ماحولیاتی تحفظ کے لیے گلوبل اسماعیلی سوک ڈے کے موقع پر لوئر چترال میں آگاہی واک اور صفائی مہم کا اہتمام

چترال(نمائندہ چترال ٹائمز ) گلوبل اسماعیلی مسلم کمیونٹی، 28 ستمبر 2025کو گلوبل اسماعیلی سوک ڈے مناتی ہے۔ گلوبل اسماعیلی سوک ڈے کے موقع پر، دنیا بھر میں مختلف قسم کی سرگرمیاں بیک وقت رونما ہوں گی۔ اس موقع پر اسماعیلی کونسل برائے لو ئر چترال نے گورنمنٹ ہائی سکول شغور میں ایک پروگرام منعقد کیا۔جس میں گورنمنٹ اوراے کے ڈی این کے نمائندوں کے علاوہ اسماعیلی کونسل لوئرچترال کے ممبرز، والنئٹرز، سکاوٹس اور شغور کے عوام نے شرکت کی۔

اس موقع ہائی سکول شغور سے آوی تک آگاہی واک منعقد کی گئی ,ساتھ ساتھ سڑکوں کی مرمت اور صفائی مہم کا بھی اہتمام ہوا۔ جس میں والنئٹرز، سکاوٹس کے علاوہ ایک بڑی تعداد میں عوام نے بھی شرکت کی۔

گورنمنٹ ہائی سکول شغور میں منعقدہ تقریب سے خطا ب کرتے ہوئے سید احمد نے اسماعیلی سوک پروگرام کے اعراض و مقاصد کے با رے میں شراکا کو ا گاہ کیا۔ ان کا کہنا تھا کہ ہمیں انفرادی سوچ سے بالاتر ہوکر کے اجتما عی سوچ کے سا تھ مل کر صاف ماحول کو یقینی بنا نے میں ا پنا کردار ادا کر نا ہوگا۔

ایس ایچ او تھانہ شغور عادل احمد بیگ نے اپنے تقریر میں اسماعیلی سوک پروگرام کے منتظمین کا شکریہ ادا کیا اور AKDN کے Initiatives کو سراہا، ساتھ اس با ت پرزور دیا کہ اسلامی تعلیمات کے روشنی میں ہم سب کوصفائی کا خاص خیال رکھنا چایٗے تاکہ ایک صاف اور پرفضا ما حول کے ممکن بنا سکیں۔ ساتھ گورنمنٹ گرلز ہائی سکول کی پرنسپل کنز فاطمہ نے AKDN کے انسانیت کے لئے خدمات کو سراہا اور شراکا پر زور دیا کہ ہمیں مل کر اس قسم کے موحول دوست اقدامات کو بہتر انداز میں منعقد کرانے میں اپنا کردار ادا کرنے کی اشد ضرورت ہے تاکہ ہم اپنے آنے والے نسل کو ایک بہترین، صاف اور پرامن ماحول دے سیکیں،

اس موقع پر چئرمین اطراب برائے لوئر چترال نے کہا کہ اسماعیلی سوک ایک بین الااقوامی پروگرام ہے جس کے تحت دنیا بھر میں شیعہ اسماعیلی مسلم کمیونٹی متحد ہوکر انسانیت کی رضاکارانہ خدمت کے لیے مل کر کام کرتے ہوئے کمیونٹیز کے معیار زندگی کو بہتر بنانے میں اپنا کردار ادا کر رہا ہے –

پاکستان میں اسماعیلی سوک کا باقاعدہ آغاز 2021 میں ہوا۔ اپنے قیام کے بعد سے اب تک 31لاکھ سے زائد درخت لگائے اور 120,000 رضاکاروں نے 250000 سے زائد گھنٹو ں کی رضا کارانہ خدمات کا نظرانہ پیش کیا۔اس کے علاوہ 300سے زائد عوامی مقامات پر صفائی مہم کے ذریعے 90,000 کلو گرام پلاسٹک، ردی، اور دیگر مواد جمع کیا۔ شجرکاری اور صفائی مہم کے علاوہ، پاکستان میں اسماعیلی کمیونٹی نوجوانوں میں آگہی پیدا کرنے کے لیے مختلف سرگرمیوں کابھی انعقاد کرتا ہے۔

