خودکشی کی طرف بڑھتا رجحان ۔  اویس خان

خودکشی : ذہنی مرض یا جرم – تحریر: دیدار علی شاہ

صوبہ خیبر پختونخواہ کے ضلع چترال سے پروین (فرضی نام)گلگت بلتستان کے ضلع غذر سے نازیہ (فرضی نام) گلگت شہر سے عمران (فرضی نام) اور ہنزہ سے آفتاب(فرضی نام) نے ایک مہینے کے اندر خودکشی کی۔ان جوان سال بیٹا اور بیٹیوں کے جانے سے ان کے خاندان پر قیامت ٹوٹ پڑی۔ ان میں سے دو نے دریا میں چلانگ لگا دی تھی اور دو نے گلے میں پھندا ڈال کر زندگی کا خاتمہ کیا۔ پھر یوں ہوا کہ ان چاروں کی لاش برآمد ہوئی، اور لاشوں کو پوسٹ مارٹم کے لیے بھجوائی گئی، ڈاکٹروں نے لکھ کر دیا کہ ان کی موت پانی میں ڈوبنے سے اور گلے میں پھندا کے دباو سے ہوئیں۔پھر خاندان اور گاوں کے کچھ لوگوں نے پولیس سے درخواست کی کہ لاش ان کے حوالے کیا جائے۔ کیوں کہ ان کے خاندان، گاوں اور علاقے کی عزت اور بدنامی کا مسئلہ ہے۔ اور ہاں پولیس کو قانونی طور پر قائل کرنے کے لئے یہ جھوٹی بات بتا دی کہ خودکشی کرنے والا ذہنی طور پر ٹھیک نہیں تھا۔ یہ تھے وہ قصے جو آج تک خود کشی کے کیسوں میں چترال اور گلگت بلتستان میں ہوتا رہا ہے۔

خودکشی کے عمل میں انسان اپنی جان لینے کی کوشش کرتا ہے۔ ہر معاشرہ اس پر مختلف رد عمل کا اظہار کرتا ہے کہیں اسے مذہبی، سماجی اوروعقلی طور پر غلط عمل سمجھا جاتا ہے۔ اور کہیں اسے حالات اور واقعات کے لحاظ سے درست بھی قرار دیا جاتا ہے۔

بی بی سی کی ایک رپورٹ کے مطابق چترال میں پچھلے دس سالوں میں خودکشی کے 175 واقعات درج کیے گئے۔ جن میں سے 106خواتین شامل تھیں۔اور گلگت بلتستان میں ہونے والے واقعے میں انڈپنڈنٹ اردو کی ایک رپورٹ کے مطابق 2018 سے2020 تک 70 واقعات رپورٹ کئے گئے ہے۔
خودکشی کے کیسوں میں اگر ہم پولیس کی نقطہ نظر کو جاننے کی کوشش کرے تو ان کے مطابق جب پولیس مکمل چھان بین کرنے کی کوشش کرے تو انھیں گاوں یا کمیو نٹی کی طرف سے دباو ڈالنے کی کوشش کی جاتی ہے۔ اور بعض دفعہ بات احتجاج تک پہنچتی ہے۔دوسری بات یہ ہے کی پولیس کو اس کیس میں گواہ اور شواہد نہیں ملتے اور کیس کمزور پڑتا ہے۔

پھر ہم نے گاوں یا علاقے کے زمہ داران سے اس حوالے سے جاننے کی کوشش کی تو ان کے مطابق گاوں یا علاقے کے لوگ ایک دوسرے کو جانتے ہے۔ اس لئے زیادہ تر خودکشی کے کیسوں میں قانونی کاروائی یا بدنامی کے خوف سے وہ سچ بتانے سے ڈرتے ہے۔

ورلڈ ہیلتھ آرگنائزیشن (ڈبلیو ایچ او) کی رپورٹ کے مطابق عالمی سطح پر ہر چالیس سکینڈ میں ایک شخص خودکشی کرتا ہے۔ جس میں پندرہ سے اُنتیس سال کی عمر کے بچوں میں موت کی دوسری اہم وجہ ہے۔ اور ان میں سے 79فیصد واقعات غریب ممالک سے تعلق رکھنے والے خاندانوں میں پیش آتے ہے۔
پاکستان اور دنیا بھر کی ماہرین نفسیات کے مطابق معاشرہ تیزی سے بدل رہی ہے۔ اور اس تیزی سے بدلتی دنیا میں ٹیکنالوجی نے انسانی ضروریات کی زیادہ تر چیزوں کو ریپلیس کیاہے۔ جس سے نوجوانوں میں ذہنی دباوَ سے نمٹنے کی صلاحیت میں کمی اور دباو برداشت نہ کرنا اس نوعیت کے خیالات جنم لیتا ہے جس میں خودکشی سرفہرست ہے۔

