Chitral Times

May 27, 2024

ﺗﻔﺼﻴﻼﺕ

نامزد چیف جسٹس قاضی فائز 17 ستمبر کو حلف اٹھائیں گے، نامزد چیف جسٹس فائز عیسیٰ کو حلف اٹھانے سے روکنے کیلئے درخواست دائر

Posted on
شیئر کریں:

نامزد چیف جسٹس قاضی فائز 17 ستمبر کو حلف اٹھائیں گے

اسلام آباد(چترال ٹایمزرپورٹ)نامزد چیف جسٹس قاضی فائز عیسیٰ 17 ستمبر کو اپنے عہدے کا حلف اٹھائیں گے۔رپورٹس کے مطابق نامزد چیف جسٹس پاکستان کو قانون کے مطابق سیکیورٹی فراہم کر دی گئی۔سولہ ستمبر کو ریٹائر ہونے والے چیف جسٹس پاکستان عمر عطا بندیال نے ججز کالونی میں چیف جسٹس ہاؤس خالی کردیا ہے۔رپورٹس کے مطابق چیف جسٹس ریٹائرڈ ججوں کے لیے مختص گھر میں منتقل ہوگئے ہیں۔

نامزد چیف جسٹس فائز عیسیٰ کو حلف اٹھانے سے روکنے کیلئے درخواست دائر

اسلام آباد(سی ایم لنکس) نامزد جسٹس فائز عیسیٰ کو بطور چیف جسٹس حلف اٹھانے سے روکنے کیلئے سپریم جوڈیشل کونسل میں درخواست دائر کردی گئی۔دائر کردہ شکایت میں اعلی عدلیہ کے دیگر چار ججز کیخلاف بھی کارروائی کی استدعا کی گئی۔شکایت مقامی وکیل ہاشم صابر راجہ کی جانب سے دائر کی گئی جس میں کہا گیا ہے کہ جسٹس فائز عیسی اپنی اہلیہ کی جائیدادوں کی وضاحت دینے میں ناکام رہے۔درخواست گزارنے کہا کہ انصاف فراہم کرنے والوں کو شفاف اور کسی بھی الزام سے پاک ہونا چاہیے،جسٹس فائز عیسی کسی بھی طرح جج اور چیف جسٹس کے معیار پر پورا نہیں اترتے، جسٹس فائز عیسی اپنی رائے کیخلاف وکلاء کے دلائل بھی توجہ اور صبرسے نہیں سنتے۔درخواست میں کہا گیا کہ جسٹس مظاہر نقوی اسٹبلشمنٹ سے ڈیل کے مرتکب ہوئے،ڈیل کے نتیجہ میں پرویز مشرف کو سزا سنانے والی عدالت کا قیام کالعدم قرار دیا گیا۔ ڈیل کے نتیجہ میں ہی جسٹس مظاہر نقوی کو سپریم کورٹ کا جج بنایا گیا۔درخواست گزار نے شکایت میں مزید کہا کہ جسٹس امین الدین خان نے اٹارنی جنرل اور ایڈووکیٹ جنرل آفسز میں رشتے دار بھرتی کرائے۔ جسٹس امین الدین خان اختیارات کے ناجائز استعمال کے مرتکب قرار پائے۔ وکیل ہاشم صابر راجہ نے اپنی درخواست میں کہا کہ چیف جسٹس لاہور ہائی کورٹ اور جسٹس علی ضیاء باجوہ نے بھی اختیارات کا غلط استعمال کیا، دونوں ججز نے اثر رسوخ استعمال کرکے جم خانہ کلب کی ممبرشپ خلاف ضابطہ حاصل کی۔


شیئر کریں:
Posted in تازہ ترین, جنرل خبریںTagged
79168