Chitral Times

Feb 23, 2024

ﺗﻔﺼﻴﻼﺕ

پاکستان فوج کی جانب سے 153پی ایم اے لانگ کورس ریگولر کمیشن کے ذریعے بھرتیوں کا اعلان کردیاگیا

Posted on
شیئر کریں:

پاکستان فوج کی جانب سے 153پی ایم اے لانگ کورس ریگولر کمیشن کے ذریعے بھرتیوں کا اعلان کردیاگیا

پشاور (چترال ٹائمز رپورٹ) پاکستان فوج کی جانب سے 153پی ایم اے لانگ کورس ریگولر کمیشن کے ذریعے بھرتیوں کا اعلان کردیاگیا ہے۔ آرمی سیلیکشن اینڈ ریکروٹمنٹ سنٹر سے موصول ہونے والے اعلامیے کے مطابق ایف اے، ایف ایس سی میں 55% نمبر حاصل کرنے والے امیدواران جن کی عمریں 17سے 22سال کے درمیان ہوں پاک فوج کی آفیشیل ویب سائٹwww.joinpakarmy.gov.pk پر 19اکتوبر سے 17نومبر 2023ء تک رجسٹریشن کر سکتے ہیں۔واضح رہے کہ پاک فوج میں باقاعدہ مستقل کمیشن کے ذریعے بھرتی ہونے کا سنہری موقع ہے۔ نوجوانوں سے اپیل ہے کہ موقع سے فائدہ اٹھاکراپنے بہترین مستقبل اور ملک کے دفاع کیلئے جلد از جلد رجسٹریشن کرائیں۔

 

دو افسران کے تبادلوں و تعیناتیوں کے احکامات جاری

پشاور (چترال ٹائمزرپورٹ) حکومت خیبرپختونخوا نے فوری طور پر دو افسران کے تبادلوں و تعیناتیوں کے احکامات جاری کئے ہیں تفصیلات کے مطابق گریڈ 18کے ڈپٹی سیکرٹری مواصلات و تعمیرات زاہد مسعود کو تبدیل کرکے انکو بحیثیت ڈپٹی سیکرٹری محکمہ بلدیات، انتخابات و دیہی ترقی تعینات کر دیا ہے جبکہ گریڈ 17کے سیکشن آفیسر محکمہ زراعت غلام غوث کو تبدیل کرکے انکو بحیثیت ڈپٹی سیکرٹری محکمہ مواصلات و تعمیرات تعینات کیا گیا ہے دریں اثناء حکومت خیبرپختونخوا نے سپیشل سیکرٹری محکمہ خزانہ خیبرپختونخوا عابد اللہ (پی اے ایس، بی ایس – 19) کو تا حکم ثانی ڈائریکٹر جنرل خیبرپختونخوا ریونیو اتھارٹی پشاور کے عہدے کا اضافی چارج بھی تفویض کردیا ہے، ان امور کا اعلان اسٹیبلشمنٹ ڈیپارٹمنٹ حکومت خیبرپختونخوا کی جانب سے جاری کردہ دو الگ الگ اعلامیوں میں کیا گیا۔

 

 


شیئر کریں: