سابق ایم پی اے اور پاکستان پیپلز پارٹی کے سینیر رہنما حاجی غلام محمد پاکستان پیپلز پارٹی سے کنارہ کشی اختیار کی
سابق ایم پی اے اور پاکستان پیپلز پارٹی کے سینیر رہنما حاجی غلام محمد پاکستان پیپلز پارٹی سے کنارہ کشی اختیار کی
اپر چترال ( نمایندہ چترال ٹایمز ) سابق ایم پی اے حاجی غلام محمد نے پاکستان پیپلز پارٹی سے باقاعد طورپر علحیدگی کا اعلان کیا ہے انہوں نے ایک اخباری بیان میں کہا کہ پاکستان پیپلز پارٹی کی ضلعی قیادت ،لوئیر چترال کی قیادت اور بالائی قیادت کا تہہ دل سے مشکور ہوں کہ انہوں نےمجھ پر بھر پور اعتماد کرتے ہوئے ائندہ عام انتخابات کے لیے بحیثیت امیدوار پاکستان پیپلز پارٹی کےصوبائی سیٹ پی کے ون کے ٹکٹ کے لیے مجھے نامزد کیا اس لیے میں ان تمام بہی خواہوں پارٹی کے، ضلعی اور بالائی قیادت کا مشکور ہوں تاہم ہر انسان کا ایک عزت نفس ہوتا ہے اسے اگر کوئی مجروح کریں تو سب کچھ بے معنی رہ جاتی ہے ۔گز شتہ چند دنوں سے پارٹی کی خصوصی واٹسپ گروپ میں بعض ناعاقبت اندیش حضرات میری ذات پر غیر مناسب نکتہ چینی اور انگلی اٹھاتے رہے جو سب کچھ حقیقت کے منفی تھے اور اس طرح کے غیر سنجیدہ اور حقیقت کے منافی حرکات کسی کے لیے بھی ناقابل قبول ہوتے ہیں اور میرے لیے بھی نا قابل قبول ہیں۔لہذا آج سے میں پاکستان پیپلز پارٹی کے مجوزہ صوبائی ٹکٹ سے دستبرداری اور پارٹی سے باقاعدہ طور پر علحیدگی کا اعلان کرتاہوں۔انہوں نے مزید کہا کہ اس وقت میں کسی بھی سیاسی پارٹی میں شمولیت اختیار نہیں کی ہے تاہم موزوں ماحول، اور حالات کے پیش نظر سوچا جاسکتا ہے جو میری سیاسی سفر کے لیے بہتر ثابت ہو فیصلے کا حق محفوظ ہے۔انہوں نے ایک بار پھر پاکستان پیپلز پارٹی کی ضلعی قیادت اور بالائی قیادت کا ان پر اعتماد کرنے پر شکریہ ادا کیا۔