یادرہے کہ اسماعیلی سوک ایک بین الااقوامی پروگرام ہے جس کے تحت دنیا بھر میں شیعہ اسماعیلی مسلم کمیونٹی متحد ہوکر انسانیت کی رضاکارانہ خدمت کی صدیوں پرانی روایت کو برقرار رکھتے ہوئے ان کمیونٹیز کے معیار زندگی کو بہتر بناتی ہے جن میں وہ رہتے ہیں خواہ ان کا تعلق کسی بھی عقیدے، جنس اور نسب سے ہو۔ یہ بین الاقوامی کاوش اسماعیلی مسلم کمیونٹی کی شہری کی مشغولیت اور ذمہ دار شہری کی اخلاقیات کی عکاسی کرتی ہے، جو اسلام کی بنیادی خدمت، امن، ہمدردی اور کمزوروں کی دیکھ بھال کے اقدار کی مثال ہیں۔

آغا خان ہایئر سیکنڈری سکول چترال کے زیراہتمام گلوبل اسماعیلی سوک ڈے کی تقریب

چترال ( چترال ٹائمز رپورٹ ) آغا خان ہایئر سیکنڈری سکول سین لشٹ چترال میں ہفتے کے روز حسب سابق گلوبل اسماعیلی سوک ڈے نہایت پر عزم طریقے سے منایا گیا ۔جوکہ دو سیشنز پر مشتمل تھی۔پہلا سیشن مارننگ شفٹ ( بوائز )اور ایوننگ شفٹ (گرلز )سر انجام پائی۔اس دن کو منانے کا مقصد معاشرے میں معاشی استحکام اور غربت کا خاتمہ ،ماحولیاتی تبدیلیوں کے لئے بروقت منصوبہ بندی اور مسائل کا مقابلہ اور نوجوان نسل کو صحت وصفائی سے متعلق فکرو شعور اور آگہی دینا تھا ۔

اس حوالے سے ایک پروقار تقریب آغا خان ہایئر سیکنڈری سکول چترال کے مین ہال میں منعقد کی گئی ۔ اس تقریب کے مہمان مقرر بیرون ملک ریسرچ اسکالر آکسفورڈ یونیورسٹی عبد الوحید تھے اور صدارت کے فرائض پرنسپل آغا خان ہایئر سیکنڈری سکول چترال طفیل نواز نے سر انجام دی ۔ اس پر رونق تقریب میں سکول طالبات کے علاوہ ا سماعیلی گرلز گائیڈ کے ڈائریکٹر سمیت دیگر اراکین نے شرکت کیں ۔

پروگرام کا آغاز تلاوت قرآن پاک اور نعت رسول سے ہوا ۔ اس کے بعد فیکلٹی ممبر فراز خان نے گلوبل اسمعیلی سوک ڈے کی اعراض و مقاصد پر گفتگو کی ۔ پرنسپل آغا خان ہایئر سیکنڈری سکول چترال طفیل نواز نے مہمانوں کو خوش آمدید کہا اور گلوبل اسمعیلی سوک ڈے کے مقاصد و ثمرات پر مفصل رشنی ڈالی۔ اس کے بعد سکول کی ہونہار طالبات نے مختلف تخلیقی سرگرمیوں کے ذریعے اسمعیلی سوک دن کی اہمیت کو اجاگر کرنے کی کوشش کی ۔

اس موقع پر مہمان مقرر عبد الوحید خان نے ویڈیو لنک کے ذریعے انتہائی جامع انداز میں ماحولیاتی، تبدیلیوں پر سیر حاصل اور پر مغز گفتگو فرمائی ۔ انھوں نے حاضرین سے خطاب کرتے ہوئے ماحولیاتی آلودگی خصوصاً آبی آلودگی کے حوالے کہا کہ ہماری ماحولیات کے حوالے سے ہماری لاپرواہی دنیا کے لئے خطرہ بنتی جارہی ہے اگر بر وقت حکمت عملی نہیں اپنائی گئی، تو مستقبل قریب میں مختلف جزائر میں بسنے والے نباتات و حیوانات اور انسانی زندگیوں کے لئے یقینی خطرات لاحق ہو سکتے ہیں۔

اسی طرح یہ تقریب اسی عہدوپیماں اور دعائیہ کلمات پر احتتام پذیر ہوئی کہ ہمیں اپنے سماجی ، معاشی اور ماحولیاتی تبدیلیوں کے لئے از خود کمربستہ ہو نے کی ضرورت ہے ۔ اور جدید تقاضوں کے تحت مستقبل کے لئے احسن منصوبہ بندی اور عملی تحریک میں نوجوان نسل کو بڑھ چڑھ کر حصہ لینا چاہیے۔

