اپر چترال ؛ تورکہو روڈ پر گاڑی حادثے کا شکار، دو افراد جان بحق چار زخمی

اپر چترال(چترال ٹائمزرپورٹ)جمعہ کے روز شام سے قبل اپر چترال میں تورکھو روڈ میں بونی کے قریب (کاغ لشٹ) لینڈ کروزر گاڑی گہری کھائی میں گر نے سے دو افراد جان بحق اور چار زخمی ہوگئے ۔ پولیس ذرائع کے مطابق جان بحق افراد میں ڈرائیورسمیر ولد محمد وزیر ساکنہ کھوت اور نوید احمد ولد شیر احمد ساکنہ رائین شامل ہیں۔ زخمی ہاشمہ (رائین)، مجتبی رائین، سبز زار کھوت اور فاطمہ بی بی رائین کو بونی ہسپتال میں داخل کئے گئے ہیں ۔ حادثہ کی وجہ معلوم نہ ہوسکی۔
ریسکیو1122 اپر چترال کو اطلاع ملنے پر ریسکیو1122 کی میڈیکل ٹیم نے زخمی ہونے والے 4 افراد کو ابتدائی طبی امداد فراہم کرتے ہوئے THQ ہسپتال بونی اپر چترال منتقل کردیا، حادثے کے نتیجے میں گاڑی میں سوار 2 افراد موقع پر جان بحق جبکہ 4 افراد زخمی جن دو خواتین شامل ہیں، ابتدائی معلومات کے مطابق لینڈکروزر گاڑی چترال سے تورکھو جارہی تھی کہ کاغ لشٹ میں حادثہ پیش آیا اور گاڑی گہری کھائی میں جاگری ،