خیبرپختونخوا فوڈ سیفٹی اینڈ حلال فوڈ اتھارٹی لوئر چترال کی جانب سےمضرصحت مشروبات، چائنہ سالٹ، فوڈ اٹمز، مصالحہ جات اور جعلی شہد تلف کردیا گیا
خیبرپختونخوا فوڈ سیفٹی اینڈ حلال فوڈ اتھارٹی لوئر چترال کی جانب سےمضرصحت مشروبات، چائنہ سالٹ، فوڈ اٹمز، مصالحہ جات اور جعلی شہد تلف کردیا گیا
چترال ( چترال ٹائمزرپورٹ ) خیبرپختونخوا فوڈ سیفٹی اینڈ حلال فوڈ اتھارٹی لوئر چترال کی جانب سے گزشتہ کی گئی کاروائیوں کے دوران ضبط شدہ مضر صحت اشیاء خوردونوش کو ڈپٹی ڈائریکٹر ملاکنڈ ڈویژن اور اسسٹنٹ ڈائریکٹر مانیٹرنگ کی زیر نگرانی ڈمپنگ ایریا میں تلف کر دیا گیا۔ تلف شدہ اشیاء میں 2000 لیٹرز سے مضر صحت مشروبات، 15کلو سے زائد چائنہ سالٹ، 1000 پیکٹس سے زائد، زائد المیعاد کریانہ فوڈ آئٹمز، 100 کلو ملاوٹی مصالحہ، 20 کلو جعلی شہد، 70 بنڈلز مختلف قسم کے غیر معیاری چپس/پاپڑ، 70 پیکٹس چھالیہ/سپاری اور دیگر زائد المعیاد اشیاء خوردونوش شامل تھیں۔
