Chitral Times

اسسٹنٹ کمشنر اور لیویز جوان کے حوالے خبر کو غیر ضروری ہوا دی گئی جبکہ یہ کسی ادارے کے اندر معمول کا واقعہ ہے۔ڈپٹی کمشنر اپر چترال

Posted on

اسسٹنٹ کمشنر اور لیویز جوان کے حوالے خبر کو غیر ضروری ہوا دی گئی جبکہ یہ کسی ادارے کے اندر معمول کا واقعہ ہے۔ڈپٹی کمشنر اپر چترال

چترال ( محکم الدین ) ڈپٹی کمشنر اپر چترال منظور احمد افریدی نے کہا ہے ۔ کہ اسسٹنٹ کمشنر اپر چترال شاہ عدنان اوران کے ماتحت لویزفورس کے جوان کے حوالے سے خبرکو بعض اخبارات نے غیر ضروری طور پر ہوا دی ہے ۔ جبکہ یہ کسی ادارے کے اندر معمول کا واقعہ ہے ۔ چترال ٹایمز سے خصوصی بات چیت کرتے ہوئے انہوں نے کہا ۔ کہ یہ در اصل ادارے کے اندر ڈسپلن کا مسئلہ تھا ۔ جسے بڑھا چڑھا کر پیش کیا گیا ۔ اسسٹنٹ کمشنر چترال لیوئیز فورس کے کمانڈنٹ ہیں ۔ اور لیویز کے جوان اپنے کمانڈنٹ کے احکامات ماننے کے پابند ہیں ۔ یہ واقعہ اپنی ذمہ داریوں کے بارے میں عدم آگہی کی وجہ سے پیش آیا ۔ لوئیز کا جوان یہ سمجھ رہا تھا ۔ کہ وہ پولو کیلئے بھرتی ہوئے ہیں ۔ اوراس کے علاوہ کوئی کام نہیں کریں گے ۔

ڈپٹی کمشنر اپر چترال نے کہا ۔ کہ ایک جوان پہلے سپاہی بھرتی ہوتا ہے ۔ اس کے بعد اسے ضرورت اور صلاحیت کی بنیاد پر فیلڈ دی جاتی ہے ۔ جہاں وہ اپنی ذمہ داریاں انجام دیتا ہے ۔ اور کبھی کبھار ذمہ داریاں تبدیل بھی کی جاتی ہیں۔ اس لئے یہ واقعہ غلط فہمی کے نتیجے میں پیش آیا ہے ۔ ڈپٹی کمشنر نے کہا ۔ کہ نوجوان کو کوارٹر گارڈ میں ڈالنے کی بات بالکل غلط ہے ۔ لیوئیز فورس کا کوئی کوارٹر گارڈ جب موجود ہی نہیں ۔ تو کوارٹر گارڈ میں ڈالنے کی بات کیسے صحیح ہو سکتی ہے ۔ ڈپٹی کمشنر منظور افریدی نے کہا کہ میں نے پیر کے روز اسسٹنٹ کمشنر ، صوبیدار و نائب صوبیدار لیوئیز فورس اور لیویز کے مذکورہ جوان سے سٹیٹمنٹ لے کر کمشنر ملا کنڈ کو بھیج دی ہے ۔ میری نظر میں یہ آفیسر اور اس کے ماتحت کا معاملہ ہے ۔ جسے حل کر دیا گیا ہے ۔ اور جوان اپنی ڈیوٹی انجام دے رہا ہے ۔ ایسے میں اسے اچھالنا خیر خواہی کاکام نہیں ہے ۔

انہوں نے اس بات پر انتہائی افسوس کا اظہار کیا ۔ کہ اخبار نے جو داستان چھاپی ہے ۔ اس میں کچھ باتیں ہم سے بھی پوچھ کر شامل کرتے ۔تو حقیقت واضح ہو جاتی ۔ ڈپٹی کمشنر نےلیوئیز فورس کی طرف سے اپنے جوان کے گھر پر چھاپہ مارنے کے حوالے سے کوئی بات نہیں کی ۔ تاہم دیگر ذرائع نے کہا ۔ کہ جوان کے گھر پر رات کو مبینہ طور پر چھاپہ مارا گیا ۔ جس سے ان میں شدید خو ف و ہراس پھیل گیا ہے۔ ذرائع کے مطابق یہ واقعہ ڈپٹی کمشنر اپرچترال کے نوٹس میں آنے سے پہلے ہی مقامی آفیسران اور عمائدین کی کوششوں سے اے سی اور لیویئز کے جوان کے مابین صلح صفائی کرکے تنازعہ ختم کر دیا گیا تھا ۔ لیکن خاندان کے بعض جوانوں کو اس بات کا قلق تھا کہ اگر جوان کی طرف سے کسی قسم کی غلطی بھی ہو چکی تھی ۔ تو دن کی روشنی میں بھی اسسٹنٹ کمشنر اپنے احکامات صادر کر سکتے تھے آدھی رات کو کیونکر ان کے گھر پر چھاپہ مار کر چادر اور چاردیواری کا تقدس پامال کیا گیا ۔ اس لئے انہوں نے طے شدہ صلح صفائی کی مخالفت کرتے ہوئے اپنی آوازا خبارات تک پہنچایا ۔ جس سے اس کو تازہ ہوا ملی ۔

اس حوالے سے جب چیرمین تحصیل کونسل مستوج سردار حکیم سے رابطہ کیا گیا ۔ تو انہوں نےکہا ۔ کہ وہ گذشتہ رات کو پشاور سے پہنچے ہیں۔ اور اس بارے میں وہ بالکل لاعلم ہیں ۔ اور کوئی بھی بات کرنے کی پوزیشن میں نہیں ہیں ۔اپر چترال کے معروف ادیب و صحافی ذاکر محمد ذخمی نے اس سلسلے میں کہا ۔ کہ مسئلہ حل ہو چکا تھا ۔ اس کو پھر سے بھڑکانا سمجھ سے بالاتر ہے ۔

Posted in تازہ ترین, چترال خبریںTagged
61774

اسسٹنٹ کمشنر مستوج کی یقین دہائی پر سول ہسپتال بونی کے ڈاکٹروں کے خلاف احتجاجی مظاہرہ موخر

Posted on

اسسٹنٹ کمشنر مستوج شاہ عدنان کی یقین دہائی پر سول ہسپتال بونی کے ڈاکٹروں کے خلاف احتجاجی مظاہرہ موخر

چترال(نمایندہ چترال ٹایمز ) جماعت اسلامی کے سابق یو سی امیر اور معروف سوشل ورکر عبداللہ جان فریادی نے اسسٹنٹ کمشنر مستوج شاہ عدنان کی یقین دہائی پر سول ہسپتال بونی کے ڈاکٹروں کے خلاف احتجاجی مظاہرے کو موخر کردیا۔ اس احتجاج کی کال انہوں نے گزشتہ روز بونی ہسپتال میں ایک شہری اور ڈاکٹر کے درمیان تلخ کلامی اور شہری کو جیل بھیجوانے پر دی تھی۔ ان کا مطالبہ تھا کہ ڈاکٹر اپنی روئے اور نا زیبا ریمارکس پر اظہارِ افسوس کرے اور ہسپتال میں طبی سہولیات کی کمی کو فی الفور پورا کیا جائے۔ عبداللہ جان کے مطابق احتجاج سے قبل اے سی مستوج شاہ عدنان نے ان سے کامیاب مذاکرات کرکے دو دن کا وقت مانگ لیا جس پر احتجاج موخر کردیا گیا۔

Posted in تازہ ترین, چترال خبریںTagged
61588