Chitral Times

Mar 3, 2024

ﺗﻔﺼﻴﻼﺕ

 مجلس وحدت مسلمین کی سیٹیں ہماری اور ہماری سیٹیں ان کی ہیں، پارٹی جوائن کرنے کا فیصلہ جلد کریں گے ۔ بیرسٹر گوہر

Posted on
شیئر کریں:

 مجلس وحدت مسلمین کی سیٹیں ہماری اور ہماری سیٹیں ان کی ہیں، پارٹی جوائن کرنے کا فیصلہ جلد کریں گے ۔ بیرسٹر گوہر

اسلام آباد(چترال ٹائمزرپورٹ) پاکستان تحریک انصاف کے رہنما بیرسٹر گوہر کا کہنا ہے کہ مجلس وحدت مسلمین کی سیٹیں ہماری اور ہماری سیٹیں ان کی ہیں، پارٹی جوائن کرنے کا فیصلہ جلد کریں گے اور پنجاب، کے پی اوروفاق میں حکومت بنائیں گے۔تفصیلات کے مطابق پاکستان تحریک انصاف کے رہنما بیرسٹرگوہر نے پریس کانفرنس کرتے ہوئے کہا کہ آج جمہوری تاریخ کا بڑااہم دن ہے، آپ کے سامنے کچھ حقائق رکھنے جارہے ہیں، گزشتہ 2 سال سے پی ٹی آئی مشکلات سے گزری ہے۔بیرسٹرگوہر کا کہنا تھا کہ سپریم کورٹ کی ہدایت پر ملک میں 8فروری کو الیکشن کی تاریخ طیہوئی، الیکشن کمیشن نییقین دہانی کرائی لیول پلیئنگ فیلڈ دیں گے لیکن پی ٹی آئی قیادت کیخلاف بوگس کیسز بنائے گئے، ہم نے تمام مشکلات کے باوجود الیکشن کیلئیجدوجہد جاری رکھی۔رہنما پی ٹی آئی نے کہا کہ عوام نے 8فروری کو پرامن طریقے سے حق رائیدہی استعمال کیا، الیکشن کمیشن کی ذمہ داری تھی رات 2بجے تک نتائج کا اعلان کرتا لیکن 2بجے تک کسی صورت نتیجے کا اعلان نہ ہوسکیں تو وجوہات بتائی جائیں۔انھوں نے بتایا کہ اس بار پولنگ کے وقت میں اضافہ نہیں کیاگیا تھا، رات 12بجے تک صرف 10فیصد سے کم نتائج موصول ہوئے تھے،الیکشن کمیشن کی آخری ذمہ داری تھی کیانتخابی نتائج شفاف ہوں۔بیرسٹر گوہر نے کہا کہ قانون کہتا ہے امیدوار یا اس کا ایجنٹ موجود ہو تو نتائج کو کمپائل کیا جائے، وہ سارا پروسس بغیر ایجنٹ کرایا گیا، جس سے نتائج میں تاخیرہوئے۔رہنما پی ٹی آئی نے دعویٰ کیا کہ فارم 45 کے مطابق پی ٹی آئی کو 170 نشستوں پر برتری حاصل ہے، 170میں سے 94 سیٹیں وہ ہیں جو الیکشن کمیشن ایڈمٹ کررہا ہے، 3 اسلام آباد،4 سندھ اورباقی پنجاب کی سیٹیں ہیں، پی ٹی آئی کے انڈیپنڈنٹ امیدواروں کی برتری واضح ہے۔

 

انھوں نے مزید بتایا کہ کے پی میں بھی دو تہائی اکثریت حاصل کی ہے، کے پی سیقومی اسمبلی کی 45میں سے39سیٹیں جیت چکے ہیں، تاریخ میں پہلی بارکے پی سے کوئی پارٹی قومی اسمبلی کی اتنی سیٹیں جیتی ہو، ہمارے پاس کیپی میں دوتہائی اکثریت آچکی ہے۔بیرسٹر گوہر کا کہنا تھا کہ پنجاب میں بھی ہم بھاری اکثریت سے آگے جارہے ہیں، جس کے پاس 50سیٹیں بھی نہیں وہ وزیراعظم بننے کا خواب دیکھ رہاہے، ان شااللہ پی ٹی آئی وفاق میں حکومت بنائے گی اور پنجاب میں بھی پی ٹی آئی حکومت بنائے گی۔پی ٹی آئی کے رہنما نے کہا کہ پنجاب میں 135 کے قریب پی ٹی آئی کے انڈیپنڈنٹ امیدوار کامیاب ہیں، پنجاب کوعوامی وزیراعلیٰ ملنے جا رہاہے۔انھوں نے الیکشن کمیشن، عدلیہ سے گزارش کی کہ یہ عوام کی آواز ہے، جمہوریت کا حسن ہے عوام حق رائیدہی کا استعمال کر کے اپنا نمائندہ منتخب کرے، ہماری درخواست ہے عوام کے مینڈیٹ اور آواز کو قبول کیاجائے۔ان کا کہنا تھا کہ عوام کے مینڈیٹ کا احترام کرتے ہوئے پی ٹی آئی کیلئے کوئی رکاوٹ حائل نہ کی جائے، قانون کے مطابق فارم 45 سے فائنل نتیجہ اخذ کیا جانا ہوتا ہے، فارم45 کے مطابق نتیجہ اخذ کیا جائے اور آج 12 بجے سے پہلے پہلے تمام نتائج کا اعلان کیا جائے۔بیرسٹر گوہر نے کہا کہ آر اوز تاخیرکاشکارکر رہے ہیں،دانستہ طورپرہماری جیت کوبدلہ جارہاہے، جن علاقوں میں رزلٹ ڈکلیئرنہیں وہاں کل آراو دفتر کے سامنے احتجاج کریں گے، ہماری سب سے درخواست ہے پی ٹی آئی کو حکومت بنانے دیں۔رہنما پی ٹی آئی کا مزید کہنا تھا کہ پاکستانی عوام کاتہہ دل سیمشکورہوں، ان شااللہ پنجاب،کے پی اوروفاق میں بھی حکومت بنائیں گے، متعلقہ ا?راو سے مطالبہ ہے ہمارے نتائج جاری کیے جائیں۔

