انسپکٹر جنرل اف پولیس خیبرپختونخوا اختر حیات خان کا دورہ چترال، پولیس پریڈ گراونڈ کا افتتاح, بہترین کارکردگی کا مظاہر کرنے والے افسران و جوانان کو تعریفی اسناد اور نقد انعامات سے نوازاگیا
انسپکٹر جنرل اف پولیس خیبرپختونخوا اختر حیات خان کا دورہ چترال، پولیس پریڈ گراونڈ کا افتتاح, بہترین کارکردگی کا مظاہر کرنے والے افسران و جوانان کو تعریفی اسناد اور نقد انعامات سے نوازاگیا
چترال ( چترال ٹائمز رپورٹ ) انسپکٹر جنرل اف پولیس خیبرپختونخوا اختر حیات خان کا ڈی۔پی۔او آفس بلچ لوئر چترال پہنچنے پر پرتپاک استقبال کیا گیا ، ڈسٹرکٹ پولیس آفیسر لوئر چترال افتخار شاہ,ایس۔پی۔انوسٹی گیشن عتیق الرحمن,ڈی۔ایس۔پی۔ہیڈکوارٹر احمد عیسی اور دیگر پولیس افسران نے معزز مہمان کا استقبال کیا۔ لوئر چترال پولیس کے چاق و چوبند دستے نے آئی۔جی۔پی کو سلامی پیش کی۔انسپکٹر جنرل آف پولیس نے پولیس لائن بلچ میں نئے پولو گراونڈ / پریڈ گراونڈ کا افتتاح کیا۔اس موقع پر کہا کہ خیبر پختونخواہ پولیس چترالی عوام کا مقبول ترین کھیل فری اسٹائل پولو کو فروغ دینے میں اپنا بھرپور کردار ادا کررہی ہے۔
بعد ازاں آئی جی پی نے زرگراندہ میں پولیس کی خدمت مرکز کا بھی دورہ کیا ، جہاں سی سی ٹی وی کیمروں پر مشتمل کنٹرول سنٹر، لائسنس برانچ اور سوسائیڈ پروینٹیو سنٹر کا بھی معائنہ کیا، جہاں عوامی سہولیات بارے انھیں بریفنگ دی گئی۔
دریں اثنا انسپکٹر جنرل آف پولیس خیبرپختونخوا اختر حیات خان کا ڈی۔پی۔او آفس بلچ لوئر چترال میں پولیس افسران کے ساتھ خصوصی میٹنگ کا انعقاد کیا گیا
میٹنگ میں ڈی۔پی۔او لوئر چترال افتخار شاہ، ایس۔اسی۔پی۔انوسٹی گیشن عتیق الرحمن، ڈی۔ایس۔پی۔ہیڈکوارٹر احمد عیسی ، تمام سرکل ایس۔ڈی۔ہی۔اوز / ایس۔ایچ۔اوز اور دیگر پولیس افسران نے شرکت کی ۔
میٹنگ کے دوران آئی۔جی۔پی نے تمام پولیس افسران سے مخاطب ہوکر کہا کہ چترال ایک خوبصورت علاقہ ہے یہاں پر سیاحت کو فروغ دینے میں سیاحوں کے ساتھ مکمل تعاون کریں ۔
نوجوان نسل ہمارا قیمتی اثاثہ ہے چترال کے نوجوانوں کو منشیات کی لعنت سے پاک کرنے کے لئے منشیات فروشوں کے خلاف سخت کاروائیاں عمل میں لائی جائے ۔
جرائم کی روک تھام اور علاقے میں امن وامان کی صورتحال کو برقرار رکھنے کے لئے پولیس افسران اپنا بھرپور کردار ادا کریں۔
آئی۔جی۔پی۔نے فیلڈ ورک اور مختلف شعبہ جات میں بہترین کارکردگی کا مظاہر کرنے والے افسران و جوانان کو تعریفی اسناد اور نقد انعامات سے نوازا۔
