Chitral Times

Apr 21, 2024

ﺗﻔﺼﻴﻼﺕ

تحریر Gk رضوان 🖋 – ای شرین نانو مشقولگی ۔۔۔۔۔

Posted on
شیئر کریں:

تحریر Gk رضوان 🖋 – ای شرین نانو مشقولگی ۔۔۔۔۔

تن شرین تتو دورو پیݯی ۔ہوش کوری یا نو کوری ۔یا مہ نافخمی یا نصیبو زوراوری ۔شرین تتو دورو ہتے مستی۔
مہ شرین تتو مہ سوروماژیک ۔برگینیاننے خونزہ بیک۔شرین نانو سوم تن ہردیو لوان دیک ۔ تن ملگریان گنی تن ہوشار نیسیک ۔
بس ہے جولمحو مستی غیچھو پلکہ متے خوشپ ساریتانی ۔ کیوخت کی تہ تتو دورا قدم لاکھیتام تھے روژایو نامو سورا ازبار ہوتام ۔ ݯیق سہ لوٹو نخرانتے برداشت اریتام کا ٹھوک دار ہونی کا بانج دار ۔اشپیشی عوریکو دی لوٹ پوشیتائ برژائگنیانتے کوروم پون نو پرانی۔گومیت گینیان خدمت گار ہوتام ۔تہ تتو سوم مون ارینی ۔ہنیسے جو سورو ہوتامی رے ہسے ما وچے تان عاینی محبتو ٹیمہ نیسونیوتے( پردیسیوتے )بغائ۔

کاندوری مدا شوخسیتائ غم خیݰی الیتام صبرو اوانو ڈیانگ دوسیتام۔ عقیلاش تو مہ رخمہ ݯھوریتاو ۔ تھے ما ہردیا ای نوغ روشتی پیدا ہوئ ۔ دنیو غمان لش کوری تہ افسہ روخݯیکا پھریتام ۔ تو بورداو گیکو سوم تتے مہروچے وفان مہ ہردیاوچے مہ زبانہ غوݯھار شروغ ہونی

عستخ سانس دی نو گنیتام مہ ژانوتے تکلیف بوے رے ۔ تن رخمہ تہ بدیئے تو کیوخت دنیوتے گیتی تن غیچھان ہوریتاٶ تہ ہواز متےگیتی تن ہتے ژان کھدانیو دردان روخݯی تہ ہوازو شرین جوݰیتام ۔تن وجوداری قدرتو سوت ݰاخور ݯھیرو تہ پاچین ݯھیروغوݯھار اریتام ۔

تہ عورارو پروشٹہ تن عوراران قربان اریتام ۔تو مہ موختو لوڑی چھوم ہوسیکو تہ تانتے درست دنیا جوݰیتام ۔

تہ ہر عادتو تانتے شرین جوݰیتام ۔ تو تھاریے روپھیکو مہ دنیا ہوے اباد ۔ مہ پرشٹی تو کوسیکو ۔ تو غیچھاری بوس رے تتے کھوشیتام ۔ اے مہ شرین ژان دنیو ہر مہرو محبتو تہ سوم تمیسل دیتی ۔ تھے تو جوان ہروݰ ہو۔اوا ڑائ پوݯی ہوتام تہ سوم شکر تان کوراو ۔ ہنون نوژان ساریران تہ بے روخیو لوڑی مہ سری غیر تتے پیچ ۔ہݰ کولا مہ شرین ژاو ۔ای التجا مہ ہروݰ نگہ راخݯو تھے نو تہ ہردی عوݰک تھے نو بوئ ۔ مہ اکابیر چوڑینی ہوستہ طاقت مہ بیران ڈیک مہ یری نو دونیان ۔اپاکی دون بغانی غیچ دی مہ کھور سارینیان ۔ہر ای لوسنو کوت محتاج ۔ تہ ہتے ݯیقیو عون ما اکابیری ہاروݰ ۔ تہ کوس پروشٹہ مجبور نواریتام تو دی مہ غونہ کوسہ ۔ شیلی سنھبل مہ کورے تانتے جنتو کرینے ۔ ہیہ تہ کردو کیشمان ۔خماخہ فصلو ژیبوس ۔۔ماݯھیو شیرو غونہ ۔ 🖋


شیئر کریں:
Posted in کھوارسیکشن‎Tagged
77810