 

انھوں نے بتایا کہ مجلس وحدت مسلمین سے کمٹ کیا تھا اگر ان کے لیڈر کھڑے ہوں گے تو ہم کھڑے نہیں ہوں گے، مجلس وحدت مسلمین کی سیٹیں ہماری اورہماری سیٹیں ان کی ہیں، پارٹی جوائن کرنے کا فیصلہ جلد کریں گے اور انشااللہ مخصوص نشستیں حاصل کریں گے۔بیرسٹر گوہر کا کہنا تھا کہ ہمارے پاس فارم 45 موجود ہیں جو سب کیساتھ شیئر کرنے کو تیارہیں، ملک میں جس کیپاس اکثریت ہوگی وہی حکومت بنائیں گے۔رہنما پی ٹی آئی نے مزید کہا کہ ہمارا کسی سے جھگڑا نہیں مستقبل کی طرف بڑھناچاہتے ہیں، حکومت ملک کیلئے بنائیں گے،آئین و قانون کے مطابق ذمہ داری نبھائیں گے تاہم وزیراعظم کون ہوگا بانی پی ٹی آئی فیصلہ کریں گے۔انھوں نے وضاحت کرتے ہوئے کہا کہ میں نے یہ نہیں کہا کہ مجلس وحدت المسلمین کو جوائن کریں گے، ہمارے تمام امیدوار ان ہمارے ساتھ مخلص ہیں ساتھ رہیں گے۔آزادامیدواروں کے حوالے سے بیرسٹر گوہر نے بتایا کہ جہاں تک آزاد امیدواروں کا تعلق ہے تو دو قسم کے امیدواران ہیں، ہمارے آزاد امیدواران ہمارے ساتھ رابطے میں ہیں۔نواز شریف سے متعلق ان کا کہنا تھا کہ نواز شریف اس لئے آیا کہ میری ڈیل ہوگئی ہے، نوازشریف کی پری الیکشن ڈیل ہوئی لیکن عوام کیساتھ نہیں، 15 دن کے اندر اندر پروسس مکمل کرکے انٹرپارٹی الیکشن کرائیں گے۔رہنما پی ٹی آئی نے مزید کہا کہ ہم سیاسی لوگ ہیں جو بھی فیصلہ ہوگا کریں گے، پہلے فارمیشن کی طرف جائیں گے پھر اگلا لائحہ عمل دیکھیں گے۔

 

سانحہ 9 مئی کیسز؛ عمران خان اورشاہ محمود قریشی کی ضمانت منظور

راولپنڈی(سی ایم لنکس)سانحہ 9 مئی سے متعلق کیسز میں بانی پی ٹی آئی عمران خان اور شاہ محمود قریشی کی ضمانت منظور ہو گئی۔راولپنڈی میں انسداد دہشت گردی عدالت کے جج ملک اعجاز آصف نے سانحہ 9 کے کیسز میں ضمانت سے متعلق درخواستوں کی سماعت کی۔ بانی پی ٹی آئی کی جی ایچ کیو اور آرمی میوزیم حملہ سمیت 12 مقدمات میں ضمانت منظور ہوگئی۔عدالت نے کہا کہ سانحہ 9 مئی کے مقدمات کے تمام ملزمان ضمانتوں پر ہیں اس لیے بانی پی ٹی آئی کو گرفتار رکھنے کا کوئی جواز نہیں۔ رہنما پی ٹی آئی شاہ محمود قریشی کی بھی 13 مقدمات میں ضمانت منظور کرلی گئی۔ ضمانت منظور ہونے کے باوجود عمران خان اور شاہ محمود قریشی کی رہائی کا امکان نہیں کیونکہ دونوں رہنما سائفر کیس میں سزا یافتہ ہیں۔عدالت نے سانحہ 9 مئی مقدمات میں ایک ایک لاکھ روپے ضمانتی مچلکے جمع کرانے کا بھی حکم دیا۔

 


شیئر کریں: