Chitral Times

Dec 2, 2023

ﺗﻔﺼﻴﻼﺕ

چترال میں ابتک دو ہزار سے زائد نان کسٹم پیڈ گاڑیوں کی پروفائلنگ مکمل، عوام کی طرف سے محکمہ ایکسائز اینڈ ٹیکسیشن کی کارکردگی کو سراہا گیا

شیئر کریں:

چترال میں ابتک دو ہزار سے زائد نان کسٹم پیڈ گاڑیوں کی پروفائلنگ مکمل، عوام کی طرف سے محکمہ ایکسائز اینڈ ٹیکسیشن کی کارکردگی کو سراہا گیا

چترال (نمائندہ چترال ٹائمز) ملاکنڈ ڈویژن کے دوسرے اضلاع کی طرح چترال میں بھی نان کسٹم پیڈ گاڑیوں کا پروفائلنگ کا کام جاری ہے،محکمہ ایکسائز اینڈ ٹیکسیشن چترال کا عملہ گزشتہ ماہ سے تما م نان ڈیوٹی پیڈگاڑیوں کی پروفائیلنگ کا کام جاری رکھا ہوا ہے۔ اور اب تک چترال (لوئراینڈ اپر) میں دوہزار اُنتالیس گاڑیوں کی پروفائلنگ مکمل کی جاچکی ہے۔ جبکہ ملاکنڈ ڈویژن میں ابتک تقریبا اُنیس ہزار گاڑیاں ریکارڈ میں آچکی ہیں۔

محکمہ ایکسائز چترال  کا عملہ انسپکٹر عبید الرحمن کی سربراہی میں ہفتہ اور اتوار کے دن اپرچترال کے ہیڈ کوارٹر بونی میں یہ ڈیوٹی سرانجام دے رہاہے جبکہ ہفتے کے باقی دنوں لوئرچترال میں پروفائلنگ کا کام جاری ہے۔ اور روزانہ پچاس سے سوگاڑیوں کا ڈیٹا اکھٹا کیا جارہاہے۔ گاڑیوں کی پروفائلنگ کا کام پہلے سے سہل بنانے پر علاقے  کے عوام نے محکمہ ایکسائز اینڈ ٹیکسیشن کی کارکردگی کو سراہا ہے۔


شیئر کریں: