے اسی بنیاد پر مکہ مکرمہ میں دار ارقم اور مدینہ منورہ میں مدرسہ صفحہ کی بنیاد رکھی ۔ اسلام کا پہلا بول اقرا ء سے شروع ہوتی ہے ۔ جو کہ دین اسلام میں علم کی اہمیت کو اُجاگر کرتا ہے ۔ اور جب تک مدارس زندہ رہیں گے ، مسلمانوں کے ایمان اور اُن کی زندگیاں محفوظ رہیں گی ۔ اس سے پہلے مدرسے کے طلباء نے کئی موضوعات پر تقاریر کیں ۔ جن میں طالب علم محمد مصطفی نے اسلام امن و سلامتی کا مظہر ہے ، اسرار الدین نے سیرت رسول پاک ،سمیع الحق نے دینی مدارس اور اُن کی اہمیت ، عارف اللہ اسلام اور سائنس ، حذیفہ خلیق نے میڈیا کا منفی اور مثبت کردار ،ضیاء الدین نے علماء دیوبند کی دینی خدمات اور مجیب الرحمن نے آزادی پاکستان میں علماء کا کردار کے موضوع پر انتہائی دلنشین انداز میں تقاریر کیں ۔ اور کہا ۔ کہ علماء نے ہر میدان میں مسلمان قوم کی رہنمائی اور اسلام کے تحفظ کیلئے اہم کردار ادا کیا ۔ خصو صا ہندوستان پر انگریزوں کے قبضے کے بعد اسلام اور مسلمانوں کے خلاف جو سازشیں کی گئیں ۔ اُن کا مقابلہ کرنے کے حوالے سے علماء دیو بند کا کردار رو ز روشن کی طرح عیاں ہے ۔ مقررین نے پاکستان کی میڈیا کی اصلاح پر زور دیا ۔ اور کہا ۔ کہ موجودہ میڈیا اغیار کی زبان بول رہا ہے ۔ اور اُن کی نمایندگی کر رہا ہے ۔ جس کی وجہ سے فحاشی و عریانی اور بے دینی کو ترویج مل رہی ہے ۔ خصوصا سوشل میڈیا میں شعائر اسلام کا مذاق اُڑایا جارہا ہے ۔ اور توہین رسالت کو ہوا دی دی جارہی ہے ۔ جو کہ انتہائی افسوسناک اور خطرناک ہے ۔ انہوں نے کہا ۔ 9/11کے واقعے کے بعد میڈیا کو ہتھیار کے طور پر اسلام اور مسلمانوں کے خلاف کا استعمال کیا جا رہا ہے ۔ اور مدارس کے خلاف پروپگنڈا سر فہرست ہے ۔ جس سے معاشرے ایک حصہ بغیر کسی تحقیق کے اُن کا ہمنو ا بن گیا ہے ۔ انہوں نے کہا ۔ کہ علماء پر یہ الزام لگایا جارہا ہے ۔ کہ علماء بچیوں کی تعلیم کے مخالف ہیں ۔ جس میں کوئی حقیقت نہیں ہے ۔ امسال 23ہزار علماء اور عالمات فارغ التحصیل ہوئے ہیں ۔ جن میں عالمات کی تعداد 13ہزار ہے ۔ اور ان تمام طلباء و طالبات کو مفت کھانا ، مفت رہائش اور مفت تعلیم مہیا کی جارہی ہے ۔ اور یکسان نصاب کے تحت اُنہیں پڑھایا جاتا ہے ۔ جبکہ اس کے مقابلے میں سکول و کالجوں میں تعلیم کاروبار بن چکی ہے ۔ جو کہ متوسط لوگوں کی دسترس سے باہر ہے ۔ انہوں نے کہا ۔ کہ شدت پسندی اور دہشت گردی کے محرک مدارس ہر گز نہیں ہیں ۔ ایک سازش کے تحت بعض اسلام دشمن اور سماج دشمن عناصر کے ذریعے مدارس کو بد نام کرنے کا سلسلہ جاری ہے ۔ حقیقت میں تمام مدارس امن و سلامتی اور خیر خواہی پر یقین رکھتے ہیں ۔ تقریب میں 19حفاظ کرام کی دستار بندی کی گئی ۔ جن میں محمد وسیم الدین ، محمد اسحاق برغوزی ، مفتاح الرحمن نعیم اللہ شیشی کوہ ،رفیق اللہ مستوج ،ثناء اللہ موری لشٹ ، محمد وقاص تریچ ، معاذ الدین درخناندہ ایون ، محمد سعد ایون ، عباد اللہ افضل اللہ تورکہو ، عبد الغفور دنین ، شاہ فہد اویر، عبدالحق رفیع الدین کُشم ، فیضان احمد واجب الرحمن ریحانکوٹ ، امداد الحق منصور رحیم ہون چترال شامل ہیں ۔ اس کے علاوہ وفاق المدارس کے طلباء میں اسناد تقسیم کئے گئے ۔

گوادر پورٹ پاکستان اور دنیا کی مشہور بندرگاہ جو عربین سی صوبہ بلوچستان پاکستان میں واقع ھے .گوادر پورٹ کو ١٩٥٤ میں پہلی مرتبہ بندرگاہ کے طور پر دیکھا گیا. مگر اس وقت اس پر کام نہیں ہو سکا تھا. ٢٠٠٧ میں اس کی تعمیر کے منصوبے کا کام شروع کروایا گیا. ٢٠١٥ میں یہ علان کیا گیا تھا کے کہ شمالی پاکستان اور مغربی چین کو گوادر سے ملا یا جائے. سی پیک منصوبے کے تحت ایک روڈ بنایا گیا جو گوادر پورٹ سے شروع ہوتا ہوا پنجاب سے ہو کر فاٹا جائے گا اور وہاں سے گلگت بلتستان اور آزاد کشمیر سے ہوتا ہوا چین کے صوبےزھنجیانگ اور کاشغر تک اختتام پذیر ہوگا . اس روٹ کو سی -پیک کا نام دیا گیا. یعنی( پاکستان، چائنا اکنامک کوریڈور). میڈل ایسٹ کا نقشہ دیکھئے تو ان میں وہ ممالک،جن میں تیل بہت زیادہ پایا جاتا ھے اور وہ ساری دنیا کو تیل مہیا کرتے ہیں.جن میں ایران ،عراق اور سعودی عرب ھے . یہ ممالک ( او پی ای سی ) کا حصہ ھے یعنی (آرگنائزیشن اف پٹرولیم اکسپورٹنگ کونٹریز ).وہ ممالک جن میں تیل کے زیادہ ذخائر موجود ہیں ان سے تیل بحری جہازوں کے ذریعے پاکستان، بھارت ،چین ،جاپان اور دیگرممالک کو سپلائی کیا جاتا ھے .یہ تیل گوادر پورٹ کے قریب سے ہوتا ہوا دنیا کے تقریبا ایک تھائی تیل دنیا کے مختلف ممالک کو سپلائی کیا جاتا ھے .گوادر پورٹ تکمیل کے بعد تیل کی اس سپلائی کو کنٹرول کر سکتا ھے . پاکستان میں تیل گوادر کے ہی راستے سے آ رہا ھے .گوادر پورٹ پاکستان کے لئے انتہائی اہم ھے.چین کل 130 ملین ڈالرز کی لاگت سے گوادر پورٹ کو سی-پیک کے ذریعے کاشغر سے کیوں ملانا چاہتا ھے؟
چین بھی تیل عرب ممالک سے خریدتا ھے . یہ تیل مختلف ممالک سے ہوتا ہوا عربین سی ،انڈین اشن اور پھر یہاں سے گزرتا ہوا اسٹیٹ اف ملاکا، پھر جنوبی چین کو عبور کرتا ہوا ھونگ کونگ پہنچتا ھے پھر شنگائی اور تیآنجن پورٹ تک پہنچتا ھے .چین کی تیل کی سپلائی کو چائنا ساؤتھ سی، سے گزرنا پڑتا ھے .ساؤتھ چائنا سی پر بہت سے ممالک اپنا حق جتاتے ہیں جن میں چین،ویتنام ،انڈونیشیا،ملائیشا ، تائیوان اور فلپائن شامل ھے.ہر ملک اپنے طور پر قبضہ جمانا چاہتا ھے .کیوں کی یہ اہم ٹریک ھے. اس لئے کوئی بھی ملک اس کو ہاتھ سے جانے نہیں دینا چاہتا ،جب کی چین نے اعلان کر دیا ھے کہ یہ علاقہ ہمارا ھے اور دوسرے ممالک اس بات کو تسلیم کرنے کے لئے راضی ہی نہیں ہیں.مختصر یہ کہ جنوبی چین سی کے ساتھ منسلک جزیروں پر مشتمل یہ تمام ممالک اپنی فوج کو تعینات کر رہے ہیں اور وہاں تعمیرات بھی کر رہے ہیں. دوسری طرف امریکا ،چین کو دبانے کے لئے ویتنام،فلپائن،جاپان اور بھارت جیسے ممالک جو کی چین کےدشمن ھے ،ان کو ٹیکنالوجی اور دیگر ملیٹریہارڈویئر فراہم کرتا ھے.جن سے یہ ممالک اپنی فوجی طاقت بڑھا رہے ہیں .یہ چین کے لئے پریشان کن بات ھے اور جلد ہی بڑی جنگ کی طرف اشارہ ھے. جس کا ایک اور مقصد بھی ھے وہ یہ کہ ساؤتھ چائنا سی کو ہاتھ سے جانے نہیں دینا چاہتا کیوں کہ یہ جاپان کا اہم ترین روٹ بھی ھے جس پر چائنا اور جاپان دونوں قبضہ کرنا چاھتے ہیں. دونوں،چین اور جاپان ایک دوسرے کے کھلے دشمن ہیں .اگر چین اس پر قبضہ کرتا ھے تو جاپان کی سپلائی کاٹ سکتا ھے اور اگر جاپان اس پر قبضہ کرتا ھے تو چین کی سپلائی کاٹ سکتا ھے .چین سی – پیک کے ذریعے اپنی سپلائی شروع کروا کے اپنے دشمن ممالک کو منہ توڑ جواب دینا چاہتا ھے اور چین سی- پیک کے ذریعے بہت ہی کم فاصلے سے دنیا کے دوسرے ممالک سے تجارت بھی کر سکتا ھے اور پھر اپنے ملک کی آبادی کی زیادتی بھی کم کر پا ئگا، کیوں کہ کاشت کار ویسٹ پارٹ میں ہیں اور جب یہاں تجارت بڑے گی تو ایسٹ پارٹ سے ویسٹ پارٹ کی طرف رخ کریںگے کیوں کہ ویسٹ پارٹ میں آبادی بہت کم ھے. چین گوادر پورٹ کے ذریعے اپنے دشمن ممالک کا ٹریک روٹ بھی قابو کر پایئے گا اور پاکستان کو سی – پیک سے ملک میں خوشحالی آیئے گی اور پاکستان چین کے علاوہ روس کا بھی ٹریک روٹ بنے گا، کیوں کہ روس سی پیک کا حصہ ھے .اس سے چین کے صوبےزھجیانگ سے راستہ لے کر روس سے جوڑے گا . سی پیک سے پاکستان میں بےروزگاری کم ہوگی،معشیت مضبوط ہوگی اور دہشتگردی بھی کم ہوگی .اس وجہ سے بہت سے ممالک ایسے بھی ہیں جو کہ سی پیک کوختم کروانا چاھتے ہیں اور اس منصوبے کے خلاف ہیں. اس منصوبے کو روکنے کے لئے بہت سے حربے آزما رہے ہیں جو کہ ناکام رہے ہیں.سی پیک کی سکورٹی کے لئے پاکستان آرمی اور چین کی آرمی مل کر کام کرینگیں.انے اور جانے والے گاڑیوں اور بحری جہازوں کو مکمل سیکورٹی فراہم کریںگےاور سی پیک میں بنائے جانے والے راستے اور اس پورے منصوبے میں پاکستان آرمی کا کردار انتہائی اہم رہا ھے .سی پیک پایہ تکمیل کی طرف رواں دواں ہے،جس سے نہ صرف بلوچستان اور گلگت بلتستان ترقی کریں ینگے بلکہ پورا پاکستان ترقی کرےگا. (انشاالله). پاکستان زندہ باد.