ایکسپریس نیوز کے ایک رپورٹ کے مطابق پاکستان میں خودکشی کا سب سے زیادہ رجحان گلگت بلتستان میں ضلع ہنزہ اور ضلع غذر میں ہیں۔ میرا نہیں خیال کہ ہنزہ اور غذر میں یہ رجحان سب سے زیادہ ہے۔ پورے پاکستان میں چترال کے علاوہ ایسے دوسرے ضلعے یا صوبہ ہونگے جہاں خودکشی زیادہ ہوتے ہونگے مگر بدنامی کی خاطر رپورٹ نہیں کرتے۔

گلگت بلتستان میں خودکشی کے واقعات کو جانچنے کی کوشش کرے تو ہمیں اس کے دو پہلو نظر آتے ہیں۔ پہلا عدم برداشت اور دوسری ذہنی بیماری۔ عدم برداشت کی وجہ معاشرے میں آپس کی تعلقات میں ناچاقی، رشتوں میں تنازعات، گھریلومعاملات میں نااتفاقی، افسردگی، کم اعتمادی، ظلم و جبر، بے جا تنقیدات، مایوسی، غصہ، جبری شادی، غربت و افلاس، بے روزگاری، محتاجی، مالی تنگی، قرضوں کا بوجھ، ذہنی و جسمانی تشدد اور تیزی سے بدلتی معاشرہ شامل ہے۔
دوسری وجہ یعنی ذہنی بیماری، کو سمجھنے کے لئے یہ ضروری ہے کہ جس طرح سے انسانی جسم میں ہر اعضا کی مختلف بیماریاں ہے۔ ذہنی بیماری بھی اسی طرح ایک قسم ہے۔ اور قابل اعلاج ہے۔ َِ؟.

جس طرح جسمانی صحت کے لئے سہولیات موجود ہے۔ اسی طرح اب وقت کی ضرورت ہے کہ ذہنی صحت کے لئے بھی کام شروع کرے۔ اور ذہنی بیماریوں سے متعلق لوگوں میں شعور اجاگر کرنے کے لئے اقدامات کیا جائے۔ بدقسمتی سے ہمارے معاشرے میں ماہر نفسیات سے ملنا معیوب سمجھا جاتا ہے۔یہی وقت ہے کہ ذہنی بیماری کو تسلیم کر کے علاج کو ممکن بنایا جا سکے۔

پاکستان کے دوسرے علاقوں کی بات کرے توپاکستان انسٹی ٹیوٹ آف میڈیکل سائنسز (پمز) کی رپورٹ کے مطابق وہاں پر روزانہ خودکشی کے اوسطاً پانچ واقعات رپورٹ ہوتے ہے۔
دوسری بات یہ ہے کہ ہمارے معاشرے میں اس سنگین مسئلے کو روکنا صرف حکومت یا ایک ادارے کا کام نہیں۔ بلکہ اس میں معاشرے کے تمام سٹیک ہولڈرز مل کر کام کرے۔

حکومت گلگت بلتستان ہر ضلعے میں کم از کم ایک ماہر نفسیات کی تقرری کو یقینی بنائے۔ اور ساتھ ساتھ ہر گاوں میں ذہنی صحت سے منسوب معاشرتی بدنامی کے ڈر اور خوف کو مٹانے کے لئے آگاہی مہم چلائے۔ اور ساتھ ساتھ اس مرض میں مبتلا افراد کی امداد کو بھی یقینی بنائے۔

گلگت بلتستان میں بڑھتی ہوئی خودکشی کے واقعات سے متعلق ابھی تک کوئی ریسرچ نہیں ہوسکا ہے۔ لہذا کسی ایسے ادارے جو مینٹل ہیلتھ سے متعلق عبور رکھتا ہو۔ سے ایک جامع تحقیق کرانے کی اشد ضرورت ہے۔جس سے ان واقعات میں کمی لانے پر کام کیا جاسکے۔اور ساتھ ساتھ خودکشی سے متعلق گلگت بلتستان کی حکومت ایک موثر تفتیشی نظام کے ساتھ قانون سازی کرے۔تا کہ قانون کے مطابق پولیس اپنی انوسٹگیشن پوری کرے۔ اور ان عوامل اور محرکات کا پتہ چل سکے جس کی وجہ سے خودکشی ہوئی۔ اور اسی عوامل اور محرکات کے زریعے آنے والے وقت میں خودکشی پر قابو پایا جاسکیں۔ تاکہ خاص کر خواتین کو غیرت کے نام پر قتل کر کے خودکشی کے نام پر دفن کرنا بند ہوں

آج تک گلگت بلتستان اور چترال میں جتنے بھی خودکشی کے واقعات ہوئے ہیں۔ ان کے خاندان کے لئے یہ دردناک موت کو بھلاناممکن نہیں۔وہ آج بھی یہ جاننے کی کوشش میں ہے کہ ان کے بچوں نے اتنے بڑے اقدام پر کیوں مجبور ہوگئیں۔

ہیومن رائٹس کمیشن آف پاکستان کی رپورٹ کے مطابق 2015میں خودکشی کے ایک ہزار نو سو واقعات رپورٹ کئے گئے۔ اور دو سالوں میں یہ تعداد بڑھ کر تین ہزار پانچ سو تک جا پہنچی۔اور تقریباً 90فیصد واقعات ذہنی بیماری میں مبتلا افراد کی ہے۔ ہر خودکشی کی الگ الگ وجوہات ہوتی ہے۔لہذا ہر واقعے کو خودکشی قرار دینا ہر گز درست نہیں۔

خودکشی کو ختم کرنا ممکن نہیں اور آسان بھی نہیں اگر ایسا ہوتا تو ترقی یافتہ ممالک کب کے کر چکے ہوتے۔ اسی لئے جن کو آپ جانتے ہے اور پیار کرتے ہے۔ ان کا خیال رکھیں۔ اگر ان کی زندگی باہر سے ٹھیک دکھائی دے رہی ہے تو ہر گز اس کا مطلب یہ نہیں کہ ان کے نجی معاملات سب ٹھیک ہے۔ اسی لئے شعوری طور پر ایک دوسرے کا سہارا بنیں۔ اور اگر آپ کے جاننے والوں میں کسی کی مزاج، گفتگو اور حرکات میں اچانک تبدیلی محسوس کرے تو انھیں انزائٹی، ڈیپریشن یا کوئی اور ذہنی بیماری کی علامت ہوسکتا ہے۔ لہذا انھیں ڈاکٹر تک پہنچاکر زمہ دار اور ایک مہذب شہری ہونے کا ثبوت دے۔ ورنہ ان کا بھی انجام وہی ہوگا جن کا اوپر ذکر کرچکا ہوں۔

ایون صحن میں 17 سالہ نوجوان نے مبینہ طور پر خودکشی کرلی

چترال ( نمایندہ چترال ٹایمز ) ایون صحن میں 17 سالہ نوجوان نے مبینہ طور پر خودکشی کر لی ہے۔ خودکشی کی وجہ معلوم نہ ہو سکی ۔ تفصیلات کے مطابق ایون کے گنجان آباد گاوں صحن میں 17 سالہ نوجوان عبد اللہ ولد محمد شریف خان نے گلے میں پھندہ ڈال کر خود کشی کر لی ہے ۔ پولیس ذرائع نے خودکشی کی تصدیق کر لی ہے ۔ تاہم خودکشی کی وجوہات معلوم نہ ہو سکی ہیں ۔ چترال کے نوجوان نسل میں خودکشی کا رجحان تشویشناک حد تک بڑھ گیا ہے ۔ اور سالانہ کئی نوجوان مردو خواتین اپنے ہاتھوں اپنی زندگی کا چراغ گل کرتے ہیں ۔ لیکن اس کے سد باب حکومتی سطح پر کسی قسم کے اقدامات نہیں کئے جارہے ہیں ۔

چترا ل میں گزشتہ سال خودکشی کے 30 واقعات رونما ہوئے۔ جن میں اپر چترال کے 21واقعات شامل ہیں