اسماعیلی کونسل اپراور لوئیر چترال کے زیر اہتمام گلوبل اسماعیلی سوک ڈے کی مناسبت سے تقاریب، صفائی مہم اور اگہی واک کا اہتمام

چترال ( چترا ل ٹایمزرپورٹ ) گلوبل اسماعیلی مسلم کمیونٹی ہر سال 24 ستمبر کو گلوبل اسماعیلی سیوک ڈے مناتی ہے۔ گلوبل اسماعیلی سوک ڈےکے موقع پر ، دنیا بھر میں مختلف قسم کی سرگرمیاں بیک وقت منائی جاتی ہیں۔ امسال اس موقع پر اسماعیلی کونسل برائے لو ئر چترال نے چترال ڈسٹرکٹ ہیڈہسپتال میں ایک پروگرام منعقد کیا۔جس میں گورنمنٹ اور اے کے ڈی این کے نمائندوں کے علاوہ اسماعیلی کونسل لوئرچترال کے ممبرز، والنئٹرز اور سکاوٹس نے شرکت کی۔

اس موقع پر چترال ہسپتال چوک سے چترال ڈسٹرکٹ ہسپتال تک آگاہی واک منعقد کی گئی اور ساتھ ہی صفائی مہم کا اہتمام بھی کیا گیا, جس میں والنئٹرز، سکاوٹس کے علاوہ ایک بڑی تعداد میں عوام نے شرکت کی۔ ڈسٹرکٹ ہسپتال کے ایک مخصوص احاطے کو باقاعدہ ہموار کیا گیا جہاں شرکاء نے صفائی کی۔
تقریب سے خطا ب کرتے ہوئے سینئر اسکالر اطراب پاکستان علی اکبر قاصی نے اسماعیلی سیوک پروگرام کے مقصد کے بارے میں شرکا کو اگاہ کیا۔
اسیسٹنٹ کمشنر چترال ڈاکٹرمحمد عاطف جالب نے اپنے خطاب میں AKDN کے Initiatives کو سراہا۔ انہوں نے کہا کے اس طرح کے پروگرامات عوام میں آگاہی پھیلانے کے سب سے اہم ذرائع ہیں۔ بعد میں وہ اسماعیلی سکاؤٹس کے ساتھ گھل مل گئے، اُنکے مسائل سنے اور ساتھ مل کا کام کرنے کی یقین دھانی کرائی۔

ایم ایس ڈسٹرکٹ ہیڈکوارٹر ہسپتال چترال ڈاکٹر شہزادہ حیدر الملک نے اپنے تقرر میں اسماعیلی سیوک پروگرام کے منتظمین کا شکریہ ادا کیا اور ساتھ ہی اس بات پرزور دیا کہ اسلامی تعلیمات کے روشنی میں ہم سب کوصفائی کا خاص خیال رکھنا چایٗے تاکہ ایک صاف اور پرفضا ماحول کے قیام کو ممکن بنایا جا سکے ۔ گلوبل اسماعیلی سوک ڈےکے حوالے سے گرم چشمہ اور مدک لشٹ میں بھی پروگرامات منعقد کیے گیے ،جس میں  صفایی مہم اور اگہی واک کا اہتمام کیا گیا ۔

عالمی اسماعیلی CIVIC ڈے کے موقع پر لوکل کونسل گرم چشمہ میں بھی ایک مختصر پروگرام کا انعقاد کیا گیا ۔ جس میں کافی تعداد عمائدین کے علاوہ چترال سکاؤٹس گرم چشمہ پوسٹ کے میجر ذیشان ، ایس ڈی پی او سرکل لٹکوہ تمیز الدین ، ریجنل کونسل کے آنریری سیکرٹری سید علی شاہ ، چیرمین سیوک ریجنل کونسل قربان علی ،گرم چشمہ لوکل کونسل کے پریذیڈنٹ ،لوکل گورنمنٹ کے چیئرمین صاحباں اس کے علاؤہ والنٹیئر ،بوائے سکاؤٹس اور گرلز گائیڈ کثیر تعداد میں شرکت کی۔ پروگرام میں اس دن کے حوالے سے اور ماحول کی آلودگی، انسانی زندگیوں پر اثرات پر تفصیل سے روشنی ڈالی گئی۔ پروگرام کے بعد صفائی مہم اور آگاہی واک کا اہتمام کیا گیا جس میں ماحول پر اثرانداز ہونے والےکچروں کو اکھٹا کیا اور اس کے اثرات سے جنم لینے والے حالات سے لوگوں میں بیداری اجاگر کردی گئی

