Chitral Times

Apr 16, 2024

ﺗﻔﺼﻴﻼﺕ

ولی محمد خان یفتالی ریجنل پروگرام منیجر آغا خان ایجنسی فار ہبیٹاٹ چترال ریجن تعینات

Posted on
شیئر کریں:

ولی محمد خان یفتالی ریجنل پروگرام منیجر آغا خان ایجنسی فار ہبیٹاٹ چترال ریجن تعینات

چترال ( نمائندہ چترال ٹائمز ) آغا خان ایجنسی فار ہبیٹاٹ AKAH’P پاکستان نے چترال ریجن کے لیے ولی محمد خان یفتالی کو ریجنل پروگرام مینجر تعینات کر دیا ہے۔آغا خان ایجنسی فار ہبیٹاٹ پاکستان AKAH’P نے نئے تعینات ریجنل پروگرام مینجر کو نئے عہدے کے لیے , آفیشیل نوٹیفکیشن جاری کر دیے۔

یاد رہے ولی محمد خان یفتالی گزشتہ کئی برسوں سے آغا خان ڈولمپنٹ نیٹ ورک(اے۔کے۔ڈی ۔ این ) کے ساتھ منسلک ہے۔ اس دوران وہ ادارے کے مختلف شعبوں و مختلف عہدوں پر بطور منیجر ایمرجنسی مینجمنٹ اور پروگرام آفیسر ،کام کرنے کا وسیع تجربہ رکھتے ہیں۔

ولی محمد خان یونیورسٹی آف پشاور سے سوشیالوجی اور پولیٹکل سائنس میں ماسٹرز کرچکے ہیں۔وہ پاکستان سے باہر انٹرنیشنل ڈیزاسٹرز پروگرام میں ادارے ہذا کی بھی نمائندگی کرنے کے ساتھ نیپال ٫یوگینڈا ٫،تاجکستان دوبئی ودیگر ملکوں میں منعقدہ کئی بین الاقوامی سیمنار میں شرکت کر چکے ہیں۔
یادرہے کہ ولی محمد خان یفتالی بابائے لاسپور گل ولی خان (مرحوم ) کے فرزند ارجمند ہیں، انکی بطور ریجنل پروگرام منیجر تعیناتی پر علاقے کے عوام نے نیک خواہشات کے ساتھ اس امید کا اظہار کیا ہے کہ وہ پہلے سے زیادہ دلجمعی اور احسن طریقے سے علاقے کے فلاح وبہبود کے کاموں کو سرانجام دیں گے۔ اور ادارے کو مذید ترقی سے ہمکنار کرنے میں کوئی کسر نہیں چھوڑیں گے۔


شیئر کریں:
Posted in تازہ ترین, چترال خبریں, گلگت بلتستانTagged
84033