چترال (نمائندہ چترال ٹائمز ) چترال میں خودکشیوں کا نہ روکنے والا سلسلہ جاری ہے ۔ چترال کو دو ضلعوں میں تقسیم کرنے کے بعد زیادہ ترخودکشیاں اپر چترال کے حصے میں آئیں، گزشتہ سال 2021میں اپر چترال میں 21خودکشی کے واقعات رونما ہوئے، جن میں پندرہ خواتین اورباقی مرد تھے۔ اورخودکشیوں کا تناسب موڑکہو تورکہوتحصیل میں زیادہ ہے ۔
اسی طرح لوئر چترال میں گزشتہ 9 خودکشیوں کے واقعات ہوئے۔ جن میں اکثریت خواتین کی تھیں۔

خودکشی کرنے والی خواتین کی عمریں 17 سے 35 سال کے درمیان ہے ۔ اور اکثر پڑھی لکھی بچیوں نے خودکشی کرکے اپنی زندگیوں کا خاتمہ کردیا ہے ۔ اوران خواتین کی اکثریت نے دریا ئے چترال میں چھلانگ لگا کر خودکشی کی ہیں۔

بی بی سی کی حالیہ جامع رپورٹ کے مطابق چترال میں گزشتہ دس برسوں کے دوران مبینہ خودکشی کے لگ بھگ 175 واقعات درج کیے گئے جن میں 106 خواتین شامل تھیں۔ ان میں سے ہر واقعہ میں پولیس نے بظاہر جامع تحقیقات نہیں کیں۔ زیادہ تر واقعات میں یہ جاننے کی کوشش نہیں کی گئی کہ مرنے والے نے خودکشی کیوں کی۔

پولیس کے ریکارڈ کے مطابق حال ہی میں ختم ہونے والے سال سنہ 2021 میں اپر چترال میں جن 21 افراد نے خودکشی کی، ان میں سے دس واقعات میں وجہ ‘نامعلوم’ تھی۔ ان میں زیادہ تر خواتین شامل تھیں۔ باقی واقعات میں جو وجوہات بتائی گئیں ان میں دماغی بیماری کا شکار ہونا، مرگی، سکول نہ جانے کی ضد، امتحانات میں نمبر کم آنا یا گھریلو ناچاقی اور لڑائی جھگڑے شامل تھے۔

اب تک جتنے بھی خودکشی کے واقعات ہوئے ان کے پیچھے مرحکات کو سامنے لانے میں مقامی پولیس کامیاب نہ ہوسکی ہے۔ اس کی وجہ متاثرہ خاندان کی طرف سے عدم تعاون ہے ۔ اکثر والدین خودکشی کے مرتکب بچیوں کو ذہنی مریضہ قرار دیکر فائل کو داخل دفتر کرانے میں مدد فراہم کرتے ہیں۔

چترال میں خودکشیوں کے سدبات کیلئے ابھی تک کوئی بھی سنجیدہ کوشش نہیں کی گئی ، تاہم بعض غیر سرکاری ادارے اس حوالے سے سیمینار اور ورکشاپ کرکے صرف پیسے بٹوررہے ہیں۔ جوکہ لمحہ فکریہ ہے۔

اپرچترال میں خودکشی کی ناسور کو ختم کرنے کیلئے مذہبی رہنما وں،اساتذہ اور ٹی ایم ایزکے زریعے اگہی مہم چلانے کا فیصلہ

اپر چترال ( نمائندہ چترال ٹائمز ) چترال میں خودکشی کے بڑھتے ہوئے رجحان کو روکنے اور اگہی پھیلانے کے حوالے سے ایک اہم میٹنگ زیر صدارت محمد عرفان الدین ایڈیشنل ڈپٹی کمشنر اپر چترال بونی میں منعقد ہوا۔ اس میٹنگ میں اسسٹنٹ کمشنر مستوج، ڈی،ایس،پی ہیڈکوارٹر، ایم، ایس کیٹیگری ڈی ہسپتال بونی، ڈسٹرکٹ آفیسر سوشل ویلفئر اپر چترال، تحصیل میونسپل آفیسر مستوج،محکمہ ایجوکیشن میل/فیمل اپر چترال کے اے،ڈی،اوز، اورتحصیل خطیب مستوج نے شرکت کیں۔

اپر چترال میں خودکشی کے واقعات پر تفصیل سے روشنی ڈالی گئی اور اس پر قابو پانے کے حوالے سے درجہ ذیل لائحہ عمل طے کرنے پر ا تفاق کیا گیا۔
تحصیل خطیب جمعہ کے دن لوگوں کو خودکشی جیسی ناسور سے کنارہ کشی اختیار کرنے کے موضوع پر لوگوں کو درس دیں گے۔۔ اسماعیلہ کونسل آپنے مستند سکالرز کے زریعے خودکشی جیسی بیماری کے سدباب اور نتائج سے متعلق لوگوں کو آگاہ کریں گے۔۔ محکمہ ایجوکیشن اپر چترال سکولوں میں خودکشی کو روکنے کے حوالے سے طلباء و طالبات کو درس دیں گے۔
محکمہ صحت اپر چترال اس ضمن میں ماہر نفسیات کی تعاون حاصل کریں گے۔
TMOمستوج اور TMO موڑکہو خودکشی اور اس کے نتائج سے متعلق اگہی بینرز چسپاں کریں گے۔

دروش ( نمائندہ چترال ٹائمز ) دروش شمس آباد لوئرچترال سے تعلق رکھنے والی دو بہنیں عاصمہ اور سیمہ دختران جاوید دریائے چترال میں ڈوب گئیں، ایک کی لاش نکال لی گئی جبکہ دوسری کی تلاش جاری ہے ۔ مقامی پولیس کے مطابق چھوٹی بہن عاصمہ خودکشی کرنے کی کوشش کرتے ہوئے دریائے چترال میں چھلانگ لگانے پر بڑی بہن ان کو بچا نے کی کوشش میں خود بھی دریا میں ڈوب گئی ہیں۔
ابتدائی اطلاعات کے مطابق عاصمہ کی شادی تین ماہ قبل کیسو گاوں میں معین خان سے ہوئی تھی جوکاروبار کی عرض سے تمرگرہ میں مقیم ہےجبکہ انکی بیوی عاصمہ میکے میں تھی۔

عاصمہ کی والدہ نے تھانہ دروش میں درخواست میں دعویدار ی کرتے ہوئے موقف اختیار کیا ہے کہ عاصمہ کی خودکشی کی وجہ انکے شوہر ہیں جس کے ساتھ موبائل فون پر لمبی بات کی اور فون بند کرتے ہی دریا ئے چترال کی طرف نکل گئی ۔ جس کو بچانے کیلئے بڑی بیٹی بھی نکل گئی مگر بدقسمتی سے وہ اپنی بہن کو بچانے میں کامیاب نہیں ہوئی ہے ۔ا ور چھوٹی بہن دریا میں چھلانگ لگانے پر بڑی بہن ان کوبچانے کی کوشش میں خود بھی ڈوب گئی ہے۔ پولیس نے دفعہ 322کے تحت ایف آئی آر درج کرلیا ہے.ایک ساتھ دو بہنوں کی دریا میں ڈوب جانے پر علاقے میں کہرام مچ گیا ہےاورہر ایک انکھ اشکبار ہے۔

اطلاع ملنے پر ریسکیو 1122 کی ٹیم نے دریائے چترال میں سرچ آپریشن کے دوران جنجریت کے مقام پر دریائے چترال سے خودکشی کرنے والی 17 سالہ بچی عاصمہ کی لاش کو نکال کر THQ ہسپتال دروش منتقل کردیا،جبکہ بڑی بہن(19سال) کی تلاش جاری ہے ۔ اخری اطلاع تک ریسکیو 1122 کی ٹیم نے سرچ آپریشن شام تک جاری رکھی ہوئی تھی.

مستوج (نمائندہ چترا ل ٹائمز ) مستوج کے نواحی گاوں چپاڑی سے تعلق رکھنے والی ایک اور ہونہار طالبہ نے مبینہ طور خودکشی کرکے اپنی زندگی کا چراغ بجھا دیا ہے ۔ تفصیلات کے مطابق چپاڑی کے رہائشی فاروق صوبیدار کی بیٹی مسماۃ سبرینہ نے دریائے یارخون میں چھلانگ لگاکر خودکشی کی ہے ۔وہ مقامی کالج میں ایف ایس سی کی طالبہ تھیں۔
ذرائع کے مطابق وہ اپنی سکول میں انتہائی ذہین اور لائق طالبہ تھیں اورہمیشہ فسٹ پوزیشن لیتی رہی ہے ۔ تاہم گزشتہ کسی امتحان میں نمبر کم انے پر وہ ڈپریشن کا شکارہوکر ذہنی مریضہ بن گئی تھی۔ اور ہمیشہ کم نمبرآنے کا شکوہ کرتی رہتی تھی. والدین نے ان کی علاج ملک کے بہترین ہسپتالوں سے کروارہے تھے۔ اور گھر میں بھی ان کی دیکھ بھال کی طرف خصوصی توجہ تھی ۔ مگر گزشتہ دن والدین کسی ضروری کام کے سلسلے میں بریپ گئے ہوئے تھے ۔ جس پر موقع ملتے ہی متوفی نے کھوژ پل سے دریائے یارخون میں چھلانگ لگاکر اپنی زندگی کا خاتمہ کردیا ہے۔ جس کی لاش کو دریا سے نکال کرآبائی قبرستان میں سپردخاک کردیا گیا ۔ ایک ذہین طالبہ کی خودکشی پرعلاقے میں افسردگی اورہرآنکھ اشکبارہے.
یادرہےکہ سال 2019میں‌کسی طالبہ کی خودکشی کا یہ پہلا واقعہ ہے.

گزشتہ ماہ 7 روز کے اندر چترال میں ہونے والے خود کُشی کے مسلسل 7 واقعات نے پورے علاقے کو جہاں جھنجوڑکر رکھ دیا ۔ وہیں چترال کے امن رپورٹ کو بھی سبوتاژ کیا۔یوں تو چترالی خواتین میں خود کُشی کا رُجحان کوئی نئی بات نہیں۔لیکن وقت گزرنے کے ساتھ ساتھ بجائے اس غلط فعل میں کمی آنے کے اور بھی اضافہ ہونا یقیناً انتہائی تشو یش ناک امر ہے۔اس پہ متضاد یہ کہ اب خواتین کے ساتھ ساتھ مردوں میں بھی یہ رُجحان تیزی سے جڑ پکڑ رہا ہے ۔گزشتہ ماہ کے واقعات اس بات کا ثبوت ہیں۔یہ چترالی عوام کے لئے نہایت لمحہِ فکریہ ہے۔مسئلہ یہ ہے کہ ہم ایسے معاشرے میں رہتے ہیں جہاں سچ بولنے سے پہلے ہزار بار سوچنا پڑتا ہے۔ اور اگر بولنے والی عورت ہو تو اُسے تو بات کرنے سے پہلے باقاعدہ ’’ استخارہ ‘‘ کرنا چاہیے کہ ایا وہ اپنے درپیش مسائل پر ’’ بات کرے یا نہ کرے۔۔کیو نکہ ہمارے اس سو کالڈ معا شرے میں سچ بولنے والے ہمیشہ’ بد اخلاق اور باغی ‘‘ کہلا تے ہیں ا۔ بحثیت مسلمان ہمیں یاد رکھنا چاہیے کہ ظلم پر خاموش رہنا بھی ظلم ہے اور بحثیت ایک قلم کار ہمیں حبیب جالب کے عقیدے کو کبھی فراموش نہیں کرنا چاہیے جسکے مُطابق ’’ چُپ رہنا بد دیانتی اور بے غیرتی ہے ‘‘ آج اگر ہم خود کشی کے وجو ہات جانتے ہوئے بھی صرف اسلیے حقائق پر پردہ ڈالیں کہ اس سے ہمارے چترال کا ’’ ا میج ‘‘ خراب ہوتا ہے تو یہ اس د ھر تی کے ساتھ ظلم ہے یہ اس ’’ قلم ‘‘کے ساتھ نہ انصافی ہے جسے ہم نے خود کو ’’قلمکار ‘‘ کہلوانے کے لیے ہرگز نہیں اُٹھا یا ہے۔۔۔ہم بحثیت چترالی اس بات پر ہمیشہ فخر کرتے ہیں ۔کہ چترال بہت سے جاہلانہ رسومات سے پاک ہے ۔خاص طور پر خواتین کے حوالے سے بات کریں ۔تو یہ پا کستان کا واحد علاقہ ہے جہاں والدین ’’ بیٹی ‘‘ کی پیدائش پر سوگ نہیں مناتے۔جہاں خواتین کو تعلیم اور مُلازمت کی مکمل آزادی حاصل ہے۔جہاں جائداد بچانے کے لئے بچیوں کی شادی قُرآن سے کرنے کے غلط رسومات نہیں ہیں۔جہاں خواتین کو ونی ، سوارہ اور کاری جیسے رسومات کے بھینٹ نہیں چڑ ھایا جاتا۔۔یہاں حا دثہ کے نام پر بہووں پر پٹرول نہیں پھینکا جاتا۔یہاں تیزاب گردی نہیں ،یہاں ’’عورت ‘‘ نام کے مخلوق پر ایسا کوئی ظلم حقیقتا نہیں ہے جسکا رونا ا خباروں میں رویا جائے۔۔۔ہم تمام چترالیوں کو واقعی ’’ چترالی ‘‘ ہونے پر فخر ہے۔۔لیکن کیا وجہ ہے کہ اس سب کے با وجود ہر سال ہماری درجنوں بیٹیاں دریا ئی موجوں کو گلے لگانے پر مجبور ہوتی ہیں؟؟؟؟؟ کیا واقعی ہر خود کشی کے پیچھے و جہ مُحض ’’ عدم برداشت ہی ہے ؟؟؟؟؟ کیا آپکا ضمیر ہر بار ہر خود کُشی پر یہی ر پورٹ دینے کی اپکو اجازت دیتا ہے ؟؟؟؟اگر ا یسا ہی ہے تو میں ایسے ضمیر والوں کو مُحض ’’ سلام ‘‘ ہی پیش کر سکتی ہوں۔۔ماہرین نفسیات اور علاقے کی عزت رکھنے والے رپورٹرز بے شک ہر واقعہ کو ’’ عدم برداشت ۔ نفسیاتی مرض ۔اور مرگی کا نام دے دیں۔لیکن میں اپنے مشاہدے میں آنیوالے اُن واقعات کو کبھی فراموش نہیں کر سکتی جن کے و جو ہات محض ’’ جا ہلانہ رویے ‘‘ تھے۔۔یہ ایک تلخ حقیقت ہے کہ ایسے واقعات میں ۹۵ فیصد لوگ صرف رشتہ داروں ۔ محلہ داروں اور اساتذہ کے غلط رویوں سے تنگ آکر خود کُشیاں کرتے ہیں۔۔ماضی میں سینکڑوں لڑ کیوں نے اُساتذہ کے غلط رویوں سے تنگ آکر ۔کہیں لڑکیوں نے غلط الزامات کے بناء پر تو کہیں خواتین نے محض ’’ طعنہ بازیوں ‘‘ سے تنگ اکر خود کُشیاں کیں۔خود کُشی کرنے والے چاہے عورتیں ہوں مر د ہوں یا نوجوان بچے۔سب کے لئے دل دُکھتا ہے۔