Chitral Times

Jun 13, 2024

ﺗﻔﺼﻴﻼﺕ

کمشنر ملاکنڈ ڈویژن کا پٹرولیم مصنوعات کی قیمتوں میں حالیہ کمی کے پیش نظر ریجنل ٹرانسپورٹ اتھارٹی کی طرف سے جاری کئے گئے نئے کرایہ ناموں پر سختی سے عمل درآمد یقینی بنانے کی ہدایت

Posted on
شیئر کریں:

کمشنر ملاکنڈ ڈویژن کا پٹرولیم مصنوعات کی قیمتوں میں حالیہ کمی کے پیش نظر ریجنل ٹرانسپورٹ اتھارٹی کی طرف سے جاری کئے گئے نئے کرایہ ناموں پر سختی سے عمل درآمد یقینی بنانے کی ہدایت

سوات (نمائندہ چترال ٹائمز) کمشنر ملاکنڈ ڈویژن ثاقب رضا اسلم کی زیرِ صدارت اضلاع کی کارکردگی بارے جائزہ اجلاس کمشنر آفس سیدو شریف میں منعقد ہوا۔ اجلاس میں ملاکنڈ ڈویژن کے اضلاع سے ڈپٹی کمشنرز نے ویڈیو لنک کے ذریعے شرکت کی۔ سیکرٹری ٹو کمشنر ملاکنڈ ڈویژن محمد علی خان اور ایڈیشنل اسسٹنٹ کمشنر II بابوزئی عامر خان بھی اس موقع پر موجود تھے۔ اجلاس میں پاکستان سیٹیزن پورٹل، انسدادِ تجاوزات مہم، مجموعی اہداف، پرائس کنٹرول، انسپکشن، کھلی کچہری اور گڈ گورننس فریم ورک میں پیشرفت کا جائزہ لیا۔ اجلاس کی صدارت کرتے ہوئے کمشنر ملاکنڈ ڈویژن ثاقب رضا اسلم نے اضلاع کی مجموعی کارکردگی کو سراہااور انتظامی آفیسرز کو روزانہ کی بنیاد پر فیلڈ وزٹ اور سرکاری نرخناموں پر عمل درآمد یقینی بنانے پر توجہ دینے کی ہدایت کی۔ کمشنر ملاکنڈ ڈویژن نے تمام ڈپٹی کمشنرز کو اپنے اپنے اضلاع میں اشیا ء خورد و نوش کی قیمتوں کے تعین کیلئے ڈسٹرکٹ پرائس ریوئیو کمیٹیوں کے اجلاس کے انعقاد کی ہدایت کی تاکہ عوام کو ریلیف فراہم کیا جا سکے۔ تجاوزات سے متعلق امور کا جائزہ لیتے ہوئے کمشنر ملاکنڈ ڈویژن نے تمام ڈپٹی کمشنرز کو کسی قسم کی رعایت نہ برتنے کی ہدایت جاری کی۔ انہوں نے شہریوں کی طرف سے پاکستان سیٹیزن پورٹل اور دیگر درج شدہ شکایات کی فوری حل کیلئے اقدامات اٹھانے کی ہدایت کی۔کمشنر ملاکنڈ ڈویژن ثاقب رضا اسلم نے پٹرولیم مصنوعات کی قیمتوں میں حالیہ کمی کے پیش نظر ریجنل ٹرانسپورٹ اتھارٹی کی طرف سے جاری کئے گئے نئے کرایہ ناموں پر سختی سے عمل درآمد یقینی بنانے پربھی زوردیا۔


شیئر کریں:
Posted in تازہ ترین, جنرل خبریںTagged
80745