Chitral Times

وزیرِ اعلیٰ گلگت بلتستان کے انتخاب کے شیڈول کی منظوری دیدی گئی

Posted on

وزیرِ اعلیٰ گلگت بلتستان کے انتخاب کے شیڈول کی منظوری دیدی گئی

گلگت(چترال ٹایمزرپورٹ)سپریم اپیلٹ کورٹ نے گلگت بلتستان کے نئے وزیرِ اعلیٰ کے انتخاب کے شیڈول کی منظوری دے دی۔اسپیکر اسمبلی نذیر احمد ایڈووکیٹ نے وزیرِ اعلیٰ کے انتخاب کا نیا شیڈول سپریم اپیلٹ کورٹ میں پیش کیا تھا جسے عدالت نے منظور کر لیا۔شیڈول کے مطابق 13جولائی کو گلگت بلتستان کے نئے وزیرِ اعلیٰ کے لیے انتخاب ہو گا جبکہ 12جولائی کو کاغذات نامزدگی داخل کیے جاسکیں گے۔واضح رہے کہ سپریم اپیلٹ کورٹ نے اسپیکر کو 72 گھنٹوں میں وزیرِ اعلیٰ کے انتخاب کے لیے نیا شیڈول جمع کرانے کا حکم دیا تھا۔اس حوالے سے درخواست پی ٹی آئی کے ناراض رکن اسمبلی حاجی شاہ بیگ نے دائر کی تھی۔خیال رہے کہ سپریم اپیلٹ کورٹ گلگت بلتستان نے جعلی ڈگری کیس میں پاکستان تحریک انصاف سے تعلق رکھنے والے وزیرِ اعلیٰ خالد خورشید کو نااہل قرار دیا تھا۔پی ٹی آئی نے خالد خورشید کی جگہ راجہ اعظم کو وزیرِ اعلیٰ کا امیدوار نامزد کیا ہے۔

 

 

صدر مملکت نے جسٹس محمد ابراہیم خان کی بطور قائم مقام چیف جسٹس پشاور ہائیکورٹ تعیناتی کی منظوری دیدی

اسلام آباد(سی ایم لنکس)صدر مملکت ڈاکٹر عارف علوی نے جسٹس محمد ابراہیم خان کی بطور قائم مقام چیف جسٹس پشاور ہائیکورٹ تعیناتی کی منظوری دیدی۔ایوانِ صدر کے پریس ونگ سے جمعرات کو جاری بیان کے مطابق چیف جسٹس پشاور ہائیکورٹ کا عہدہ جسٹس مسرت ہلالی کی سپریم کورٹ میں تعیناتی کی وجہ سے خالی ہوا۔جسٹس محمد ابراہیم خان پشاور ہائیکورٹ کے سینئر ترین جج ہیں، جسٹس محمد ابراہیم خان کی تعیناتی آئین کے آرٹیکل 196 کے تحت باقاعدہ چیف جسٹس کی تعیناتی تک کی گئی ہے۔

Posted in تازہ ترین, جنرل خبریں, گلگت بلتستانTagged
76330

وزیر اعلی گلگت بلتستان جعلی ڈگری کیس میں نااہل قرار

Posted on

وزیر اعلی گلگت بلتستان جعلی ڈگری کیس میں نااہل قرار

گلگت( چترال ٹایمز رپورٹ ) وزیر اعلی گلگت بلتستان خالد خورشید کو جعلی ڈگری کیس میں عدالت نے نااہل قرار دے دیا۔ وزیراعلی جی بی کے خلاف جعلی ڈگری کیس میں نااہلی کے لیے چیف کورٹ میں کیس کی سماعت ہوئی، عدالت نے فیصلہ دیتے ہوئے وزیر اعلی گلگت بلتستان خالد خورشید کو نااہل قرار دے دیا۔فیصلہ آنے کے فوری بعد وزیراعلی کے خلاف اسمبلی سیکریٹریٹ میں تحریک عدم اعتماد جمع کرادی گئی۔ اطلاعات ہیں کہ وزیراعلی کی جانب سے جی بی اسمبلی کو تحلیل کرنے کے ممکنہ منصوبے کو ناکام بنانے کے لیے اپوزیشن اراکین نے تحریک عدم اعتماد جمع کرائی ہے۔ذرائع نے بتایا ہے کہ تحریک جمع کرانے والے اراکین کی تعداد 9 ہے۔دوسری جانب وزیراعلی خالد خورشید کی گلگت بلتستان اسمبلی تحلیل کرنے کے لیے مشاورت جاری ہے۔

توشہ خانہ کیس: اسلام آباد ہائیکورٹ کا ٹرائل کورٹ کو 7 دن میں فیصلہ کرنے کا حکم

اسلام آباد (سی ایم لنکس)چیئرمین پی ٹی آئی کی درخواست مسترد کرنے کا ٹرائل کورٹ کا فیصلہ اسلام آباد ہائی کورٹ کے چیف جسٹس عامر فاروق نے کالعدم قرار دے دیا۔ اسلام آباد ہائی کورٹ نے معاملہ واپس ٹرائل کورٹ کو بھجوا دیا۔ ٹرائل کورٹ کو چیئرمین پی ٹی آئی کے وکیل کے دلائل پر دوبارہ فیصلہ کرنے کا حکم دے دیا۔ [عدالت نے حکم دیا ہے کہ ٹرائل کورٹ سات دن میں توشہ خانہ کیس میں چیئرمین پی ٹی آئی کی درخواست پر فیصلہ کرے۔ٹرائل کورٹ نے توشہ خانہ کیس ناقابل سماعت قرار دینے کی درخواست مسترد کی تھی۔