اسی طرح اسماعیلی کونسل اپر چترال کے زیر اہتمام ہیڈ کوارٹر بونی میں بھی گلوبل اسماعیلی سوک ڈے منایاگیا۔ جس کے مہمان خصوصی ربنواز ایڈیشنل اسسٹنٹ کمشنر تھے ۔گلوبل اسماعیلی سوک ڈے منانے کا مقصد ماحول کے اردگرد بسنے والے ہر ذی روح خصوصاً جنگلی حیات کے تحفظ کو یقینی بنانے، اپنے ماحول کو صاف ستھرا رکھنے اور شجرکاری کو فروغ دینے جیسے عوامل سے متعلق لوگوں کو آگاہ کرنا تھا۔

اس حوالے سے ایک پروگرام اسماعیلی کونسل بونی میں منعقد ہوا۔ جس میں ایڈیشنل اسسٹنٹ کمشنر کے علاوہ اسماعیلی کونسل کے صدر، چیرمین، کونسل کے دیگر عہدہ دراں، مختلف طبقہ فکر سے تعلق رکھنے والے افراد ، والینٹرز، ریلیجس گائیڈز اوربوائز سکاؤٹس نے شرکت کی۔

پروگرام میں ایڈیشنل اسسٹنٹ کمشنر سمیت دوسرے مقررین نے گلوبل اسماعیلی سوک ڈے سے متعلق اپنے اپنے تاثرات بیان کئے اور اس دن کی اہمیت پر تفصیل سے روشنی ڈالی۔ پروگرام کے اختیتام پر ایک واک کا اہتمام کیا گیا جو کہ اسماعیلی کونسل بونی سے شروع ہوکر بونی مین چوک پر پہنچ کر اختتام پذیر ہوا ۔  اپر چترال کے اسماعیلی بوائے سکاوٹس،گرلزگائیڈز اور والینٹیرز ریشن سے لے کر لاسپور،یارخون،کھوت اور ریچ تک اس مہم میں حصہ لئے۔

یادر ہے کہ اسماعیلی سیوک ایک بین الااقوامی پروگرام ہے جس کے تحت دنیا بھر میں شیعہ اسماعیلی مسلم کمیونٹی متحد ہوکر انسانیت کی رضاکارانہ خدمت کی صدیوں پرانی روایت کو برقرار رکھتے ہوئے ان کمیونٹیز کے معیار زندگی کو بہتر بناتی ہے جن میں وہ رہتے ہیں خواہ ان کا تعلق کسی بھی عقیدے ، جنس اور نسب سے ہو۔ یہ بین الاقوامی کاوش اسماعیلی مسلم کمیونٹی کی شہری مشغولیت اور ذمہ دار شہری کی اخلاقیات کی عکاسی کرتی ہے ، جو اسلام کی بنیادی خدمت ، امن ، ہمدردی اور کمزوروں کی دیکھ بھال کے اقدار کی مثال ہیں۔

اس موقع پر کونسل برائے لوئر چترال کے صدر نے کہا کہ اسماعیلی سیوک ایک بین الااقوامی پروگرام ہے جس کے تحت دنیا بھر میں شیعہ اسماعیلی مسلم کمیونٹی متحد ہوکر انسانیت کی رضاکارانہ خدمت کے لیے مل کر کام کرتے ہوئے ان کمیونٹیز کے معیار زندگی کو بہتر بنانے میں اپنا کردار ادا کر رہی ہے۔

پاکستان میں اسماعیلی سیوک کا باقاعدہ آغاز 2021 میں ہوا۔ اپنے قیام کے بعد سے اب تک ۰ ۳ لاکھ سے زائد درخت لگائے گیے اور 120,000 رضاکاروں نے 200,000 سے زائد گھنٹوں کی خدمات کا نظرانہ پیش کیا ۔اس کے علاوہ 250 سے زائد عوامی مقامات پر صفائی مہم کے ذریعے 80,000 کلو گرام پلاسٹک ، ردی، اور دیگر مواد جمع کیا ۔ شجرکاری اور صفائی مہم کے علاوہ، پاکستان میں اسماعیلی کمیونٹی نوجوانوں میں آگہی پیدا کرنے کے لیے مختلف سرگومیوں کا انعقاد بھی کرتا ہے۔