سیونگ اسکیم میں سرمایہ کاری کرنے والوں کے لئے اہم اعلان
سیونگ اسکیم میں سرمایہ کاری کرنے والوں کے لئے اہم اعلان
اسلام آباد( چترال ٹایمزرپورٹ )وزیرخزانہ اسحاق ڈار نے سود سے پاک 4 شریعہ سیونگ اسکیم کا اعلان کردیا اور کہا شریعہ کمپلائنٹ پراڈکٹس یکم جولائی سےشروع کی جائیں گی۔تفصیلات کے مطابق اسلام آباد میں قومی بچت اسکیم کے تحت شریعت کے مطابق مصنوعات کی لانچنگ تقریب کا انعقاد کیا گیا۔جس میں وزیر خزانہ اسحاق ڈار نے اسلامی مالیاتی نظام کو فروغ دینے اور سود سے پاک چار شریعہ نیشنل سیونگ اسکیم کا اعلان کیا۔
اسحاق ڈار نے تقریب سے خطاب کرتے ہوئے کہا کہ 21 فیصد اسلامک بینکنگ اپناشیئرحاصل کرچکی ہے، کامیاب تجربے کوسامنے ی رکھتے ہوئے اسے دوبارہ شروع کیا، بجٹ میں یکم جولائی سے اسلامک بینکنگ میں نئی پروڈکٹ لانچ کریں گے۔وزیر خزانہ نے کہا کہ یکم جولائی سے 4 نئی پروڈکٹ لانچ کررہے ہیں، نیشنل سیونگ فنانس منسٹری کاایک ونگ ہے، سیونگ اکاؤنٹ میں ماہانہ منافع اسلامک طریقے سے لے سکتے ہیں۔انھوں نے بتایا کہ ان اسکیموں میں انویسٹر کا سرمایہ محفوظ رہے گا اور جب چاہیں سرمایہ دار اپنی رقم واپس نکال سکتے ہیں۔
اسحاق ڈار کا کہنا تھا کہ ہمارے گزشتہ دور حکومت میں اسلامک بینکنگ کوکافی اہمیت ملی تھی اور تقریباً تمام بینک اسلامک بینکنگ میں تبدیل ہوگئے ہیں۔وفاقی وزیر نے اس عزم کا اظہار کیا کہ نظام کو سود سے پاک کرنے کیلئے مزید منزلیں طے کریں گے اور وہ دن دور نہیں جب مکمل طور پر سود سے پاک نظام لائیں گے، سود کا مطلب اللہ سے جنگ کرنا ہے۔ان کا مزید کہنا تھا کہ 30 جون تک ہم اسکیم تیارکرلیں گے، جو یکم جولائی سے لانچ کی جائے گی۔
قائم مقام صدر صادق سنجرانی نے فنانس بل کی منظوری دیدی
اسلام آباد(سی ایم لنکس)قائم مقام صدر صادق سنجرانی نے فنانس بل 24-2023ء کی منظوری دے دی۔اس سے قبل آج صبح چیئرمین سینیٹ صادق سنجرانی ایوانِ صدر اسلام آباد پہنچے تھے جہاں انہوں نے قائم مقام صدر کی ذمے داریاں سنبھالی تھیں۔واضح رہے کہ صدرِ مملکت ڈاکٹر عارف علوی حج کی سعادت حاصل کرنے کے لیے 52 رکنی وفد کے ہمراہ قومی ایئر لائن پی آئی اے کے خصوصی طیارے پر سعودی عرب روانہ ہوئے ہیں۔صدرِ مملکت کی غیر موجودگی میں چیئرمین سینیٹ صادق سنجرانی نے قائم مقام صدر کی ذمے داریاں سنبھالی ہیں۔کابینہ ڈویڑن نے چیئرمین سینیٹ صادق سنجرانی کے بطور قائم مقام صدر ذمے داریاں سنبھالنے کا نوٹیفکیشن جاری کیا تھا۔