 

چیئرمین پی ٹی آئی کو فوری ریلیف نہیں دے سکتے: جسٹس اعجاز الاحسن

اسلام آباد( چترال ٹایمزرپورٹ)سپریم کورٹ کے جسٹس اعجاز الاحسن نے کہا ہے کہ بلوچستان میں وکیل کے قتل کیس میں اس موقع پر چیئرمین پی ٹی آئی کو ریلیف نہیں دے سکتے۔ بلوچستان میں وکیل کے قتل میں چیئر مین پی ٹی آئی کی نامزدگی کے کیس میں چیئرمین پی ٹی آئی کی مقدمہ کالعدم قرار دینے کے حوالے سے اپیل کی سپریم کورٹ میں سماعت ہوئی۔عدالت نے چیئرمین پی ٹی آئی کو گرفتار کرنے سے روکنے کا حکم جاری کی استدعا مسترد کردی۔ چیئرمین پی ٹی آئی کی حکم امتناع کی استدعا بھی مسترد کردی گئی۔جسٹس اعجازالاحسن نے ریمارکس دیئے کہ ہم فوری طور پر آرڈر دستخط کر کے بھجوا دیں گے۔ ہائیکورٹ کے ڈویڑن بینچ کا فیصلہ ہے سپریم کورٹ کا دو رکنی بینچ اس کو کالعدم قرار نہیں دے سکتا۔ آپ کیس جلد سماعت کے لیے مقرر کرنے اور لارجر بینچ کی تشکیل کے لیے چیف جسٹس پاکستان کو درخواست دیں۔عمران خان کے وکیل لطیف کھوسہ نے استدعا کی کہ عدالت آئندہ سماعت تک گرفتاری سے روکنے کا حکم دے۔ جسٹس عائشہ ملک کا کہنا تھا کہ سپریم کورٹ کا دو رکنی بینچ ایسا کوئی حکم جاری نہیں کر سکتا۔جسٹس اعجازالاحسن نے ریمارکس دیئے کہ شفافیت کو برقرار رکھنے کے لیے ایسا کوئی حکم جاری نہیں کر سکتے۔ بلوچستان حکومت کا موقف سنے بغیر کارروائی معطل نہیں کر سکتے۔ عدالت نے پراسیکیوٹر جنرل اور ایڈووکیٹ جنرل بلوچستان کو نوٹس جاری کر دیے۔

 

Posted in تازہ ترین, جنرل خبریں, گلگت بلتستانTagged
76256

وزیر اعلٰی گلگت بلتستان کا اقراء یونیورسٹی اسلام آباد کا دورہ، اسٹوڈنٹس کے لئے اسکالرشپ دینے کا اعادہ

وزیر اعلٰی گلگت بلتستان کا اقراء یونیورسٹی اسلام آباد کا دورہ، زیر تعلیم اسٹوڈنٹس کے لئے اسکالرشپ دینے کا اعادہ

اسلاآباد(نمایندہ چترال ٹایمز ) وزیر اعلٰی گلگت بلتستان خالد خورشید نے گزشتہ دنوں اقراء یونیورسٹی اسلام آباد ( چک شہزاد) کا دورہ کیا ۔ یونیورسٹی کے سی ای او عبد الحمید بھی اس موقع پر موجود تھے۔ وزیراعلی نے مختلف شعبہ جات کا معائنہ کیا اور اساتذہ و طلباء سے گفتگو بھی کی۔ وزیراعلی نے کہا کہ صوبائی حکومت شعبہ صحت میں بہتری کے لئے کام کر رہی ہے اور اس کے ثمرات عوام کو ملنے شروع ہوگئی ہیں۔

وزیراعلی نےیونیورسٹی انتظامیہ کو الایئڈ نرسنگ کی ٹریننگ کے مرکز کے قیام کے لئے گلگت بلتستان کے دورے کی دعوت بھی دی اور محکمہ صحت کے حکام کو ہدایت کی کہ اس حوالے سے یونیورسٹی انتظامیہ کیساتھ رابطہ رکھیں۔ وزیر اعلی نے کہا کہ اقراء یونیورسٹی اسلام آباد (چک شہزاد) میں زیرِ تعلیم بچوں کے لئے سکولرشپ کے حوالے سے بہت جلد اہم اقدامات کیئے جاینگے۔ بی بی حاجرہ اسسٹنٹ پروفیسر اینڈ ایچ او ڈی نرسنگ ڈیپارٹمنٹ نے یونیورسٹی میں الائیڈ ہیلتھ ساینسز (Allied Health Sciences ) کے پروگرامز اور سہولیات کے بارے میں وزیراعلی کو تفصیلی بریفنگ دی۔

 

chitraltimes cm gb visit iqra uni islamabad4 chitraltimes cm gb visit iqra uni islamabad5

chitraltimes cm gb visit iqra uni islamabad1 chitraltimes cm gb visit iqra uni islamabad3 chitraltimes cm gb visit iqra uni islamabad2

Posted in تازہ ترین, جنرل خبریں, گلگت بلتستانTagged
68974