الیکشن کمیشن کے 3 سال سے صوبوں میں تعینات افسران وفاق طلب
الیکشن کمیشن کے 3 سال سے صوبوں میں تعینات افسران وفاق طلب
اسلام آباد(سی ایم لنکس)الیکشن کمیشن نے سیکریٹری اسٹیبلشمنٹ ڈویڑن کو مراسلہ لکھ کر 3 سال سے زائد صوبوں میں تعینات افسران کو وفاق بلانے کی ہدایت کر دی۔الیکشن کمیشن نے سیکریٹریٹ گروپ، او ایم جی، ایکس کیڈر افسران کو فوری وفاق رپورٹ کرنے کی ہدایات دی ہیں۔الیکشن کمیشن نے مراسلے میں پولیس اور پاکستان ایڈمنسٹریٹیو سروس کے علاوہ تمام کیڈر کے افسران کو واپس وفاق بلانے کی ہدایت کی ہے۔الیکشن کمیشن نے افسروں کی فہرست 3 سے 4 دنوں میں فراہم کرنے کی بھی ہدایت کر دی ہے۔
بجلی کے بلوں پر عوامی ردعمل، پیسکو کو پولیس سیکیورٹی فراہم
پشاور(چترال ٹایمزنیوز)پشاور اور خیبر میں بجلی کے بھاری بلوں کے خلاف عوامی ردِ عمل کے پیشِ نظر پولیس نے پشاور الیکٹرک سپلائی کمپنی (پیسکو) کو سیکیورٹی فراہم کر دی۔خیبر پختون خوا کے آئی جی نے پشاور اور خیبر سرکل میں پیسکو کو سیکیورٹی فراہم کرنے کے احکامات دیے ہیں۔پولیس حکام کا کہنا ہے کہ پیسکو کے تمام فیڈرز پر پولیس کی اضافی نفری تعینات کر دی گئی ہے، اس حوالے سے ایس ایس پی آپریشنز پشاور نے تمام متعلقہ ایس پیز کو تحریری ہدایات جاری کر دی ہیں۔حکام نے کہا ہے کہ پیسکو کے دفاتر کی سیکیورٹی کی نگرانی متعلقہ ایس پیز خود کریں گے۔واضح رہے کہ بجلی کے بلوں پر عوامی ردِ عمل کے پیشِ نظر پیسکو نے پولیس سے سیکیورٹی مانگی تھی۔پیسکو کی جانب سے چیف کیپیٹل سٹی پولیس کو خط لکھ کر 7 سب ڈویڑنز پر پولیس تعینات کرنے کی درخواست کی گئی تھی۔خط میں کہا گیا تھا کہ خیبر سرکل، حیات آباد ٹو، تاج آباد، لنڈی ارباب، بڈھ بیر، متنی اور دیہہ بہادر سب ڈویڑنز میں پولیس فورس دی جائے۔