( سونیا کریم برچہ -جناح یونیورسٹی کراچی ).

گلگت ( چترال ٹائمز رپورٹ ) پاکستان مسلم لیگ ” ن” خواتین ونگ گلگت بلتستان کی سینئر نائب صدر رانی صنم فریاد ؔ نے کہا ہے کہ میاں نواز شریف ہمارے قائد ہیں ۔ دنیا کی کوئی طاقت ہو یا سازش ہمارے دلوں سے قائد عوام کی محبت ختم نہیں کرسکتی ۔ مخالفین ہمیشہ ہم پر طنزکرتے ہیں کہ اس پارٹی نے کیا دیا ۔ ہمیں حکومتی مراعات اور عہدوں سے کوئی غرض نہیں ہے اور غریب عوام کی خدمات حاصل کرنے کے لیے اس کی ضرورت بھی نہیں ہے ۔ اپنے قائد کے مشن کے مطابق سماجی خدمات جاری رکھنے کا بیڑہ اُٹھائے رکھا ہے اور اس مشن کو مرتے دم تک جاری و ساری رکھیں گے ۔ ان خیالات کا اظہار اُنہوں نے گلگت و مضافات میں غریب اور مستحق افراد میں ہیلتھ کارڈز تقسیم کرتے ہوئے مختلف مقامات پر خطاب کرتے ہوئے کیا ہے ۔ اُنہوں نے کہا کہ ہمیں اس بات پر فخر ہے کہ اب تک 23 سو سے زائد غریب گھرانوں کو ہیلتھ کارڈز پہنچایا ہے جبکہ درجنوں خواتین کے بے نظیر انکم سپورٹ پروگرام کے مسائل حل کئے ہیں ۔ ہمیں افسوس سے کہنا پڑتا ہے کہ سال 2009 ؁ء کے سروے کے مطابق حق دار قرار دیے جانے کے باوجود اب بھی سینکڑوں انتہائی غریب خواتین کو بے نظیرانکم سپورٹ کارڈ (اے ٹی ایم کارڈز) نہیں دئیے گئے ہیں ۔ حکومت کو اس کا نوٹس لینا چاہیے کہ بعض لوگوں نے اس ادارے کو سیاسی اکھاڑہ بنایا ہوا ہے۔ صحت حفاظت کارڈز کے جتنے بھی بینی فشرزہیں بے نظیر انکم سپورٹ پروگرام کے فنڈ کے مستحق ہیں جس کا تمام ریکارڈ ہمارے پاس موجود ہے مگر حکومتی ذمہ داروں اور منتخب عوامی نمائندوں کے نوٹسز میں لانے کے باوجود اس اہم مسلے پر کوئی توجہ نہیں دے رہا ہے اور یوں سینکڑوں انتہائی غریب خواتین اس حق سے محروم ہیں ۔ رانی صنم فریاد ؔ نے مذید کہا کہ ہمیں اس بات کی پرواہ نہیں کہ کوئی ہمارے خلاف سازشوں میں کس حد تک جاتا ہے ۔ ہم نے اس سے پہلے بھی ہر سازش پر خواہ وہ اندرونی ہو یا بیرونی حوصلہ نہیں ہارا ہے ۔ ہمارا اصل مشن قائد عوام میاں نواز شریف ہیں اس کے لیے خود کو تو قربان کرسکتے ہیں مگر نظریہ شہید نہیں کرسکتے ۔ گزشتہ تین سالوں سے غریب لوگوں کو ہیلتھ کارڈز پہنچانے کی خدمات انجام دے رہے ہیں اور آئندہ بھی اس سماجی خدمت کو جاری رکھیں گے ۔ یہ جو ہیلتھ کارڈز دیئے جارہے ہیں یہ قائد عوام میاں محمد نواز شریف کا تحفہ ہے ۔ ہمارا قائد غریب عوام کے دلوں کی دھڑکن بن چکے ہیں اور ملک بھر کا ہر غریب ان سے خو ش ہے ۔ جب اللہ کے بندے کسی سے خوش ہوتے ہیں تو اللہ تعالیٰ بھی ان سے خوش ہوتا ہے اور جن سے اللہ تعالیٰ خوش ہوتا ہے اس کا کوئی کچھ بھی نہیں بگاڑ سکتا ۔

چترال ( نمائندہ چترال ٹائمز ) چترال پولیس نے عشریت گاؤں میں گیارہ سالہ بچی کے ساتھ مبینہ ذیادتی کے ملزم مقبول احمد ولد دلارام خان کو چوبیس گھنٹوں کے اندر اندر گرفتار کرلیا ۔ مقامی میڈیا کو تفصیلات بتاتے ہوئے ایس پی انوسٹی گیشن چترال طارق کریم نے کہاکہ ڈی پی اوچترال (ر)کیپٹن منصورآمان کی خصوصی ہدایت پرچترال پولیس نے ملزم کو متعدد مقامات پرچھاپے مارنے کے بعد گرفتار کرنے میں کامیاب ہوگئی جوکو وقوعہ کے بعد فرار ہوگئے تھے۔ انہوں نے کہاکہ ملزم نے مقامی سرکاری سکول میں پانچویں جماعت کی طالبہ کو سکول سے گھر جاتے ہوئے اغوا کرکے قریبی جنگل میں لے جاکر ذیادتی کانشانہ بنانے کے بعد فرار ہوگئے تھے۔ ایس پی نے مزید بتایاکہ بچی جب کافی دیر تک گھر نہیں پہنچی تو والدین نے انکی کی تلاش شروع کی اور انکو بے ہوشی کی حالت میں قریبی جنگل میں پایا۔ بچی کو بے ہوشی کی حالت میں فوری طور پر تحصیل ہیڈ کوارٹرز ہسپتال دروش لایا گیا جہاں اس کی میڈیکل معائنہ کیا گیا۔ طارق کریم کا کہنا ہے کہ ملزم نے پولیس کے سامنے اقرار جرم بھی کرلی ہے جبکہ میڈیکل رپورٹ کا ا نتظار ہے۔ ملزم کو کسی بھی وقت عدالت میں پیش کرنے کے بعد اس کا جسمانی ریمانڈ حاصل کیاجائے گا۔ انھوں نے عشریت پولیس کی کارکردگی کو سراہا۔ اس موقع پرایڈیشنل ایس پی نور جمال، ایس ڈی پی او دروش اقبال کریم ، ایس ایچ او عشریت عبدالمظفر شاہ، انسپکٹر انوسٹی گیش مبارک خان اور دوسروں‌کے علاوہ ڈسٹرکٹ چائلد پروٹیکشن آفیسرعمران بھی اس موقع پر موجود تھے. انھوں بتایا کہ ملزم کے خلاف چائڈ پروٹیکشن قوانین کے مطابق سخت سے سخت کاروائی عمل میں‌ لانے کے لئے تمام قانونی پہلوں کو بروئے کار لایا جائیگا.

