Chitral Times

Sep 22, 2023

ﺗﻔﺼﻴﻼﺕ

ایم ڈی کیٹ ٹیسٹ میں مبینہ نقل: پشاور ہائی کورٹ نے نتائج روکنے کا حکم دے دیا

شیئر کریں:

ایم ڈی کیٹ ٹیسٹ میں مبینہ نقل: پشاور ہائی کورٹ نے نتائج روکنے کا حکم دے دیا

چترال ( نمایندہ چترال ٹایمز) پشاور ہائی کورٹ کے دو رکنی بینج نے میڈیکل اور ڈینٹل کالجوں میں داخلے کے لئے ٹیسٹ (MDCAT)میں مبینہ طور پر الیکٹرانک آلات کے ذریعے سوالات کے حل میں مدد حاصل کرنے اور میرٹ کو متاثر کرنے کے بارے میں ایک درخواست پر امتحان منعقد کرنے والا ادارہ ایٹا اور دوسرے متعلقہ حکا م سے پانچ دنوں کے اندر جواب طلب کرتے ہوئے اٹارنی جنرل خیبر پختونخوا کو نوٹس کرنے کا حکم دے دیا ہے۔ MDCATکے امتحان کا ایک امید وار امیر حمزہ ولد نورالبصرکی طرف سے دائر کردہ رٹ پیٹیشن پر جمعہ کے روز ابتدائی سماعت کے بعد عدالت نے قرار دیا کہ جدید ٹیکنالوجی کے استعمال سے سوالات کے حل کرنے کا الزام بہت ہی سنجیدہ نوعیت کا ہے اور غور طلب ہے۔ عدالت نے 21ستمبر تک متعلقہ حکام کو اس بات کا بھی پابند بنادیا ہے کہ اس عرصے کے دوران MDCAT کے امتحان کے نتائج کو آفیشل ویب سائٹ پر جاری نہ کئے جائیں۔


شیئر کریں: