Chitral Times

Feb 28, 2024

ﺗﻔﺼﻴﻼﺕ

یوم اقبال پر ملک بھر میں عام تعطیل کا اعلان

Posted on
شیئر کریں:

یوم اقبال پر ملک بھر میں عام تعطیل کا اعلان

اسلام آباد( چترال ٹائمزرپورٹ) وفاقی حکومت نے یوم اقبال پر عام تعطیل کا اعلان کردیا۔وفاقی حکومت کی جانب سے علامہ اقبال کے یوم ولادت پر عام تعطیل کا نوٹیفکیشن جاری کردیا گیا۔ کابینہ ڈویڑن کی جانب سے جاری نوٹیفکیشن کے مطابق 9 نومبربروز جمعرات کوملک بھر میں تعلیمی ادارے، سرکاری اور نجی دفاتر بند رہیں گے۔یوم اقبال کے موقع پر مختلف تنظیموں کی جانب سے تقاریب منعقد کی جائیں گی جس میں علامہ اقبال کی شخصیت، جدوجہد آزادی میں ان کی خدمات اور شاعری پر روشنی ڈالی جائے گی۔ علامہ محمداقبال 9نومبر1876 کو اقبال منزل سیالکوٹ میں پیدا ہوئے۔ وہ فارسی اور اردو کے مایہ ناز شاعروں میں سے ایک تھے۔

 

چیئرمین PTI کو بیٹوں سے بات کرنے کی اجازت مل گئی

اسلام آباد(سی ایم لنکس)آفیشل سیکرٹ ایکٹ پر سماعت کرنے والی خصوصی عدالت نے چیئرمین پی ٹی آئی کو کل بروز ہفتہ بذریعہ واٹس ایپ بیٹوں سے بات کرنے کی اجازت دے دی۔آفیشل سیکرٹ ایکٹ کی خصوصی عدالت کے جج ابوالحسنات نے چیئرمین پی ٹی آئی کی بیٹوں سے بات کروانے کی درخواست منظور کر لی۔یاد رہے کہ گزشتہ ہفتے چیئر مین پی ٹی آئی نے بیٹوں سے بات کروانے کی درخواست بذریعہ وکیل شیراز رانجھا دائر کی تھی۔درخواست پر سماعت کے دوران چیئرمین پی ٹی آئی کے وکیل شیراز رانجھا نے عدالت استدعا کی کہ عدالت پہلے بھی چیئرمین پی ٹی آئی کو بیٹوں سے بات کرانے کی اجازت دے چکی ہے، کل ہفتہ ہے، بیٹوں سے واٹس ایپ پر بات کرانے کی اجازت دی جائے۔دورانِ سماعت عدالت نے درخواست منظور کرتے ہوئے جیل حکام کو کل چیئرمین پی ٹی آئی کی اْن کے بیٹوں قاسم اور سلیمان سے بات کروانے کے احکامات جاری کر دیے۔یاد رہے کہ عدالت نے چیئرمین پی ٹی آئی کی ہر ہفتے کے روز بیٹوں سے بات کرانے کی درخواست پر نوٹس جاری کر رکھے ہیں۔


شیئر کریں: