Chitral Times

May 27, 2024

ﺗﻔﺼﻴﻼﺕ

چترال ایون کالاش ویلیز روڈ کی تعمیر ایون سے عملی طور پر شروع، رکاوٹوں کو ہٹایا جارہاہے، رہایشی مکانات منہدم کئے جارہے ہیں

Posted on
شیئر کریں:

چترال ایون کالاش ویلیز روڈ کی تعمیر ایون سے عملی طور پر شروع، رکاوٹوں کو ہٹایا جارہاہے، رہایشی مکانات منہدم کئے جارہے ہیں

چترال (نمایندہ چترال ٹایمز ) چترال ایون کالاش ویلیز روڈ کی تعمیر کا کام انتہائی تیزی سے جاری ہے۔ اور ایون سنٹر سے گزرنے والی این ایچ اے روڈپر باقاعدہ کام ہو رہا ہے۔ کافی عرصے سے تاخیر کے شکار روڈ پر عملی طور پر کام شروع ہونے سے لوگوں میں خو شی کی لہر دوڑ گئی ہے۔ روڈ پر سے درخت اور دیگر رکاوٹیں ہٹائے جا رہے ہیں۔ مکانات منہدم کئے جارہے ہیں۔ اور اسکیوئٹر سے عارضی راستہ بنایا جارہا ہے۔ جس کے بعد دونوں سائڈوں پر دیواریں تعمیر کئے جائیں گے، اور فلنگ کی جائیگی۔ ایون کالاش ویلیز کی تعمیرسے جہاں کالاش ویلیز میں سیاحت کو ترقی ملے گی۔ وہاں قصبہ ایون میں کاروبارکو وسعت ملے گا۔ عوامی حلقوں نے میڈیا سے بات کرتے کہا ہے کہ سڑک کے معیار پر کوئی سمجھوتا نہیں ہونا چاہئیے۔ کیونکہ یہ سڑک سیاسی و سماجی نمایندوں کے طویل جدو جہد کے نتیجے میں تعمیر ہو رہی ہے۔ عوامی حلقوں نے یہ مطالبہ کیا ہے۔ کہ سڑک جتنی ممکن ہو سکے،جلد تعمیر کرکے مقامی لوگوں اور سیاحوں کو درپیش مشکلات سے نجات دلائی جائے۔

chitraltimes ayun kalash valley road construction started 3
Exif_JPEG_420
chitraltimes ayun kalash valley road construction started 2
Exif_JPEG_420
chitraltimes ayun kalash valley road construction started
Exif_JPEG_420

شیئر کریں:
Posted in تازہ ترین, چترال خبریںTagged
76742