چیک پوسٹ انگریزی ترکیب ہے ۔ اس کا اردو متبادل چونگی تھا ۔ راستے میں ایسا مقام جہاں مسافروں کی تلاشی لیکر کسی سے محصول لیا جاتا ہے۔ کسی کوآگے جانے کی اجازت نہیں ملتی۔ کوئی یفت خواں طے کرکے منزل مقصود کی طرف روانہ ہوجاتاہے۔ افغانستان میں خانہ جنگی کو اب 40سال ہوگئے ہیں ۔ اس خانہ جنگی کے نتیجے میں پاکستان عمومی طور پر اور خیبر پختونخوا خصوصی طور پر دہشت گردی کا نشانہ بن گیا۔ دہشت گردوں کو روکنے کیلئے چیک پوسٹ قائم کئے گئے۔ سول حکومت کی درخواست پر چیک پوسٹوں کا انتظام پاک فوج کے ہاتھ میں دیدیا گیا۔ اگرچہ ان چیک پوسٹوں کی وجہ سے امن قائم کرنے میں مدد ملی مگر ایک نہ ایک دن چیک پوسٹوں کا انتظام سول انتظامیہ کو سونپ دینا تھا ۔ جنرل باجوہ نے اس کام کی ابتدا ملاکنڈ ڈویژن سے کی ہے۔ ہمارے گروپ نے چترال سے پشاور تک ایک ہفتے کا سفر کیا۔ چترال ٹاؤن سے درگئی تک چیک پوسٹوں پر دو گھنٹے رکنا پڑتاتھا ۔ صرف 4مقامات پر ڈرائیور کا شناختی کارڈ چیک کیا گیا۔ مسافروں سے مختصر پوچھ گچھ ہوئی ۔ اس عمل میں کل ملا کر 10منٹ کا وقت لگا۔ کوئی لمبی قطار دیکھنے میں نہیں آئی۔ کسی بھی مقام پر عزت نفس کے مجروح ہونے کااحساس نہیں ہوا۔ ہم لوگ فطری طور پر بے صبر واقع ہوئے ہیں ۔ ہم سے صبر نہیں ہوتا۔ جس طرح دہشت گردی کے دوران چیک پوسٹوں پر بے صبری دکھاتے تھے ۔ اسی طرح پشاور شہر میں میٹرو بس کی شاہراہ کے تعمیراتی کام کی وجہ سے ٹریفک کے متبادل نظام کو بھی ہم قبول نہیں کرتے۔ ہر کوئی شکایت کرتا ہے کہ ٹریفک کا نظام برباد ہوا۔ فارسی میں ایک شعر ہے ؂
ہر بنائے کہنہ راکباداں کنند
پیش ازاں بنائے را ویراں کنند
جس عمارت کی جگہ نئی عمارت بنانی ہو، پہلے پرانی عمارت کو گرانے کی ضرورت پڑتی ہے ۔ اردو میں حفیظ جالندھری کا مشہور مصرعہ ہے ۔
’’ بستی بسانا کھیل نہیں،بستے بستے بستی ہے‘‘انگریزی میں ایک ڈرامے کا کردار کہتا ہے ’’ روم کا شہر ایک دن میں تعمیر نہیں ہوا تھا‘‘ پشاور کے میٹرو بس کا نام بڑا مشکل ہے۔پشاور کے باسی اس کا کوئی آسان سا نام خود رکھ لینگے۔ لوگوں نے بہت سے مشکل ناموں کا آسان اور عام فہم متبادل ڈھونڈلیا ہے ۔ مثلاََ جوڈیشیل کمپلیکس کیلئے کچہری کالفظ استعمال ہوتا ہے۔ حیات محمد خان شیر پاؤ ٹیچنگ ہسپتال کو شیر پاؤ ہسپتال کہا جاتا ہے۔ اس طرح ’’ پشاور سسٹین ایبل بس ر یپڈ ٹرانزٹ کو ریڈور پراجیکٹ‘‘ کو بھی کوئی آسان اور عام فہم نام دیا جائے گا۔ پشاور شہر کی قدیم تہذیب کے حوالے سے ارزان میٹرو، خیبر میٹرو، قصہ خوانی لائن ، کوچوان میٹرو، زرکہ میٹرواور مَکیز بس بھی کہہ سکتے ہیں۔ احمد خان کی آواز میں ایک ٹپہ مشہور ہے ؂
