Chitral Times

Dec 3, 2023

ﺗﻔﺼﻴﻼﺕ

سرحد رورل سپورٹ پروگرام (ایس آرایس پی ) کے زیر انتظام چائلڈ پروٹیکشن پراجیکٹ کے حوالے سے کمیونٹی بیسڈ سٹیک ہولڈر ڈائیلاگ کا اہتمام 

شیئر کریں:

سرحد رورل سپورٹ پروگرام (ایس آرایس پی ) کے زیر انتظام چائلڈ پروٹیکشن پراجیکٹ کے حوالے سے کمیونٹی بیسڈ سٹیک ہولڈر ڈائیلاگ کا اہتمام

چترال ( نمایندہ چترال ٹایمز ) سرحد رورل سپورٹ پروگرام (ایس آرایس پی ) کے زیر اہتمام چائلڈ پروٹیکشن پراجیکٹ کے حوالے سے کمیونٹی بیسڈ سٹیک ہولڈر ڈائیلاگ چترال کے ایک مقامی ہوٹل میں منعقد ہوا ۔ جس میں مختلف دیہات کے چائلڈ پروٹیکشن کمیٹی کے صدور وسیکریٹری کے علاوہ  افغان مہاجر کیمپوں میں مقیم مہاجرین کے نمایندے و مختلف مکاتب فکر نے شرکت کی۔ چائلڈ پروٹیکشن آفیسر صلاح الدین صالح اور ڈی پی ایم ایس آر ایس پی چترال طارق احمد نے پروجیکٹ سے متعلق تفصیل سے  حاضرین کو اگاہ کیا۔ جبکہ چائلڈ پروٹیکشن آفیسر چترال اسدا اللہ نے چائلڈ رایٹس سے متعلق تفصیل سے پرزینٹیشن دی ۔ سٹیک ہولڈر ڈائیلاگ میں شاہی خطیب مولانا خلیق الزمان، ڈی ایس پی لیگل محسن الملک ، نیاز اے نیازی ایڈوکیٹ، ڈی ڈی او ایجوکیشن زبیدہ خانم، ڈایریکٹر بے نظیر انکم سپورٹ پروگرام جاوید احمد، اقلیتی ممبرانت بیگ ودیگر نے شرکت کی۔ اور ڈائیلاگ میں حصہ لیا۔ ڈی پی ایم طارق احمد اور صلاح الدین صالح نے بتایا کہ اس پراجیکٹ کا مقصد بچوں کے حقوق کی پاسداری،ان کے  مسائل کی نشاندہی اور حل  کے ساتھ بچوں کو تحفظ فراہم کرنے کے سلسلے میں پراجیکٹ کا اجرا کردیا گیا ہے۔ انھوں نے بتایا کہ بچوں سے مشقت لینے کی روک تھام ، چائلڈ لیبر کی تدارک کے ساتھ سکول سے باہر بچوں کو تعلیم کے دایرے میں لانا بھی پراجیکٹ کا حصہ ہیں، ڈی پی ایم نے شرکا ء پر زور دیا کہ جن علاقوں میں خصوصی طور پر اس پروجیکٹ کے تحت کام ہورہا ہے وہاں پر غیر معمولی تبدیلی آنی چاہیے تاکہ یہ پراجیکٹ کامیابی سے ہمکنارہو۔ ڈی ایس پی لیگل محسن الملک نے انتہائی تشویش کا اظہار کرتے ہو ئے کہا کہ منشیات کے خریدو فروخت میں بچوں کو استعمال کیا جارہاہے اور بعض جگہوں میں کم عمر بچے خود نشے کا عادی ہوچکے ہیں جن میں آئس کا نشہ بھی شامل ہے۔ مولانا خلیق الزمان نے قران و سنت کی روشنی میں ڈائیلاگ میں حصہ لیا اور کہا کہ تمام غیر اخلاقی کام اور بے راہ روی کے ساتھ خودکشی جیسےناسور کا چترال میں پھیلنا دین سے دوری کا نتیجہ ہے۔ انھوں نے پراجیکٹ اور ایس آرایس پی کے زمہ داروں پر زور دیتے ہوئے کہا کہ اسطرح کے نشست مدارس کے علماء اور آئیمہ کرام کے لیے بھی منعقد کئے جائیں جہاں ان کو مدغو کرکے ٹریننگ دیا جائے تاکہ وہ یہ پیغام اپنے اپنے علاقوں میں پہنچا سکیں ۔ اس سے قبل ریسورس پرسن اسد اللہ نے چائلڈ کی تعریف ،عالمی سطح پر بچوں کےمسلمہ حقوق، بچوں کے استحصال ، ذہنی و جنسی تشدد،ہراسگی اور دیگر در پیش خطرات اوران کی روک تھام کیلئے موجود قوانین نیز والدین ،اساتذہ ،کمیونٹی ،معاشرہ اور حکومت کی ذمہ داریوں کے بارےمیں تفصیل سے پریزنٹیشن دی۔ شرکاء نے ا س طرح کے نشست کو موجودہ ترقیاتی اور ڈیجیٹل دور کے لیے وقت کی اہم ضرورت قرار دیتے ہوئے اس پراجیکٹ کو دیگر دیہاتی علاقوں میں بھی توسیع دینے کا مطالبہ کیا۔

chitraltimes srsp child protection projects workshop salah

chitraltimes srsp child protection projects workshop tariq ahmad2 chitraltimes srsp child protection projects workshop

chitraltimes srsp child protection projects


شیئر کریں: