چترال کو درپیش مسائل کےحل کے لئے ٹھوس اقدامات اٹھائے جائینگے۔ کمشنر ملاکنڈ ڈویژن شاہد اللہ خان
چترال کو درپیش مسائل کےحل کے لئے ٹھوس اقدامات اٹھائے جائینگے۔ کمشنر ملاکنڈ ڈویژن شاہد اللہ خان
چترال ( نمایندہ چترال ٹایمز ) کمشنر ملاکنڈ ڈویژ ن شاہد اللہ خان نے جمعرات کے روز چترال لوئر کا دورہ کیا، ڈپٹی کمشنر آفس پر چترال لیویز کے چاق و چوبند دستے نے سلامی دی۔ ڈپٹی کمشنر محمد علی اور ڈسٹرکٹ پولیس آفیسر چترال صلاح الدین کنڈی و دیگر انتظامی آفیسران اس موقع پر موجود تھے۔ کمشنر ملاکنڈ نے ڈپٹی کمشنر آفس میں دیودار کا پودا لگا کر شجر کاری مہم کا افتتاح کیا۔
کمشنر ملاکنڈ نے انتظامی اور لائن ڈیپارٹمنٹس کے سربراہان کیساتھ اجلاس کی صدارت کی۔ ڈپٹی کمشنر چترال لوئر محمد علی نے جاری ترقیاتی سکیموں و انتظامی امور اور درپیش مسائل بارے تفصیلی بریفنگ دی۔کمشنر ملاکنڈ نے علاقہ معززین، سیاسی و سماجی رہنماؤں سے بھی ملاقات کی اور ان کے مسائل سنے۔ ڈپٹی کمشنر کو ان کے مسائل کے حل کیلئے سنجیدہ اقدامات اٹھانے کی ہدایت کی گئی۔ کمشنر ملاکنڈ کا کہنا تھا کہ چترال ایک حسین اور قدرتی حسن سے مالا مال وادی ہے اوراس کی خوبصورتی کیوجہ سے یہاں کے عوام سیاحت کے فروغ میں اپنا کردار ادا کر سکتے ہیں جس سے علاقے اور ملک کو فائدہ پہنچے گا۔ ان کا مذید کہنا تھا کہ چترال کو درپیش مسائل کے حل کے لئے ٹھوس اقدامات اٹھائے جائینگے۔
لویر چترال کے بعد کمشنر ملاکنڈ شندور فیسٹول کے ابتدائی میچوں میں بطور مہمان خصوصی شرکت کرنے کے سلسلے میں اپر چترال پہنچ گیا۔ ہیڈکوارٹر اپر چترال پہنچنے پر فدالکریم ایڈیشنل ڈپٹی کمشنر جنرل اپر چترال نے کمشنر کا استقبال کیا۔