موت خود ایک صدمہ ہوتی ہے اور اگر یہ حرام کی صورت میں ہو تو یہ دُکھ اور صد مہ دُگنا ہو جاتا ہے۔میں اپنے معزز عوام کو صرف اتنا کہنا چاہتی ہوں کہ ضروری نہیں کہ ہر خُود کُشی کی وجہ ’’ عدم برداشت ‘‘ ہی ہو۔بہت مرتبہ ان واقعات کی بنیادی وجہ ’’ برداشت کی حد ‘‘ بھی ہوتی ہے۔۔دوسری طرف وہ تمام لوگ جنھوں نے امن رپورٹ کو لیکر خود کو فرشتہ سمجھ بیٹھے ہیں ۔انکے لئے میرا مودبانہ پیغام ہے کہ چترال جنت کا ٹکڑا ضرور ہے مگر چترالی عوام عام انسان ہی ہیں۔یہ فر شتوں کا علاقہ ہر گز نہیں ہے۔جن سے کوئی غلطی ہی نہ ہو۔ہمیں کُھلے دل سے اپنی غلطیوں کو تسلیم کرنی چاہیے۔ہمیں اس حقیقت کو تسلیم کرتے ہوئے اپنے رویوں میں لچک پیدا کرنے کی اشد ضرورت ہے۔اگر ہم نا کامیوں پر ایک دوسرے کو طعنے دینا چھوڑ دیں،اگر ہم اپنی اولاد کو تعلیمی میدان میں مخصوص ٹارگٹ دینا اور اس پر انہیں ٹارچر کرنا چھوڑ دیں۔اگر ہم دوسروں کے لئے بھی بالکل و ہی سوچنا شروع کردیں جو ’’اپنے ‘‘ لئے سوچتے اور پسند کرتے ہیں۔اور بالخصوص اگر ہم دوسروں کی بیٹیوں کے لئے اپنے رویے اپنے الفاز اور اپنے لہجے دُرست کر لیں۔تو ایسے واقعات میں بہت حد تک کمی آ سکتی ہے۔اور وہ نوجوان جنھوں نے مُحض ’’ڈگری ‘‘ یا گر یڈز کو اپنا مقصد ِ حیات بنا لیا ہے ۔ان سے میں صرف اتنا کہونگی یاد کریں کہ تاریخ میں ایک ’’ عمر و بن ہشام ‘‘ بھی تھا جو اپنے دور کا نہایت ذہین و فطین ادمی تھا مگر پھر بھی ’’ ابو جہل ‘‘ ہی کہلایا۔۔لہذا جس تعلیم کی خاطر آپ خود کُشی جیسے حرام فعل کے مر تکب ہونے جائیں اُس تعلیم کا کوئی فائدہ نہیں ہے۔اس وقت علاقے کے ذمہ داران ،ہمارے علما ء کرام ہمارے اُساتذہ ہمارے والدین بلکہ ہر شخص پر ایک بھاری ذمہ داری عائد ہوتی ہے۔کہ ہر کوئی اپنے سطح پر خود کُشی جیسے حرام فعل کے خلاف مہم چلائے۔اسلام کی روشنی میں زندگی کے اصل مقصد کو اُجاگر کریں اور اس شعور کو دوسروں تک پہنچائیں۔اور بلخصوص ہر کوئی اپنے گھروں میں اس بات کا خصوصی نو ٹس لیں کہ گھر کا کوئی فرد دوسروں کے معاملات میں دخل اند اذی تو نہیں کرتا۔دوسروں کے بارے میں آ پکے ’’ الفاذ ‘‘‘ کیسے ہیں۔ اپکا لہجہ کیسا ہے۔میں اس بات پر ذور دیتی ہوں کیو نکہ اپنی بیٹیوں کے ساتھ اچھا ہونا تو کوئی نئی بات نہیں اپکا اصل امتحان دوسروں کے لیے اچھا ہونے میں ہیں۔۔یہاں میں اپنے پڑھنے والوں سے ایک گذارش ضرور کرنا چاہونگی کہ براہ ِ کرام ’’ حقوق نسواں اور آزادی ِ نسواں میں فرق کو پہچانیں۔بلکہ روشن خیالی کا ثبوت دیتے ہوئے اس حقیقت کو تسلیم کر لیں کہ حقوق نسواں ، آزادی ِ نسواں اور ’’’خواتین کے ساتھ رویے ٹھیک کرنے کی بات ‘‘‘ تینوں بلکل الگ الگ چیزیں ہیں۔جب کوئی ان ’’ رویوں ‘‘‘ پر بات کرتا ہے تو بعض لوگوں کو یہ لگتا ہے کہ یہ علاقے کی امیج کو خراب کرنے کے مترادف ہے ۔میرا ان لوگوں سے یہ سوال ہے کہ کیا یہ بڑھتی ہوئی خود کُشیاں چترال کے امیج کو خراب نہیں کرتیں ؟؟؟ کیا امیج مُحض سچائیوں سے پردہ اُٹھانے سے ہی خراب ہوتیں ہیں۔میں صرف اتنا کہنا چاہتی ہوں کہ کسی بھی واقعے کے پیچھے ہزاروں و جو ہات ہو سکتے ہیں لیکن ’’ خراب ر ویے ‘‘ ایک بہت بڑی وجہ بہت بڑی حقیقت ہیں۔ا سے تسلیم کریں ۔مت بھولیں کہ انسانی جسم میں ’’ زبان ‘‘ ہی وہ عضو ہے جو بیک وقت بہترین بھی کہلاتا ہے اور بد ترین بھی۔یہ انسانی زبان کا غلط ا ستعمال ہی ہے جس سے کہیں گھر اُ جڑ تے ہیں تو کہیں ’ ’ ز ند گیو ں کا خا تمہ ‘‘ ہو جاتا ہے۔۔۔۔