پاک آرمی کی انجینئرزکور نے مستوج شندورگلگت روڈ پر شاہی داس کے مقام پر اسٹیل پل نصب کردیا

چترال (نمائندہ چترال ٹائمز )پاک آرمی کی انجینیئرزکور کی ٹیم نے شاہی داس نالہ پر اسٹیل پل نصب کردیا ہے، اس پل کی تعمیر سے چترال مستوج شندور اور گلگت کے درمیان ٹریفک بہتر ہوگی ۔ شاہی داس کے مقام پر پل کی تعمیر سے ان علاقوں کی مقامی آبادی کو جہاں آمد و رفت کے لیے آسانی میسر ہوئی ہے وہیں ان خوبصورت ترین علاقوں میں سیاحت کو مذید فروغ ملیگا۔ جبکہ ماضی میں اسی مقام پر پل نہ ہونے اور نالہ میں طغیانی کے سبب کئی گھنٹوں گاڑیاں پھنس کر رہ جاتی تھی،
واضح رہے کہ ماضی میں اس جگہ پر شندور میلہ کے موقع پر بھی پاک آرمی عارضی طور پر پل قائم کرتی تھی جب کہ یہ پل مستقل قائم رکھا جائے گا ۔شاہی داس پل کے قیام سے مقامی ابادی نے خوشی اور اطمینان کا اظہار کیا ہے،