سر سالو پہ سر کہ پہ مکیز باندی روانہ شہ
بیاد ڈیرہ نازہ لکہ زاکہ خرامانہ شہ
میرے محبوب ! سُرخ چادر سر پہ رکھو اور نازک قدموں کے ساتھ آگے بڑھو، پھر نازو ادا دکھاتے ہوئے چکور کی طرح تیز رفتاری دکھاؤ۔ پشاور کے عوام کے لئے موجودہ حکومت کا یہ بہترین تحفہ ہے۔ اگر 2014ء میں اس پرکام شروع ہوجاتا تو 2017ء کے وسط تک مکمل ہوچکا ہوتا۔یہ ایک طرف شہر کی خوبصورتی میں اضافہ کرے گا۔ دوسری طرف سیاحوں کو اپنی طرف متوجہ کرے گا۔ نیز پشاور کے شہریوں کو پرانے ویگنوں، ٹیکسیوں ، رکشوں اور دیگر مہنگے یا نامناسب سواریوں سے نجات دلائے گا۔ آپ تصور کریں 2020ء میں منصوبہ مکمل ہوا تو پشاور کے شہری حاجی کیمپ سے وی آئی پی بس میں 30روپے کرایہ دیکر کارخانہ مارکیٹ تک جائیں گے۔ خیبر روڈ ، شعبہ ، ڈبگری، صدر ،تہکال اور دیگر سٹاپوں پر اترنے اور سوار ہونے کا لطف آئے گا۔ پشاور کو اسلام آباد ، لاہور، بنکاک ، لندن اور بیجنگ ، فرینکفرٹ یا ماسکو کی طرح صاف ستھری ، آسان ، ارزان اور بہترین بسوں میں سفر کرنے والوں کا شہر بنادیاجائے گا۔ پشاور کے باسی کسی اور شہر میں جاکر افسوس نہیں کریں گے کہ کاش ہمارے شہر میں بھی یہ سروس ہوتی۔ اس سروس کو حاصل کرنے کیلئے ڈھائی تین سالوں کی تکلیف یا مشقت اور زحمت کوئی بڑی قیمت نہیں ۔ پشاور کا ایک مسئلہ شاید کسی نے اب تک جنرل باجوہ کی نوٹس میں نہیں لایاہوگا۔ 10سال پہلے کسی آفیسر نے حکم دیا ہوگا کہ ’’ پیلے رنگ کی ٹیکسی میں دہشت گردوں کے آنے کا اندیشہ ہے۔ ان کو صدر اور یونیورسٹی میں آنے مت دو ۔‘‘ 10سال گذر گئے ۔ اس حکم پر عمل ہورہا ہے۔ردہشت گردوں کو بھی اس حکم کا پتہ ہے۔ اب سفید ، کالا، سرخ یا سبز اور بھورا رنگ ہو تو ٹیکسی چیک پوسٹ سے آگے جاسکتی ہے۔ رنگ پیلا ہو تو نہیں جاسکتی چاہے اس کے اندر خاتون بیٹھی ہو ، بیمار ہو یاجانا پہچانا معروف شخص ہو۔ جنرل باجوہ کو اس طرف بھی توجہ دینی ہوگی کہ دہشت گردی کو رنگ کے ساتھ کس طرح جوڑا جاسکتا ہے ؟ ؂
ہم نے مانا کہ تغافل نہ کرو گے لیکن
خاک ہوجائیں گے ہم تم کو خبر ہونے تک