Chitral Times

Apr 16, 2024

ﺗﻔﺼﻴﻼﺕ

جی بی کالجز کے اساتذہ کی پروموشن، پروفیسروں میں خوشی کی لہر دوڑ گئی.

Posted on
شیئر کریں:

جی بی کالجز کے اساتذہ کی پروموشن، پروفیسروں میں خوشی کی لہر دوڑ گئی

 

گلگت (امیرجان حقانی سے) گلگت بلتستان ہائر ایجوکیشن ڈیپارٹمنٹ کے زیر انتظام گلگت بلتستان کی مختلف کالجز کے چھتیس اساتذہ کرام کو اگلے گریڈ میں ترقی دی گئی. ڈاکٹر عظمیٰ سلیم کو گریڈ بیس پروفیسر، عبدالکریم، محمود بیگ، راحت شاہ کو گریڈ انیس ایسوسی ایٹ پروفیسر، عظمیٰ شہناز کو ٹایم سکیل گریڈ 20، ادیبہ بانو اور صباحت میر کو ٹایم سکیل گریڈ 19،جبکہ 17 میل لیکچرز کو گریڈ سترہ سے اٹھارہ بطور اسسٹنٹ پروفیسر اور تیرہ فی میل لیکچرز کو گریڈ 17 سے 18 بطور اسسٹنٹ پروفیسر ترقی دی گئی. پروفیسروں کی نمائندہ تنظیم، گلگت بلتستان لیکچررز اینڈ پروفیسرز ایسوسی ایشن(GB PLA) کے صدر پروفیسر فضل کریم اور اس کی کابینہ صوبائی حکومت بالخصوص چیف سیکرٹری ابرار احمد مرزا، سیکریٹری سروسز راجہ رشید علی، سیکریٹری ہائر ایجوکیشن ولی خان اور ڈائریکٹر کالجز جمعہ گل اور جملہ معاونین اور عملے کا شکریہ ادا کرتی ہے. پروفیسر ایسوسی ایشن نے ایک طویل عرصہ بعد ترقی پانے والے کالجز کے معلمین و معلمات کو مبارک باد پیش کی اور مزید اس عزم کا اظہار کیا کہ ایسوسی ایشن کالجز کی فیکلٹی کے ایشوز کو احسن انداز میں ایڈرس کرے گی اور ارباب اختیار تک تمام مسائل پہنچائے گی. اور صوبائی حکومت سے توقع کا اظہار کیا کہ موجودہ فور ٹائر فارمولہ کا نفاذ اور نیا خیبر پختونخوا طرز کے فارمولے کو بہت جلد منظور کر کہ 24 سالوں سے منتظر کالجز کے معلمین و معلمات کو ریلیف دینے کا موقع فراہم کرے گی اور کالج اساتذہ کے دیرینہ مطالبہ پوری کرے گی۔ یاد رہے کہ گلگت بلتستان کالجز کے اساتذہ گریڈ 17 میں بھرتی ہوتے ہیں اور 20، 22 سال بعد اگلے گریڈ 18 میں ترقی ملتی ہے جو انتہائی غیر منصفانہ ہے.


شیئر کریں:
Posted in تازہ ترین, گلگت بلتستان
86829